རྒྱ་གར་ལུ་ ཡ་མུ་ན་གཙང་ཆུ་བྲེས་ཏེ་ མ་ཐུ་ར་དང་ བི་རིན་ད་བཱན་ ཁྲོམ་ཚུ་ནང་ ཆུ་འཁྱིལ་ཡོདཔ།

རོའི་ཊརཛ།
སྤྱི་ཟླ་ ༧ པའི་ཚེས་ ༡༩ ལུ་ རྒྱ་གར་བྱང་ཕྱོགས་ཀྱི་ ཁྲོམ་བྱིན་ལྡན་ བི་རིན་ད་བཱན་དང་ མ་ཐུ་ར་ ༢ ཀྱི་ ས་གནས་ཁག་གིནང་ འདས་པའི་ཉིན་དག་པ་ཅིག་གི་རིང་ལུ་ ཆརཔ་ཤུགས་སྦེ་ རྐྱབ་ནི་དེ་གིས་ ཡ་མུ་ན་གཙང་ཆུ་བྲེས་ཏེ་ ཆུ་མཐའ་ག་ར་ ཆུ་གིས་གང་སྟེ་ཡོདཔ་ཨིན་པས།
དེ་ཡང་ ཨུ་ཏཱད་པར་དེཤ་ མངའ་སྡེའི་རྫོང་ཁག་ མ་ཐུ་ར་ལུ་ གཙང་ཆུ་དེ་གི་ ཉེན་ཁའི་མཐོ་ཚད་ མི་ཊར་ ༡༦༦ འབད་ས་ལས་ མི་ཊར་ ༡༦༦.༦༨ ལུ་ ལྷོད་དེ་ཡོདཔ་ད་ ཁྲོམ་སྡེ་ ༢ ཀྱི་ནང་ འཁྱིལ་ཏེ་ཡོད་མི་ཆུ་དེ་ མིའི་སྐེད་པ་ཚུན་ ལྷོད་ཡོདཔ་ལས་ སྣུམ་འཁོར་བཀོག་བཞག་མི་ཚུ་ཡང་ ཆུ་ནང་ཐིམས་ཡོདཔ་ཨིན་པས།
མ་ཐུ་ར་ རྫོང་ཁག་བདག་སྐྱོང་གིས་ མི་སེར་སྟོང་ཕྲག་ལས་བཅད་མི་ཚུ་ ཉེན་ཁ་མེད་པའི་ ས་ཁོངས་ཚུ་ནང་ བསྐྱལ་ཡོད་རུང་ ལ་ལོ་ཅིག་ རང་སོའི་སྡོད་ཁྱིམ་གྱི་ སྒོ་ཁ་ལས་ ཆུ་གིས་ལམ་མ་ཐལ་བར་ ལུས་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།