ཨི་རཱན་གྱིས་ ཡུ་ཨེཛ་དང་གཅིག་ཁར་ གསུང་གྲོས་གནང་ནི་གི་ ལས་རིམ་ཆ་མེད།

ཨཱལ་ཇ་ཟི་ར།
སྤྱི་ཟླ་ ༢ པའི་ཚེས་ ༧ ལུ་ ཡུ་ཨེཛ་གིས་ ཨི་རཱན་གྱི་ ས་སྣུམ་བཟོ་གྲྭའི་ རྒྱབ་འགལ་ལུ་ བཀག་དམ་གསརཔ་ཚུ་ ལག་ལེན་འཐབ་ཡོདཔ་ལས་ ཨི་རཱན་གྱི་ མངོན་མཐོའི་དབུ་ཁྲིད་ ཨ་ཡ་ཏོ་ལ་ ཨ་ལི་ ཁ་མེ་ནི་གིས་ ཡུ་ཨེཛ་དང་གཅིག་ཁར་ གསུང་གྲོས་གནང་ནི་ ལས་རིམ་རོད་མི་དེ་ ཆ་མེད་བཏང་ནུག།
ཨི་རཱན་གྱི་ ཕྱི་འབྲེལ་ལྷན་ཁག་ལས་ མགྲིན་ཚབ་ཅིག་གིས་ ཨི་རཱན་གྱི་ རྒྱབ་འགལ་ལུ་ ཡུ་ཨེཛ་གིས་ གསལ་བསྒྲགས་འབད་མི་ བཀག་ཆ་ཚུ་ ཁྲིམས་འགལ་ཨིན་མི་དེ་ཡང་ ཡུ་ཨེཛ་གཞུང་གསརཔ་གིས་ ཨི་རཱན་གྱི་ མི་སེར་ཚུ་གི་ དཔལ་འབྱོར་མཉམ་རོགས་ཚུ་དང་གཅིག་ཁར་ ཁྲིམས་མཐུན་གྱི་ ཚོང་འབྲེལ་ཚུ་ བཀག་ཆ་འབད་ནི་དེ་ ཁྲིམས་འགལ་ཨིན་ཟེར་ བཤད་ཡོདཔ་ཨིན་པས།
ཡུ་ཨེཛ་གིས་ ཨི་རཱན་གྱི་ ས་སྣུམ་ཕྱིར་ཚོང་དེ་ བཀག་དམ་འབད་དེ་ ཚད་གཞི་ཀླད་ཀོར་གུ་ བཀལ་ནི་ཨིནམ་ད་ དེ་ཡང་ ཨི་རཱན་གྱི་ ཚོང་སྡེ་དང་ གྲུ་ཟིང་ དེ་ལས་ ས་སྣུམ་ཚོང་སྡེ་དང་འབྲེལ་བའི་ མི་ངོམ་ཡོངས་རྫོགས་ བཀག་ཆ་འབད་མི་ལུ་བརྟེན་ཏེ་ རྒྱ་ནག་ལུ་ ལོ་བསྟར་ས་སྣུམ་རྒྱ་ཛི་ས་ཡ་ལས་བཅད་དེ་ ཕྱིར་ཚོང་འཐབ་ནི་ལུ་ ཐོ་ཕོག་ནུག་ཟེར་ བཀོད་འདུག་པའི་གནས་ཚུལ།