རྒྱ་གར་ཇ་མུ་ལུ་ དྲག་ཐོག་དབང་བཙོང་གི་ རྒྱབ་འགལ་ལག་ལེན་སྐབས་ལུ་ རྫས་བམ་གས་ཏེ་ དམག་མི་ ༢ ལུ་ཤི་རྐྱེན།

ཨེན་ཌི་ཊི་ཝི།
སྤྱི་ཟླ་ ༥ པའི་ཚེས་ ༥ ལུ་ རྒྱ་གར་གྱི་ འགོ་དཔོན་ཚུ་གིས་ བཤད་དོ་བཟུམ་འབད་བ་ཅིན་ ཇ་མུ་དང་ ཀཤ་མིར་རྫོང་ཁག་ ར་ཇུ་རི་ཟེར་སར་ དྲག་ཐོག་དབང་བཙོང་འབད་མི་ཚུ་དང་ གདོང་ཐུག་སྐབས་ལུ་ དམིག་མི་ ༢ ལུ་ ཤི་རྐྱེན་དང་ འགོ་དཔོན་ ༡ གིས་གཙོས་པའི་ དམག་མི་ ༤ ལུ་ཡང་ རྨ་སྐྱོན་བྱུང་ནུག།
དེ་མ་ཚད་ འཕྲལ་ཁམས་ཅིག་ཁར་ དྲག་ཐོག་དབང་བཙོང་འབད་མི་ཚུ་གིས་ དམག་སྡེ་ལུ་དམིགས་ཏེ་ གནོད་འཚུབས་བཀལ་བའི་སྐབས་ལུ་ཡང་ དམག་མི་ ༥ ལུ་ ཤི་རྐྱེན་བྱུང་ཡོདཔ་ལས་ དྲག་ཐོག་དབང་བཙོང་འབད་མི་ཚུ་ ས་གནས་དེ་ཁ་ལས་ བཏོན་བཏང་ནིའི་དོན་ལུ་ དམག་ལཱ་ཅིག་ ལག་ལེན་འཐབ་ད་ དྲག་ཐོག་དབང་བཙོང་འབད་མི་ཚུ་གིས་ རྫས་བམ་ཚུ་ ལག་ལེན་འཐབ་ཡོདཔ་ཨིན་པས།
དམག་ལཱ་དེ་ནང་ རྨ་སྐྱོན་བྱུང་མི་ཚུ་ སྨན་ཁང་ནང་ བསྐྱལ་ཡོདཔ་ད་ ས་གནས་དེ་ཁར་ དམག་རྒྱབ་ཚུ་ཡང་ འབོད་བཀུག་འབད་ནུག་ཟེར་ བཀོད་འདུག་པའི་གནས་ཚུལ།