རྒྱ་ནག་གིས་ ཡུ་ཀེ་རེན་གྱི་དོན་ལས་ ཞི་བདེའི་འཆར་གཞི་ཅིག་ བརྩམས་ཏེ་ཡོད་མི་ལུ་ པུ་ཊིན་གྱིས་ངོས་ལེན།

རོའི་ཊརཛ།
སྤྱི་ཟླ་ ༥ པའི་ཚེས་ ༡༥ གི་དྲོ་པ་ ར་ཤི་ཡའི་སྲིད་འཛིན་ ཝཱལ་ཌི་མིར་ པུ་ཊིན་དང་གཅིག་ཁར་ དྲི་བ་དྲིས་ལན་ཅིག་གི་སྐོར་ལས་ དཔེ་བསྐྲུན་འབད་མི་དང་འཁྲིལཝ་ད་ རྒྱ་ནག་གིས་ ཡུ་ཀེ་རེན་གྱི་ དཀའ་ངལ་སེལ་ཐབས་ལུ་ ཞི་བདེའི་འཆར་གཞི་ཅིག་ བརྩམས་ཏེ་ཡོད་མི་ལུ་ རྒྱབ་སྐྱོར་ཡོད་ལུགས་ བཤད་ཡོདཔ་ཨིན་པས།
པུ་ཊིན་གྱིས་འབད་བ་ཅིན་ དཀའ་ངལ་དེ་གི་ རྒྱབ་ཁུངས་ཚུ་ རྒྱ་ནག་གིས་ ཁུངས་དག་སྦེ་ ཤེས་ཟེར་ཨིནམ་ད་ དེ་ཡང་ པུ་ཊིན་དེ་ རྒྱ་ནག་ལུ་ གཟིགས་སྐོར་གྱི་དོན་ལས་ མ་བྱོན་པའི་ཧེ་མར་ རྒྱ་ནག་གི་གནས་ཚུལ་ ཟི་ནུ་ཨ་ལུ་ བཤད་མིའི་ནང་ ལོ་ངོ་ ༢ ལྷགཔ་ཅིག་འགྱོ་མི་ དམག་འཛིང་གི་ དཀའ་ངལ་སེལ་ཐབས་ལུ་ ར་ཤི་ཡའི་ཁ་ཐུག་ལས་ གྲོས་བསྟུན་ཚུ་གི་དོན་ལུ་ གྲ་སྒྲིག་ཡོད་ཟེར་ཨིན་པས།
སྲིད་འཛིན་པུ་ཊིན་གྱིས་ གཞུང་འབྲེལ་ཡོངས་འབྲེལ་འཆར་སྒོའི་ནང་ བཀོད་དོ་བཟུམ་འབད་བ་ཅིན་ ཡུ་ཀེ་རེན་གྱི་ དཀའ་ངལ་སེལ་ཐབས་ལུ་ རྒྱ་ནག་གིས་ ཐབས་ལམ་ཚུ་ བསྐྱར་ཞིབ་འབདཝ་ད་ འོས་འབབ་འདུག་ཟེར་ཨིན་པས།
རྒྱ་ནག་གིས་ ལོ་ངོ་ ༡ གི་ཧེ་མ་ལས་ ཡུ་ཀེ་རེན་དང་ ར་ཤི་ཡའི་ ཕྱད་མདའ་མཇུག་བསྡུ་ཐབས་ལུ་ གནད་དོན་ཁག་ ༡༢ ཡོད་མི་ སྤྱིར་བཏང་གཞི་རྩ་ཚུ་ཚུད་པའི་ གྲོས་འཆར་ཅིག་ བཀོད་དེ་ཡོད་རུང་ དེ་གི་ཁྱད་ཆོས་ཚུ་ དམིགས་བསལ་སྦེ་ བཀོད་དེ་མེདཔ་ཨིན་པས།.
ར་ཤི་ཡའི་ ཕྱི་འབྲེལ་བློན་པོ་གིས་ རྒྱ་ནག་གི་ཁ་ཐུག་ལས་ གྲོས་བསྟུན་གྱི་དོན་ལུ་བཀོད་མི་ གྲོས་འཆར་དེ་ བསྔགས་བསྟོད་རུང་བའི་ ཁུངས་ལྡན་ཅིག་ཨིནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།