བྱང་ཀོ་རི་ཡའི་སྲིད་འཛིན་ ཀིམ་ཇོང་ཨཱན་གྱིས་ བྱང་ཀོ་རི་ཡའི་ སྲིད་སྐྱོང་དབང་ཆ་དེ་ ཁོ་རའི་བུམོ་གིས་ ཤུལ་འཛིན་འབད་ནི་ཨིན་པའི་བརྡ་སྟོན།

ཨལ་ཇ་ཟི་ར།
ལྷོ་ཀོ་རི་ཡའི་ གསང་ཞིབ་ལས་སྡེ་གིས་ བྱང་ཀོ་རི་ཡའི་དབུ་ཁྲིད་ ཀིམ་ཇོང་ཨཱན་གྱིས་ ཁོ་རའི་བུམོ་ ལོ་ན་ཆུང་ཀུ་དེ་ མི་དམངས་ཀྱི་ དུས་སྟོན་ཚུ་ནང་ ངོ་སྟོན་འབད་མི་དེ་ ཉིནམ་ཅིག་གི་ཚེ་ བྱང་ཀོ་རི་ཡའི་ དབང་ཆ་ཐེངས་ ༣ པའི་ ཤུལ་འཛིན་གྱི་ འགན་ཁུར་དེ་ ཀིམ་བཟའ་ཚང་ནང་འཁོད་ལུ་ སྤྲོད་ནི་ཨིན་པའི་ བརྡ་སྟོན་ཐབས་ལམ་ཅིག་ཨིན་པས་ཟེར་བཤད་ནུག།
འདས་པའི་ཟླཝ་ ༥ གི་ནང་ ཀིམ་ཇོང་ཨཱན་དེ་ གོ་མཚོན་མི་ཛ་ཡེལ་ འགོ་འབྱེད་ས་ཁོངས་དང་ བྱང་ཀོ་རི་ཡའི་ གོ་མཚོན་ཚན་རིག་པ་ཚུ་གིས་མ་ཚད་པར་ མི་ཛ་ཡེལ་ ས་ཁོངས་ཚུ་གི་ནང་ཡང་ ཁོ་རའི་བུམོ་ ལོ་ན་ཆུང་ཀུ་འབད་མི་དང་གཅིག་ཁར་ དཔར་བཏབ་ཡོདཔ་སྦེ་ མཐོང་མས་ཟེར་ཨིན་པས།
བྱང་ཀོ་རི་ཡའི་ གཞུང་འབྲེལ་གནས་ཚུལ་ནང་ བུམོ་ལོ་ཆུང་ཀུ་འབད་མི་དེ་ ཀིམ་གྱི་ཨ་ལོ་ཚུ་གི་གྲས་ལས་ གཅེས་ཤོས་ཅིག་ཨིནམ་སྦེ་ བཀོད་པའི་ཤུལ་ལུ་ ཀིམ་ཇོང་ཨཱན་གྱིས་ ཁོ་གི་བུམོ་ སྐྱེས་ལོ་ ༩ དང་ ༡༠ འབད་མི་དེ་ ཁོ་གི་ཤུལ་འཛིན་པ་སྦེ་ གྲ་སྒྲིག་འབད་དོ་ཡོདཔ་སྦེ་ བཤད་ཐོ་ཚུ་ བཏང་མས་ཟེར་ཨིན་པས།
ལྷོ་ཀོ་རི་ཡ་གིས་ གསང་བའི་ཐོག་ལས་ ཞལ་འཛོམས་ཅིག་ འཚོགས་མིའི་ནང་ གྲལ་གཏོགས་འབད་མི་ ཡུ་སང་བུམ་གྱིས་ཡང་ ཀིམ་ཇོང་ཨཱན་གྱིས་ ལོ་ན་ཆུང་ཀུ་འབད་མི་བུམོ་དེ་ མི་མང་གི་ ས་ཁོངས་ཚུ་ནང་ འཁྱིད་མི་ལུ་བལྟཝ་ད་ ད་རུང་ཡང་ མི་རབས་ཅིག་གི་རིང་ལུ་ བྱང་ཀོ་རི་ཡའི་ དབང་ཆ་ཚུ་ ཁོ་རའི་མི་བརྒྱུད་ལུ་ སྤྲོད་ནི་སྦེ་ སེམས་ཐག་བཅད་ཡོད་པའི་ ཡིད་ཆེས་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།