ཊར་ཀིའི་མངའ་སྡེ་ བ་ལི་ཀི་ཛར་ལུ་ ས་ཡོམ་རྐྱབ་པའི་ རྐྱེན་ངན་ནང་ ཨང་རྒས་ ༡ ལུ་ ཤི་རྐྱེན་དང་ གཞན་མི་ ༢༩ ལུ་རྨ་སྐྱོན།
བི་བི་སི། སྤྱི་ཟླ་ ༧ པའི་ཚེས་ ༡༠ གྱི་ཕྱི་རུ་ ཊར་ཀིའི་ནུབ་བྱང་མངའ་སྡེ་ བ་ལི་ཀི་ཛར་ལུ་ ས་ཡོམ་ཤུགས་ཚད་ ༦.༡ འབད་མི་ཅིག་རྐྱབ་པའི་ རྐྱེན་ངན་ནང་ ཨང་རྒས་ ༡ ལུ་ ཤི་རྐྱེན་བྱུང་ནུག། ཊར་ཀིའི་ནང་སྲིད་བློན་པོ་གིས་ བཤད་དོ་བཟུམ་འབད་བ་ཅིན་ ས་ཡོམ་དེ་ གཙོ་བོ་ར་ ཁྲོམ་སྡེ་སིན་དིར་གི་ཟེར་སར་ རྐྱབ་ཡོདཔ་ལས་ སྐྱེས་ལོ་ ༨༡ འབད་མི་ ཨང་རྒས་དེ་ རག་རོའི་ནང་ལས་ ཕྱི་ཁར་བཏོན་པའི་ཤུལ་ལུ་ གྱོངས་སོང་ཡི་ཟེར་ཨིན་པས། དེ་མ་ཚད་ སྒྲིང་ཁྱིམ་ ༡༦ རམ་ཡར་སོངཔ་ལས་ མི་གྲངས་ ༢༩ དེ་ཅིག་ལུ་ཡང་ རྨ་སྐྱོན་བྱུང་ཡོདཔ་ད་ ས་གནས་ཀྱི་ ཕྱི་རུའི་ཆུ་ཚོད་ ༨ དེ་ཅིག་ཁར་ ས་ཡོམ་རྐྱབ་མི་དེ་ ཊར་ཀིའི་ཁྲོམ་སྡེ་ ཨིཛ་ཊེན་བཱུལ་ལུ་ཡང་ ཚོར་ཡོདཔ་སྦེ་བཤད་ནུག། ཊར་ཀིའི་སྲིད་འཛིན་ རེ་སེབ་ཊ་ཡེབ་ ཨིར་ཌོ་གཱན་མཆོག་གིས་ གསལ་བསྒྲགས་ཅིག་ནང་ སྲོག་སྐྱབས་ཀྱི་ ལཱ་ཚུ་འབད་དོ་ཡོདཔ་ལས་ གནོད་སྐྱོན་བྱུང་མི་ཚུ་ག་ར་ ལེགས་ཤོམ་སྦེ་ བསྐྱར་གསོ་འབད་ཚུགས་པའི་ རེ་བ་ཡོད་ཟེར་ཨིན་པས། […]
