ར་ཤི་ཡའི་ དམག་དཔུང་ཚུ་ ཕྱིར་བཏོན་མ་འབད་ཚུན་ ཡུ་ཀེ་རེན་གྱིས་ དམག་འཛིང་མཚམས་འཇོག་མི་འབད་ནི།

ཨཱལ་ཇ་ཟི་ར།
ཡུ་ཀེ་རེན་གྱི་སྲིད་འཛིན་ ཝོ་ལོ་ཌེ་མིར་ ཟེ་ལེནཛ་ཀེ་གིས་འབད་བ་ཅིན་ ར་ཤི་ཡ་གིས་ དབང་སྟེ་ཡོད་མི་ ས་ཁོངས་ནང་ ཁོང་གི་དམག་དཔུང་ཚུ་ འཕྲོ་མཐུད་དེ་ར་ སྡོད་ནི་ལུ་ ཡུ་ཀེ་རེན་གྱི་ ཁ་ཐུག་ལས་ ངོས་ལན་འབད་ཐབས་མེད་ཟེར་ཨིན་མས།
དེ་ཡང་ འགོ་རིམ་དང་པའི་ འཐབ་འཛིང་ནང་ ར་ཤི་ཡ་གིས་ བཟང་བཅོམ་འབད་མི་དེ་ ཡུ་ཀེ་རེན་ དམག་སྡེ་གིས་ བཀག་ཆ་འབད་དེ་ཡོད་ལུགས་དང་ འགོ་རིམ་ ༢ པའི་ནང་ ར་ཤི་ཡའི་ དམག་དཔུང་ཚུ་ ཡུ་ཀེ་རེན་གྱི་ ས་ཁོངས་ནང་ལས་ ཕྱིར་བཏོན་འབད་ནི་ འགོ་རིམ་ ༣ པའི་ནང་ ཡུ་ཀེ་རེན་གྱི་ མངའ་ཁོངས་དེ་ གཅིག་འགྱུར་ཐོག་ལས་ ཉམས་གསོ་འབད་ནི་ལུ་ དང་ལེན་འབད་ནི་ཨིན་ཟེར་བཤད་ནུག།
དེ་མ་ཚད་ ར་ཤི་ཡའི དམག་དཔུང་ཚུ་ ད་ལྟོའི་ས་ཁོངས་དེ་ནང་ འཕྲོ་མཐུད་དེ་ར་ སྡོད་ནི་ཨིན་པ་ཅིན་ དམག་འཛིང་མཚམས་འཇོག་གི་ སྒྲིག་ཆ་འབད་ནི་དེ་ ངོས་ལེན་འབད་མི་ཚུགས་ཟེར་ཨིན་པས།
ག་དེ་སྦེ་ཨིན་རུང་ ཡུ་ཀེ་རེན་གྱིས་ དམག་འཁྲུག་དེ་ མཇུག་བསྡུ་ཐབས་ལུ་ ར་ཤི་ཡའི་སྲིད་འཛིན་ པུ༌ཊིན༌དང་ ངོ་འཛོམས་ཐོག་ལས་ བདེ་སྒྲིག་འབད་ནི་ལུ་ གཙོ་བོར་བཏོནམ་ཨིན་པས་ཟེར་ བཀོད་འདུག་པའི་གནས་ཚུལ།