Month: January 2025

བསམ་གྲུབ་ལྗོངས་མཁར་ རྫོང་ཁག་གི་ སྨོན་ལམ་ཆེན་མོ།

རང་ཟླ་ ༡༡ པའི་ཚེས་ ༣ སྤྱི་ཟླ་ ༡ པའི་ཚེས་ ༢ ལུ་ བསམ་གྲུབ་ལྗོངས་མཁར་ རྫོང་ཁག་གི་ ལོ་བསྟར་སྨོན་ལམ་ཆེན་མོ་ ཐེངས་ ༡༠ པ་དེ་ བསམ་གྲུབ་ལྗོངས་མཁར་ སློབ་གྲྭ་བར་མའི་ རྩེད་ཐང་ནང་སྦེ་ འགོ་བཙུགས་ནུག།དེ་ཡང་ སྐྱབས་རྗེ་རྗེ་མཁན་རིན་པོ་ཆེ་མཆོག་ དབུ་བཞུགས་ཐོག་ལུ་ བསམ་གྲུབ་ལྗོངས་མཁར་གྱི་ གྲྭ་ཚང་དང་ ཉེ་འདབས་ཀྱི་ རྫོང་ཁག་ཚུ་ལས་ བླ་སློབ་དང་ དགེ་སློང་ མ་ཎེམོ་ ༦༥༠ དེ་ཅིག་གིས་ གནང་དོ་ཡོདཔ་མ་ཚད་ དད་ལྡན་མི་སེར་ ༥,༠༠༠ དེ་ཅིག་ཡང་ སྤུངས་འཛོམས་འབད་ཡོདཔ་ཨིན་པས།སྤྱི་ཟླ་ ༡ པའི་ཚེས་ ༧ ལུ་ འགྲོལ་གནང་ནི་ཨིན་མི་ སྨོན་ལམ་ཆེན་མོ་དེ་ རྫོང་ཁག་དང་ ཁྲོམ་སྡེ་ རྒེད་འོག་ཚུ་དང་ ལས་འཛིན་ཚུ་ལས་ ཞལ་འདེབས་བསྡུ་ལེན་འབད་དེ་ རྫོང་ཁག་དང་ ཁྲོམ་སྡེ་ རྒེད་འོག་ཚུ་གིས་ འགོ་འདྲེན་འཐབ་དོ་ཡོདཔ་ཨིན་པའི་ གནས་ཚུལ་མདོར་བསྡུས།

January 5, 2025

Special News

རྒྱ་གར་ཨ་སམ་མངའ་སྡེ་གིས་ དགེ་ལེགས་ཕུག་ དྲན་ཤེས་ཁྲོམ་ཚོགས་ཀྱི་དོན་ལུ་ མཐུན་རྐྱེན་ལྷན་ཐབས་འབད་ནི།

རྒྱ་གར་ཨ་སམ་མངའ་སྡེའི་ གཙོ་འཛིན་བློན་པོ་ ཧི་མཱན་ཏ་ བིཛ་ཝ་ སར་མ་མཆོག་གིས་ འབྲུག་ལུ་ གཟིགས་སྐོར་གནང་སྟེ་ ཨ་སམ་ལུ་ ལོག་ཕེབས་པའི་ཤུལ་ལས་ གནས་ཚུལ་ཞལ་འཛོམས་ཅིག་ནང་ དགེ་ལེགས་ཕུག་ དྲན་ཤེས་ཁྲོམ་ཚོགས་ཀྱི་དོན་ལུ་ ཨ་སམ་གྱི་ ལཱ་འགན་སྐོར་ལས་ གསལ་བཤད་གནང་ནུག།དེ་ཡང་ ས་གནས་ཀྱི་ བརྡ་བརྒྱུདཔ་ཚུ་གིས་ གཙོ་འཛིན་བློན་པོ་མཆོག་ འབྲུག་གི་རྒྱལ་ཡོངས་དུས་ཆེན་ ཐེངས་ ༡༡༧ པའི་ནང་ སྐུ་མགྲོན་སྦེ་ བྱོན་ཡོདཔ་བཞིན་དུ་ ཨ་སམ་གྱི་ཁ་ཐུག་ལས་ དགེ་ལེགས་ཕུག་ དྲན་ཤེས་ཁྲོམ་ཚོགས་ཀྱི་དོན་ལུ་ ག་ཅི་ར་ མཛད་ནི་གི་ ཐུགས་བཞེད་ཡོདཔ་ཨིན་ན་ཚུ་གི་སྐོར་ལས་ དྲི་བ་ཞུ་བའི་ལན་ལུ་ གསལ་བཤད་མཛད་ཡོདཔ་ཨིན་པས།གཙོ་འཛིན་བློན་པོ་ ཧི་མཱན་ཏ་ བིཛ་ཝ་ སར་མ་གིས་ གསུངས་དོ་བཟུམ་འབད་བ་ཅིན་ འབྲུག་ལུ་ གཟིགས་སྐོར་གནང་མི་དེ་ དགེ་ལེགས་ཕུག་ དྲན་ཤེས་ཁྲོམ་ཚོགས་ཀྱི་ གོང་འཕེལ་གནས་སྟངས་སྐོར་ལས་ ཧ་གོ་ཐབས་ལུ་དང་ ཨ་སམ་གྱི་ཧོངས་ལས་ ལྷན་ཐབས་འབད་དགོཔ་ཚུ་ ཧ་གོ་ཐབས་ལུ་ཨིན་ཟེར་གསུངས་ནུག།དགེ་ལེགས་ཕུག་ དྲན་ཤེས་ཁྲོམ་ཚོགས་ཀྱིས་ ཨ་སམ་མངའ་སྡེ་ལུ་ ཁེ་ཕན་སྦོམ་སྦེ་ར་ འབྱུང་ནི་ཨིནམ་ལས་ ང་བཅས་ཀྱིས་ དོ་འགྲན་འབད་ནི་མིན་པར་ མཐུན་རྐྱེན་ལྷན་ཐབས་འབད་ནི་དེ་ གལ་ཆེ་ཟེར་ཨིན་པས།དེ་མ་ཚད་ དགེ་ལེགས་ཕུག་ དྲན་ཤེས་ཁྲོམ་ཚོགས་དེ་ […]

January 5, 2025

Special News

ཐིམ་ཕུའི་སློབ་ཕྲུག་སྡེ་ཚན་ཅིག་གིས་ མི་དབང་སྐུ་འཁོར་ལྷན་རྒྱས་ཀྱི་ སྐུ་མདུན་ལུ་ལོ་ལེགས།

སྤྱི་ཟླ་ ༡ པའི་ཚེས་ ༢ ལུ་ ཐིམ་ཕུའི་སློབ་ཕྲུག་སྡེ་ཚན་ཅིག་གིས་ མི་དབང་མངའ་བདག་རིན་པོ་ཆེ་དང་ མི་དབང་རྒྱལ་བཙུན་མཆོག་གིས་ དབུ་གཙོས་པའི་ མི་དབང་རྒྱལ་སྲས་ འཇིགས་མེད་རྣམ་རྒྱལ་དབང་ཕྱུག་དང་ མི་དབང་རྒྱལ་སྲས་ ཨྱོན་དབང་ཕྱུག་ མི་དབང་རྒྱལ་སྲསམོ་ བསོད་ནམས་གཡང་སྒྲོན་དབང་ཕྱུག་ཚུ་གི་ སྐུ་མདུན་ལུ་བཅར་ཏེ་ ལོ་ལེགས་བགྱངས་ཐོག་ལས་ ཉི་ལོག་བརྩི་སྲུང་ཞུ་ཡི།དེ་ཡང་ དཔལ་ལྡན་འབྲུག་པའི་ རྩིས་གཞུང་དང་འཁྲིལ་ཏེ་ འབྲུག་ནུབ་ཕྱོགས་ཀྱི་ ས་གནས་ཚུ་ནང་ གནམ་དགུན་གྱི་ ཉི་ལོག་འདི་ཁར་ ལོ་གསར་སྦེ་ བརྩི་སྲུང་འབད་དོ་ཡོདཔ་ད་ ཉི་ལོག་འདི་ཁ་ལས་ འགོ་བཙུགས་ཏེ་ ཉིམ་རིངམོ་འགྱོཝ་ཨིན་པས།སློབ་ཕྲུག་ཨ་ལོ་ཚུ་གིས་ ཁྱིམ་བཤལ་རྐྱབ་སྟེ་ ལོ་འདི་ནང་ དགའ་སྐྱིད་ཕུན་སུམ་ཚོགས་པའི་ བཀྲིས་ལེགས་སྨོན་ ཞུ་སྲོལ་ཡོདཔ་ད་ དེ་བསྒང་ མི་མང་གིས་ གསོལ་རས་ཚུ་ཡང་ བྱིན་དོ་ཡོདཔ་ཨིན་པས།མི་དབང་ཞབས་དང་ མི་དབང་སྐུ་འཁོར་ལྷན་རྒྱས་ཚུ་གིས་ ཉི་ལོག་བརྩི་སྲུང་གི་དོན་ལས་ ལོ་བསྟར་བཞིན་དུ་ གླིང་ཀ་ནང་གི་ ཕོ་བྲང་ནང་སྦེ་ ཨ་ལོ་ཚུ་ལུ་ བསུ་བ་མཛད་དེ་ ལོ་ལེགས་བགྱངས་བཅུག་ནི་དེ་ ལམ་སྲོལ་ཅིག་ལུ་ གྱུར་ཡོད་པའི་གནས་ཚུལ།

January 4, 2025

National News

རྒྱ་གར་ཇའི་སྒང་གི་ བཟའ་ཁང་ཅིག་གི་ འོག་ཁང་ནང་ལས་ བླ་མའི་སྐུ་ཕུང་ཐོབ་ཡོདཔ།

སྤྱི་ཟླ་ ༡ པའི་ཚེས་ ༢ ལུ་ རྒྱ་གར་གྱི་ ས་མཚམས་ཁྲོམ་སྡེ་ ཇའི་སྒང་ལུ་ཡོད་མི་ ཧིལ་ཝིའུ་བཟའ་ཁང་གི་ འདྲེན་སྐས་ལས་ བུད་འགྱོ་བའི་ དོགས་པ་ཡོད་མི་ འབྲུག་པའི་བླམ་ཅིག་གི་ སྐུ་ཕུང་ཐོབ་ནུག།དེ་ཡང་ སྤུ་ན་ཁ་རྫོང་ཁག་ གླིང་བུ་ཁ་ལས་ དགུང་ལོ་ ༤༤ བཞེས་མི་ སྤ་རོ་སྐྱིད་ལ་དགོན་པ་ སྒྲུབ་སྡེའི་སྒྲུབ་དཔོན་ བླམ་ཟླ་བ་ནོར་བུ་ཨིནམ་ད་ བླམ་དེ་ རྒྱ་གར་རྡོ་རྗེ་གདན་ལུ་ འབྲུག་མི་ ༧ འབད་མི་ སྡེ་ཚན་དང་གཅིག་ཁར་ གནས་སྐོར་ལུ་ བྱོན་ནི་སྦེ་ བཟའ་ཁང་དེ་ནང་ བཞུགས་ཡོདཔ་ཨིན་པས།གནས་ཚུལ་བྱུང་ཁུངས་དང་འཁྲིལ་བ་ཅིན་ ཁོང་ཆ་ཁྱབ་ག་ར་ བཟའ་ཁང་ནང་ལས་ ཐོན་སོང་སྟེ་ ཕྱི་ཁར་ལྷོདཔ་ད་ བླམ་དེ་གི་ མི་ཁུངས་ངོ་སྤྲོད་ལག་ཁྱེར་ ཁང་མིག་ནང་ ལུས་སོངཔ་ལས་ ལོག་ལེན་པར་ བྱོན་པའི་ཤུལ་ལུ་ སྐར་མ་ ༣༠ ལྷགཔ་ཅིག་བསྒུགས་རུང་ བྱོན་ནི་མེདཔ་ལས་ སྡེ་ཚན་དེ་ཡང་ ཐོག་ཚད་ ༣ པའི་ ཁང་མིག་ནང་ བལྟ་བར་འགྱོ་བའི་སྐབས་ལུ་ ཁང་མིག་དེ་ ལྡེ་མིག་རྐྱབ་སྟེ་ཡོདཔ་ལས་ ཆུ་ཚོད་ […]

January 4, 2025

World News

རྒྱ་ནག་གི་ ཁྲོམ་ཚོགས་ཅིག་ནང་ མེ་འབར་ཏེ་ མི་ ༨ ལུ་ ཤི་རྐྱེན་དང་ ༡༥ ལུ་རྨ་སྐྱོན།

ཨེ་བི་སི། སྤྱི་ཟླ་ ༡ པའི་ཚེས་ ༤ ལུ་ རྒྱ་ནག་གི་ བྱང་ཕྱོགས་མངའ་སྡེ་ ཧེ་བཻ་ཟེར་སར་ བཟའ་འཐུང་གི་ ཁྲོམ་ཚོགས་ཅིག་ནང་ མེ་འབར་ཡོདཔ་ལས་ མི་གྲངས་ ༨ ལུ་ ཤི་རྐྱེན་དང་ ༡༥ ལུ་ རྨ་སྐྱོན་བྱུང་ནུག།དེ་ཡང་ ཞང་ཇི་ཡ་ཀོའུ་ཁྲོམ་སྡེའི་ ལི་གུང་ཁྲོམ་ཚོགས་ནང་ ཉིན་དགུང་ལུ་བྱུང་མི་ མེ་རྐྱེན་དེ་ ཉིན་ཡོལ་ཆུ་ཚོད་ ༢ དེ་ཅིག་ཁར་ བསད་ཚུགས་ཡོད་རུང་ ག་ཅི་ལུ་བརྟེན་ཏེ་ བྱུང་ཡོདཔ་ཨིན་ནའི་སྐོར་ལས་ ཤེས་མ་ཚུགསཔ་ཨིན་པས།ཨིན་རུང་ མི་ཚུ་གིས་ མེ་རྐྱེན་དེ་ མེ་རླུང་རྒྱ་རྫི་དང་ ཏམ་ཁུ་འཚིག་རོ་ ཤ་བསྲེག་མེ་རྫས་ ས་འོག་མེ་རླུང་དུང་ཅུང་ལ་སོགས་པ་ཚུ་ལས་ བྱུང་ཡོད་པའི་ ཁ་ཉེས་ཚུ་ཡང་ བཀལཝ་ཨིན་པས་ཟེར་བཀོད་ནུག།དེ་བཟུམ་མའི་ རང་ལུགས་ཚོང་ཁང་ནང་ སྣ་ཚོགས་ཚོང་ཁང་ གཞན་ཚུ་དང་ཕྱདཔ་ད་ གོང་ཚད་ཁེ་ནི་དེ་གིས་ འཕྲལ་འཕྲལ་སྦེ་ར་ ཚོང་ཉོ་མི་ཚུ་ ལེ་ཤ་སྦེ་ སྤུངས་འཛོམས་འབདཝ་ཨིན་པས་ཟེར་ བཀོད་འདུག་པའི་གནས་ཚུལ།

January 4, 2025

World News

རྒྱ་པཱན་གྱི་ཨམ་སྲུ་ ཊོ་མི་ཀོ་ ཨི་ཊུ་ཀ་ཟེར་མི་དེ་ སྐྱེས་ལོ་ ༡༡༦ འབད་མི་གྱོངས་ཡོདཔ།

ཨེ་བི་སི། སྤྱི་ཟླ་ ༡ པའི་ཚེས་ ༤ ལུ་ འཛམ་གླིང་ནང་ ལོ་ན་རྒས་ཤོས་ཨིན་མི་ རྒྱ་པཱན་གྱི་ཨམ་སྲུ་ ཊོ་མི་ཀོ་ ཨི་ཊུ་ཀ་ཟེར་མི་དེ་ སྐྱེས་ལོ་ ༡༡༦ གི་ཐོག་ལུ་ གྱོངས་ཡོདཔ་སྦེ་ མོ་ར་སྡོད་སའི་ཁྲོམ་སྡེ་ ཨ་ཤི་ཡ་ལས་ གསལ་བསྒྲགས་འབད་ཡོདཔ་ཨིན་པས།ཨ་ལོ་ ༤ དང་ དི་བུ་དི་བུམོ་ ༥ ཡོད་མི་ ཨང་རྒས་དེ་ སྤྱི་ཟླ་ ༡༢ པའི་ཚེས་ ༢༩ ལུ་ རྒན་སྐྱོང་ཁྱིམ་ནང་སྦེ་ གྱོངས་ཡོད་པའི་སྐོར་ལས་ ལྷོ་ཕྱོགས་ཁྲོམ་སྡེའི་ ཁྲོམ་དཔོན་གྱིས་ གསལ་བསྒྲགས་འབད་ཡོདཔ་ད་ ཨང་རྒས་ཨི་ཊུ་ཀ་དེ་ སྤྱི་ལོ་ ༢༠༡༩ ལས་ རྒན་སྐྱོང་ཁྱིམ་ནང་ སྤོ་བཤུད་འབད་ནུག།ཨང་རྒས་དེ་ སྤྱི་ལོ་ ༡༩༠༨ སྤྱི་ཟླ་ ༥ པའི་སྤྱི་ཚེས་ ༢༣ ལུ་ ཨ་ཤི་ཡའི་ ཉེ་འདབས་ལུ་ཡོད་མི་ ཨོ་ས་ཀ་ ཚོང་འབྲེལ་ལྟེ་བའི་ནང་ ཡུ་ཨེཛ་ལུ་ ཕོརཌ་མོ་ཌེལ་ཊི་ཟེར་མི་ གསར་བཏོད་མ་འབད་བའི་ ཟླཝ་ […]

January 4, 2025

National News

སློབ་ཕྲུག་ཚུ་ལུ་ ནང་ཆོས་སློབ་སྟོན།

སྤྱི་ཟླ་ ༡ པའི་ཚེས་ ༡ ལུ་ གཞུང་གྲྭ་ཚང་གི་ ལས་ཚོགས་སློབ་དཔོན་མཆོག་གིས་ དབང་འདུས་ཕོ་བྲང་རྫོང་གི་ ཞབས་དྲུང་སྟོང་སྐུའི་ ལྷ་ཁང་ནང་སྦེ་ ན་གཞོན་ནང་ཆོས་སློབ་སྦྱོང་ལས་རིམ་ནང་ གྲལ་གཏོགས་འབད་མི་ སློབ་ཕྲུག་བུ་དང་ བུམོ་ ༣༦༠ ལྷགཔ་ཅིག་ལུ་ ཚེ་འདི་ཕྱི་གཉིས་ལུ་ཕན་པའི་ བཀའ་སློབ་དང་ ལམ་སྟོན་བཟང་པོ་གིས་མ་དོ་བར་ སྐྱབས་འགྲོ་སེམས་བསྐྱེད་ཀྱི་ སྡོམ་པ་དང་ ཁ་ཐུན་དགེ་སྦྱོར་གྱི་ ལྗགས་ལུང་ཚུ་ཡང་ གནང་ཡོདཔ་མ་ཚད་ ནང་ཆོས་ཉམས་ལེན་གྱི་ དཔེ་དེབ་རེ་ཡང་ གནང་ཡོདཔཨིན་པས། མཁན་སློབ་ཚུ་གིས་ ན་གཞོན་ཚུ་ བ་འཇོ་བཤད་གྲྭ་དང་ རྭ་བྲག་གནས་ཁང་གི་ཉེ་འདབས་ བྱེ་མེད་ཐང་ཁ་ དེ་ལས་ ཕལ་ཏ་ཚུ་ནང་ ཉིན་གྲངས་ ༡༤ གི་རིང་ལུ་ ནང་ཆོས་དང་འབྲེལ་བའི་ སློབ་སྟོན་ཚུ་ གནང་དོ་ཡོདཔ་ཨིན་པའི་ གནས་ཚུལ་མདོར་བསྡུས།

January 4, 2025

National News

ཌཱན་ཊག་ལས་འགུལ་དང་ འབྲུག་ཚོང་འབྲེལ་ལས་འཛིན་གྱི་བར་ན་ ས་སྣུམ་བཀྲམ་སྤེལ་གྱི་དོན་ལུ་ གོ་བརྡའི་ཆིངས་ཡིག།

པདྨ་བཟངམོ། སྤྱི་ཟླ་ ༡༢ པའི་ཚེས་ ༣༠ ལུ་ རྒྱ་གར་གྱི་ ས་མཚམས་ལམ་སེལ་ལས་སྡེ་ ཌཱན་ཊག་ལས་འགུལ་དང་ འབྲུག་ཚོང་འབྲེལ་ལས་འཛིན་གྱི་བར་ན་ གོ་བརྡའི་ཆིངས་ཡིག་ཅིག་ལུ་ མཚན་རྟགས་བཀོད་ཡོདཔ་ཨིན་པས།མཚན་རྟགས་དེ་ཡང་ ཌཱན་ཊག་ལས་འགུལ་གྱི་ བཟོ་རིག་གཙོ་འཛིན་འགོ་དཔོན་ དོ་འཛིན་རོ་ཧིཊ་གུབ་ཏ་དང་ འབྲུག་ཚོང་འབྲེལ་ལས་འཛིན་གྱི་ བཀོད་ཁྱབ་གཙོ་འཛིན་འགོ་དཔོན་གྱི་ཚབ་ བཙན་སྐྱོགས་ ༢ ཀྱིས་བཀོད་ནུག།ལས་སྡེ་ ༢ ཀྱི་བར་ན་ དེ་བཟུམ་མའི་ གོ་བརྡའི་ཆིངས་ཡིག་ བཟོ་མི་དེ་ཡང་ འབྲུག་རྒྱལ་ཁབ་ནང་གི་ ཌཱན་ཊག་ལས་འགུལ་ལུ་ བཟོ་རིག་འཕྲུལ་ཆས་དང་ ས་རྐོ་འཕྲུལ་གླང་ཚུ་གིས་གཙོས་པའི་ སྣུམ་འཁོར་ཚུ་གི་དོན་ལས་ ས་སྣུམ་པེ་ཊཱོལ་དང་ ཌི་ཟཱལ་ཚུ་ བཀྲམ་སྤེལ་འབད་ཐབས་ལུ་ཨིནམ་ད་ འདས་པའི་ལོ་ངོ་ ༤ གི་ ནང་འཁོད་ལུ་ཡང་ མཉམ་འབྲེལ་གང་དྲག་ བྱུང་ཡོདཔ་ཨིན་པས།ཆིངས་ཡིག་དེ་ལུ་བརྟེན་ཏེ་ རྒྱ་ཁབ་ནང་ཡོད་མི་ ཌཱན་ཊག་ལས་འགུལ་གྱི་ ལས་ཚན་གེ་རའི་ནང་ ས་སྣུམ་ཚུ་ རྒྱུན་ཆད་མེད་པར་ བཀྲམ་སྤེལ་འབད༌དེ་ ལས་འགུལ་ཚུ་ ལེགས་ཤོམ་སྦེ་ ལག་ལེན་འཐབ་ཚུགས་ནི་ཨིནམ་ད་ འདས་པའི་ལོ་ལུ་ཡང་ དངུལ་ཀྲམ་ས་ཡ་ ༩༧ ལྷགཔ་ཅིག་གི་ ཚོང་འབྲེལ་འཐབ་ནུག།འབྲུག་ལུ་ ཌཱན་ཊག་ལས་འགུལ་དེ་ སྤྱི་ལོ་ […]

January 4, 2025

World News

ཛམ་བི་ཡ་ལུ་ བཙོན་པ་བཏང་མི་ ཁྲིམས་སྲུང་འགག་སྡེའི་ འགོ་དཔོན་ཅིག་འཛིན་བཟུང་།

སི་ཨེན་ཨེན། ཛམ་བི་ཡ་ལུ་ ཁྲིམས་སྲུང་འགག་སྡེའི་ འགོ་དཔོན་ཅིག་གིས་ སྤྱི་ལོ་གསར་ཚེས་ཀྱི་ དུས་སྟོན་བརྩི་སྲུང་གི་དོན་ལུ་ བཙོན་པ་ཚུ་ བཙོན་ཁང་ནང་ལས་ བཏང་ཡོད་པའི་ དོགས་ཟོན་ཐོག་ལུ་ འགོ་དཔོན་དེ་ འཛིན་བཟུང་འབད་ནུག།དེ་ཡང་ སྤྱི་ཟླ་ ༡ པའི་ཚེས་ ༢ ལུ་ ཛམ་བི་ཡའི་ ཁྲིམས་སྲུང་འགག་སྡེ་གིས་ གནས་ཚུལ་གསར་བཏོན་ཅིག་ནང་ བཀོད་དོ་བཟུམ་འབད་བ་ཅིན་ ཁྲིམས་སྲུང་འགག་པའི་ འགོ་དཔོན་དེ་གིས་ དྲོ་པ་ཁམས་ཅིག་ཁར་ དབང་བཙོང་ཐོག་ལས་ བཙོན་ཤག་གི་ ལྡེ་མིག་ཚུ་ འཕྱོག་བཟུང་འབད་ནུག་ཟེར་ཨིན་པས།དེ་ལས་ ཕོ་སྐྱེས་དང་ ཨམ་སྲུ་གཉིས་ཆ་རའི་ བཙོན་ཤག་གི་ ལྡེ་མིག་ཚུ་ ཕྱེ་ཞིནམ་ལས་ བཙོན་པ་ཚུ་ ཕྱི་ཁར་འགྱོ་ཆོགཔ་སྦེ་ སླབ་པའི་ཤུལ་ལུ་ ཕྱི་ཁར་སོང་ཡོདཔ་ལས་ བཙོན་པ་ ༡༣ ད་ལྟོའི་བར་ན་ཡང་ འཚོལ་མ་ཐོབ་པར་ཡོད་ཟེར་བཀོད་ནུག།མ་གཞི་ ཁྲིམས་སྲུང་འགག་སྡེ་གིས་ ཁྲིམས་ལུགས་ཚུ་ སྲུང་སྐྱོབ་འབད་ནི་གི་ ཁས་བླངས་འབད་ཡོད་རུང་ དབང་ཚད་ལོག་སྤྱོད་དང་ ཁྲིམས་དང་མ་མཐུན་པའི་ བྱ་སྤྱོད་འབད་མི་ཚུ་ལུ་ ཉེས་ཁྲིམས་བཀལ་ནི་ཨིནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

January 4, 2025

News in English

Trump to be sentenced over hush money case but judge signals no jail time

BBC: A judge has ordered that Donald Trump will be sentenced on 10 January in his hush-money case in New York – less than two weeks before he is set to be sworn in as president. New York Justice Juan Merchan signalled he would not sentence Trump to jail time, probation or a fine, but […]

January 4, 2025