ར་ཤི་ཡ་གིས་ དམག་འཁྲུག་ཚབས་ཆེན་སྦེ་ ལང་སྟེ་འབད་རུང་ བྷག་མུཏ་ཁྲོམ་སྡེ་ ཡུ་ཀེ་རེན་གྱི་ དམག་མི་ཚུ་གི་ བདག་ཐོག་ལུ་ར་ཡོདཔ།

ཨཱལ་ཇ་ཟི་ར།
ལོ་ངོ་ཕྱེད་དེ་ཅིག་གི་རིང་ལུ་ ར་ཤི་ཡ་གིས་ བཙན་འཕྲོག་འབད་ཐབས་བསྒྲིགས་ཏེ་ དམག་འཁྲུག་རྒྱུན་ཆད་མེད་པར་ ལང་སྟེ་ཡོདཔ་ལས་ གནོད་སྐྱོན་ཚབས་ཆེན་སྦེ་ རྐྱབ་སྟེ་ཡོད་མི་ ཡུ་ཀེ་རེན་ ཤར་ཕྱོགས་ཀྱི་ཁྲོམ་ བྷག་མུཏ་དེ་ ར་ཤི་ཡའི་ དབང་ལུ་མ་ཤོར་བར་ ཡུ་ཀེ་རེན་གྱི་ དམག་མི་ཚུ་གི་ བདག་ཐོག་ལུ་ར་ཡོདཔ་ཨིན་པས།
ར་ཤི་ཡ་གིས་ བྷག་མུཏ་ཁྲོམ་དེ་ ཁོང་གི་ལག་པར་ཚུད་པ་ཅིན་ ཌོན་བཱཛ་གི་ བཟོ་གྲྭའི་ས་ཁོངས་གཞན་ཚུ་ཡང་ འཐོབ་ནི་ལུ་ ཐབས་བྱུས་ཅན་གྱི་ ས་གནས་ཅིག་འབདཝ་ལས་ ཁོང་གི་དམིགས་དོན་གཙོ་བོ་ར་ བྷག་མུཏ་གི་ ཕྱད་མདའ་ལས་ རྒྱལ་ཁབ་འཐོབ་དགོཔ་དེ་ཨིན་ཟེར་བཤད་ནུག།
ཨིན་རུང་ ཡུ་ཀེ་རེན་གྱིས་ བཤད་དོ་བཟུམ་འབད་བ་ཅིན་ བྷག་མུཏ་ཁྲོམ་དེ་ ཐབས་བྱུས་ཚད་ཅིག་ལས་མེད་པའི་ ས་གནས་ཅིག་ཨིན་རུང་ ར་ཤི་ཡའི་དམག་ལུ་ རྒྱབ་འགལ་འབད་དེ་ར་ཡོད་ཟེར་ཨིན་པས།
ད་རེས་ བྷག་མུཏ་ཁྲོམ་དེ་ནང་ མི་སེར་ ༤,༥༠༠ དེ་ཅིག་ལས་མེདཔ་ད་ ཡུ་ཀེ་རེན་གྱི་ མི་སེར་ཚུ་གིས་ བྷག་མུཏ་ཁྲོམ་དེ་ འཕྲོ་མཐུད་དེ་ར་ ཉེན་སྲུང་འབད་ཚུགས་པའི་ ཡིད་ཆེས་སྐྱེདཔ་ཨིན་པས་ཟེར་ བཀོད་འདུག་པའི་གནས་ཚུལ།