རྒྱ་ནག་གི་ ཛིན་ཇི་ཡང་ ལུང་ཕྱོགས་ནང་ བྱ་ངན་འབདཝ་ལས་ རྒྱལ་ཁབ་ ༤༧ ལུ་ཚ་གྱང་།

ཨེན་ཌི་ཊི་ཝི།
རྒྱ་ནག་གི་ ནུབ་ཕྱོགས་ཁ་ཐུག་ལུ་ ཛིན་ཇི་ཡང་ ཡུང་ཕྱོགས་ནང་ མི་སེར་ས་ཡ་ ༡ ལྷགཔ་ཅིག་དང་ མུཛ་ལིམ་གྱི་ མི་རིགས་ཚུ་ལུ་ དབང་བཙོང་ཐོག་ལས་ བྱ་ངན་འབད་མི་ལུ་ འཛམ་གླིང་ནང་ལས་ རྒྱལ་ཁབ་ ༤༧ གྱིས་ ཚ་གྱང་ཡོད་ལུགས་ཀྱི་ བསམ་འཆར་ཚུ་ བཤད་ནཡོདཔ་ཨིན་པས།
དེ་ཡང་ འཛམ་གླིང་སྤྱི་ཚོགས་ འགྲོ་བ་མིའི་དབང་ཆའི་ གཙོ་འཛིན་གྱིས་ དབང་ཆའི་ཐོག་ལས་ ཟིན་ཇི་ཡང་ ལུང་ཕྱོགས་ནང་ དྲག་ཐོག་དབང་བཙོང་གི་སྒོ་ལས་ བྱ་སྤྱོད་ངན་པ་འབད་བའི་ སྙན་ཞུ་ཅིག་ དཔེ་བསྐྲུན་འབད་ནི་ཨིན་མིའི་ནང་ བཀོད་དེ་ཡོདཔ་ཨིན་པས།
སྙན་ཞུ་དེ་ཁར་ བཀོད་དོ་བཟུམ་འབད་བ་ཅིན་ ལུང་ཕྱོགས་དེ་ནང་ སྡུག་སྦྱོང་དང་ གདུག་རྩུབ་ བྱམས་པ་དང་ སྙིང་རྗེ་མེད་པའི་ ཉེས་ཁྲིམས་བཀལ་ནི་ ཤ་ཕབ་ནི་དང་ འཁྲིག་སྤྱོད་འབད་ནི་ ཕོ་མོའི་དབྱེ་བ་ཕྱེ་སྟེ་ རྩུབ་སྤྱོད་འབད་ནི་དང་ དབང་བཙོང་གི་སྒོ་ལས་ ལཱ་གཡོག་བཀོལ་ནི་ དེ་ལས་ དབང་འཛིན་ཚུ་གིས་ ཨ་ལོ་ན་ཆུང་ཚུ་ ཕམ་དང་ཁ་འཕྱལ་བཏངམ་ལ་སོགས་པའི་ ལོག་སྤྱོད་འབདཝ་མས་ཟེར་ཨིན་པས།
འཛམ་གླིང་སྤྱི་ཚོགས་ འགྲོ་བ་མིའི་དབང་ཆའི་གཙོ་འཛིན་ ཨམ་མ་ཡེ་ཀཱལ་ བེ་ཅི་ལེཏ་གིས་ གནས་ཡུན་ ༢ པའི་དོན་ལས་ བཅའ་མར་མི་གཏོགས་ནི་ཨིན་རུང་ སྤྱི་ཟླ་ ༨ པའི་ཚེས་ ༣༡ ལུ་ དགོངས་ཞུ་མ་འབད་བའི་ཧེ་མར་ སྙན་ཞུ་དེ་ དཔེ་བསྐྲུན་འབད་ནི་ཨིན་པའི་ ཁས་བླངས་ཡོད་ཟེར་ཨིན་པས།
མོ་གིས་ འདས་པའི་ཟླཝ་ནང་ རྒྱ་ནག་ལུ་ གཟིགས་སྐོར་གནང་མི་དེ་ འཛམ་གླིང་སྤྱི་ཚོགས་ཀྱི་ སྐུ་ཚབ་ཚུ་གིས་ མི་ལོ་ ༡༧ གྱི་རིང་ལུ་ འགོ་དང་པ་ཨིན་པས་ཟེར་ བཀོད་འདུག་པའི་གནས་ཚུལ།