BBC: Two of US President Donald Trump’s top envoys have arrived in Moscow ahead of a weekend of talks aimed at accelerating efforts to end the war in Ukraine. Steve Witkoff and Jared Kushner will hold talks in the Russian capital before travelling to Kyiv on Sunday for discussions with Ukraine. Trump told reporters on […]
ཨཱལ་ཇ་ཟི་ར།སྤྱི་ཟླ་ ༩ པའི་ཚེས་ ༥ ལུ་ བོ་ལི་བི་ཡའི་ དབང་འཛིན་ཚུ་གིས་ ཁྲོམ་ཚོགས་བི་ཡ་ཅ་ལུ་ཡོད་མི་ དྲག་པོའི་དམག་སྒར་ནང་ འབར་རྫས་ལན་ཐེངས་ ༢ གས་ཡོདཔ་ལས་ མི་གྲངས་ ༡༠ ལུ་ ཤི་རྐྱེན་དང་ གཞན་མི་ལེ་ཤ་ཅིག་ལུ་ རྨ་སྐྱོན་བྱུང་ཡོད་པའི་ གསལ་བཤད་འབད་ནུག།བོ་ལི་བི་ཡའི་ དྲག་པོའི་དམག་སྡེ་གིས་ རྐྱེན་ངན་དེ་ཡང་ སྤྱི་ཟླ་ ༩ པའི་ཚེས་ ༤ ལུ་ མེ་འབར་རྫས་སྦྱོར་ཚུ་ཡོད་མི་ མཛོད་ཁང་ནང་ བྱུང་ཡོདཔ་ད་ ས་ཁོངས་དེ་ རྒྱལ་ས་ལཱ་པཱཛ་ལས་ ཀི་ལོ་མི་ཊར་ ༣༠ དེ་ཅིག་གི་ ས་ཁར་ཡོདཔ་ཨིན་པས།
BBC: Almost 100% of Nepal’s electricity comes from hydropower, and it produces so much it earns nearly $200m (£147m) each year exporting hydroelectricity to India and Bangladesh. But the very glaciers and mountains giving Nepal this massive natural advantage are succumbing to global warming – and last Wednesday’s deadly floods have laid bare the risks […]
ཀཱཋ་མཱན་ཌུ་པོཛ། སྤྱི་ཟླ་ ༩ པའི་ཚེས་ ༤ ལུ་ འཚོལ་ཞིབ་དང་ སྲོག་སྐྱབས་སྡེ་ཚན་གྱིས་ བཤད་དོ་བཟུམ་འབད་བ་ཅིན་ ནེ་པཱལ་ལུ་ ཆུ་རུད་ཀྱི་ རྐྱེན་ངན་ནང་ ཨ་པར་ཊྲི་ཤུ་ལི་ ཆུར་བརྟེན་གློག་མེ་ལས་འགུལ་ ༣ པ་ ཀ་པའི་ས་དོང་ནང་ལས་ མི་གསོན་པོ་ ༢ དང་ ཕུམོ་ ༡ མ་གཏོགས་ གཞན་ག་ནི་ཡང་ མ་ཐོབ་ཟེར་ཨིན་པས། དེ་ཡང་ ཁྲིམས་སྲུང་སྡེ་ཚན་གྱི་འཐུས་མི་ ཨམ་བར་མ་ཧཱཏ་གིས་ སྲོག་སྐྱབས་ཀྱི་ འཐུས་མི་ ༧ གྱིས་ ས་དོང་ནང་གི་ ས་གོ་མ་འདྲཝ་ཚུ་ནང་ འཚོལ་ཞིབ་འབད་ཡོདཔ་ད་ དེ་བསྒང་ ནེ་པཱལ་གྱི་ དམག་སྡེའི་ནང་ལས་ཡང་ སྡེ་ཚན་ ༡ འཚོལ་ཞིབ་ཀྱི་དོན་ལུ་ ས་དོང་དེ་ནང་ འཛུལ་ཡོདཔ་སྦེ་བཤད་ནུག།
སྤྱི་ཟླ་ ༩ པའི་ཚེས་ ༢ ལུ་ འབྲུག་རྒྱལ་ཡོངས་ཚོགས་འདུའི་ ཚོགས་དཔོན་བསྟན་པ་རྡོ་རྗེ་གིས་ རྒྱལ་ཡོངས་ཚོགས་ཁང་ཆེན་མོའི་ནང་སྦེ་ འབྲུག་གི་རྩ་ཁྲིམས་ཆེན་མོའི་ དགོངས་དོན་དང་འཁྲིལ་ཏེ་ གསང་བྱ་གཏན་འཁེལ་གྱི་ ཁས་བླངས་དམ་བཅའ་ ཕུལ་ཡོདཔ་ཨིན་པས།ཁས་བླངས་དམ་བཅའ་དེ་ཡང་ འབྲུག་གི་ཁྲིམས་སྤྱི་བློན་པོ་ ནོར་བུ་ཚེ་རིང་གི་ སྐུ་མདུན་ལུ་སྦེ་ ཕུལ་ཡོདཔ་ད་ དེ་གི་ཤུལ་ལས་ ཚོགས་དཔོན་འོགམ་ སངས་རྒྱས་མཁའ་འགྲོ་གིས་ཡང་ ཚོགས་དཔོན་གྱི་ འགན་ཁུར་ཚུ་ ཚོགས་དཔོན་བསྟན་པ་རྡོ་རྗེ་ལུ་ རྩིས་འབུལ་ཞུ་ནུག།
སྤྱི་ཟླ་ ༩ པའི་ཚེས་ ༢ ལུ་ མི་དབང་མངའ་བདག་རིན་པོ་ཆེ་མཆོག་གིས་ བཀྲིས་ཆོས་རྫོང་ནང་སྦེ་ ཤྲཱི་ལངྐའི་བློན་ཆེན་ ཌོག་ཊར་ཧ་རི་ནི་ ཨ་མ་ར་སུ་རི་ཡ་དང་ མཇལ་ཕྲད་མཛད་གནང་ནུག། ཌོག་ཊར་ཨ་མ་ར་སུ་རི་ཡ་དེ་ འབྲུག་གཞུང་གིས་ མགྲོན་བརྡ་གནངམ་བཞིན་དུ་ སྤྱི་ཟླ་ ༨ པའི་ཚེས་ ༣༡ ལས་ སྤྱི་ཟླ་ ༩ པའི་ཚེས་ ༤ ཚུན་ལུ་ འགོ་འདྲེན་འཐབ་མི་ རྒྱལ་སྤྱིའི་དྲན་ཚོར་བཟའ་ཆས་རིམ་ལུགས་ཀྱི་ དབུ་ཁྲིད་ཞལ་འཛོམས་ནང་ གྲལ་གཏོགས་གནང་པར་ བྱོན་ཡོདཔ་ཨིན་པས། འབྲུག་དང་ ཤྲཱི་ལངྐའི་བར་ན་ དོན་གཅོད་མཐུན་ལམ་དེ་ སྤྱི་ལོ་ ༡༩༨༧ ལུ་ གཞི་བཙུགས་གནང་ཡོདཔ་ད་ དུས་དེ་ལས་ཚུར་ ནང་པའི་ཆོས་ལུགས་ལུ་ བརྩི་མཐོང་ཤོ་མཚུངས་དང་ ཕན་ཚུན་ལུ་ གུས་ཞབས་དང་ ལེགས་སྨོན་ཚུ་ལུ་ གཞི་བརྟེན་པའི་ མཐུན་ལམ་ལེགས་སྐྱོང་ཐོག་ལུ་ཡོདཔ་ཨིན་པའི་གནས་ཚུལ།
བི་བི་སི། སྤྱི་ཟླ་ ༩ པའི་ཚེས་ ༥ ལུ་ རྒྱ་གར་གྱི་ ནུབ་ཕྱོགས་མངའ་སྡེ་ མཧཱ་རཱཤ་ཏ་ར་ལུ་ སྐྱེལ་འདྲེན་འགོ་དཔོན་ཚུ་གིས་ མངའ་སྡེ་དེ་ནང་ གླ་འཁོར་དང་ ཊུག་ཊུག་གཏང་མི་ཚུ་གིས་ མངའ་སྡེའི་གཞུང་ཁ་ མ་ར་ཐི་ཤེས་དགོཔ་ གལ་ཆེ་བའི་ གནད་ལུ་བརྟེན་ཏེ་ སྤྱི་ཟླ་ ༨ པའི་ཚེས་ ༢༠ ལས་ མ་ར་ཐི་ཁ་སྐད་ཀྱི་ ཆོས་རྒྱུགས་ལེན་ནི་ འགོ་བཙུགས་ནུག། དེ་བསྒང་ ཆོས་རྒྱུགས་མཐར་འཁྱོལ་མ་ཚུགས་མི་ཚུ་ལུ་ ཁ་སྐད་སྦྱང་ནི་གི་དུས་ཡུན་ ཟླཝ་རེ་བྱིན་དོ་ཡོདཔ་ད་ ད་རུང་ཡང་ ཆོས་རྒྱུགས་ནང་ མཐར་མ་འཁྱོལ་བ་ཅིན་ གླ་འཁོར་གཏང་ནི་གི་ ཆོག་ཐམ་མཚམས་འཇོག་ ཡང་ཅིན་ ཆ་མེད་གཏང་ནི་གི་ ཉེན་ཁ་ཡོདཔ་ཨིན་པས། མངའ་སྡེ་གཞུང་གིས་ གླ་འཁོར་དང་ ཊུག་ཊུག་གཏང་མི་ཚུ་གིས་ འགྲུལ་བསྐྱོད་འབད་མི་ཚུ་དང་གཅིག་ཁར་ འབྲེལ་བ་འཐབ་ནི་ ལེགས་སྒྱུར་གྱི་དོན་ལུ་དང་ འགྲུལ་བསྐྱོད་དེ་ ཉེན་སྲུང་ཅན་ བཟོ་ཐབས་ལུ་ཨིན་ཟེར་བཀོད་ནུག།