པ་ཀིཛ་ཏཱན་གྱི་ མཁའ་དམག་གནམ་གྲུ་ཆུང་བ་གཅིག་ རྒྱ་གར་ཨམ་རིཏ་སར་ལུ་ ཕབ་བཏང་ཡོདཔ།

ཨེན་ཌི་ཊི་ཝི།
སྤྱི་ཟླ་ ༦ པའི་ཚེས་ ༨ ལུ་ པ་ཀིཛ་ཏཱན་གྱི་ ཌཱོན་ཟེར་མི་ མཁའ་དམག་གནམ་གྲུ་ཆུང་བ་ཅིག་ རྒྱ་གར་ཨམ་རིཏ་སར་གྱི་ རྒྱལ་སྤྱི་ས་མཚམས་ནང་འཁོད་ལུ་ འཛུལ་ཞུགས་འབད་ཡོདཔ་ལས་ རྒྱ་གར་གྱི་ ས་མཚམས་ཉེན་སྲུང་སྡེ་ཚན་གྱི་ དམག་མི་ཚུ་གིས་ ཕབ་བཏང་ཡོདཔ་ཨིན་པས།
དེ་མ་ཚད་ ཏ་རཱན་ཏ་རཱན་མངའ་སྡེའི་ནང་ པ་ཀིཛ་ཏཱན་གྱི་ གནམ་གྲུ་ཆུང་བ་ཅིག་གིས་ སྨྱོ་རྫས་ཀེ་ནག་ ཀེ་ཇི་ ༢ ལྷགཔ་ཅིག་ གནམ་ཁ་ལས་མར་ བཀོག་ཡོད་མི་དེ་ཡང་ རྒྱ་གར་གྱི་ དམག་མི་ཚུ་གིས་ འཛིན་བཟུང་འབད་ནུག།
ཨམ་རིཏ་སར་གྱི་ གཡུས་ཚན་བྷའི་ནི་རཱཇ་པུ་ཏ་ནའི་ ཉེ་འདབས་ལུ་ཡོད་མི་ ས་མཚམས་ཉེན་སྲུང་སྡེ་ཚན་གྱི་ དམག་མི་ཚུ་གིས་ གནམ་ཁ་ལས་ མི་མེད་པའི་ གནམ་གྲུ་ཆུང་བ་ཅིག་གི་ ཟིར་སྐད་གོ་བའི་ཤུལ་ལས་ དམག་མི་ཚུ་གིས་ ཀྲོབ་མདའ་རྐྱབ་སྟེ་ ཕབ་བཏང་ཡི་ཟེར་ ས་མཚམས་ཉེན་སྲུང་སྡེ་ཚན་གྱི་ མགྲིན་ཚབ་ཅིག་གིས་ བཤད་ཡོདཔ་ཨིན་པས།
དེ་གི་ཤུལ་ལས་ ས་མཚམས་ཉེན་སྲུང་སྡེ་ཚན་དང་ པཱན་ཇབ་ཁྲིམས་སྲུང་འགག་སྡེ་ ༢ མཉམ་འབྲེལ་ཐོག་ལས་ གནམ་གྲུ་དེ་ འཚོལ་ཞིབ་འབདཝ་ད་ ཞིང་ཅིག་ནང་ མེདཔ་ཐལ་ཏེ་ཡོདཔ་སྦེ་ མཐོང་ནུག་ཟེར་ བཀོད་འདུག་པའི་གནས་ཚུལ།