ཡུ་ཀེ་རེན་དང་ ར་ཤི་ཡའི་བར་ན་ དམག་འཁྲུག་ལང་མིའི་ནང་ ཞི་བའི་མི་སེར་ ༩,༠༠༠ ལྷགཔ་ཅིག་ལུ་ཤི་རྐྱེན།

ཨེན་ཌི་ཊི་ཝི།
ཡུ་ཀེ་རེན་ལུ་ ར་ཤི་ཡ་གིས་ དམག་འཁྲུག་ལང་ནི་ འགོ་བཙུགས་ཏེ་ ཉིན་གྲངས་ ༥༠༠ ལྷག་སོང་རུང་ མཇུག་བསྡུ་ནི་མེདཔ་ལས་ ཞི་བའི་མི་སྡེ་ལུ་ གནོད་པ་བྱུང་ཡོད་པའི་སྐོར་ལས་ འཛམ་གླིང་སྤྱི་ཚོགས་ཀྱིས་ ཁ་ཉེས་བཀལཝ་ཨིན་པས།.
དེ་ཡང་ སྤྱི་ལོ་ ༢༠༢༢ སྤྱི་ཟླ་ ༢ པའི་ཚེས་ ༢༤ ལས་ འགོ་བཙུགས་ཏེ་ ར་ཤི་ཡ་གིས་ བཙན་འཛུལ་འབད་མི་ དམག་འཁྲུག་དེ་ནང་ ཨ་ལོ་ ༥༠༠ བརྩིས་ཏེ་ ཞི་བའི་མི་སེར་ ༩,༠༠༠ ལྷགཔ་ཅིག་ལུ་ ཤི་རྐྱེན་བྱུང་ཡོདཔ་སྦེ་ ཡུ་ཀེ་རེན་ལུ་ཡོད་མི་ འཛམ་གླིང་སྤྱི་ཚོགས་ འགྲོ་བ་མིའི་དབང་ཆ་ བལྟ་རྟོག་འབད་མི་ སྡེ་ཚན་གྱིས་ བཤདཔ་ཨིན་པས་ཟེར་བཀོད་ནུག།
འགྲོ་བ་མིའི་དབང་ཆ་ བལྟ་རྟོག་སྡེ་ཚན་གྱི་ འགོ་འཛིན་འོགམ་ ནོ་ཡིལ་ཀེལ་ཧཱོན་གྱིས་ དེ་བཟུམ་མའི་ འཕྲོ་མཐུད་ཅན་གྱི་ དམག་འཁྲུག་ནང་ ད་རུང་ཡང་ བཟོད་མ་ཚུགས་པའི་ གནོད་པ་འབྱུང་ནི་ཨིནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།