ཨཱལ་ཇ་ཟི་ར།
ཡུ་ཨེཛ་ལུ་ སྲིད་འཛིན་གསརཔ་གི་དོན་ལས་ སྤྱི་ཟླ་ ༡༡ པའི་ཚེས་ ༥ ལུ་ འགོ་འདྲེན་འཐབ་ནི་ཨིན་མི་ རྒྱལ་ཡོངས་བཙག་འཐུ་དེ་ནང་ དོ་འགྲན་འབད་མི་ ཌེ་མོ་ཀེ་རི་ཊིག་ སྲིད་ཚོགས་ལས་ ད་ལྟོའི་གཞུང་གི་ སྲིད་འཛིན་འོགམ་ ཨམ་ཀ་མ་ལ་ ཧར་རིཛ་དང་ རི་པབ་ལི་ཀཱན་ སྲིད་ཚོགས་ལས་ སྲིད་འཛིན་བགྲེསཔ་ ཌོ་ནཱལ་ཊམ་ ༢ ཀྱི་བར་ན་ རྒྱལ་ཁ་འཐོབ་ནི་གི་ གོ་སྐབས་འདྲ་མཉམ་མཚམས་ཅིག་ཡོདཔ་ཨིན་པས།
དེ་འབདཝ་ལས་ དོ་འགྲན་འབད་མི་ ༢ ཀྱིས་ ཚོགས་རྒྱན་ག་ལུ་བཙུགས་ནི་ཨིན་ན་ སེམས་ཐག་མ་གཅད་པར་ཡོད་མི་ཚུ་ལས་ ག་དེ་དྲག་དྲག་ ཚོགས་རྒྱན་འཐོབ་ཐབས་འབད་དོ་ཡོདཔ་ད་ ད་ཚུན་གྱི་བར་ན་ བསམ་འཆར་བསྡུ་ལེན་འབད་མིའི་ནང་ འདེམས་ངོ་ ༢ ཀྱི་བར་ན་ གདམ་ཁའི་ཁྱད་པར་མེདཔ་སྦེ་ གནས་ཡོདཔ་ལས་ ཧེ་མའི་བཙག་འཐུ་ཚུ་ནང་ དེ་བཟུམ་མའི་ གནས་སྟངས་དེ་ ཉུང་སུ་ཅིག་ལས་ མ་ཐོན་ཟེར་བཀོད་ནུག།
ཨིན་རུང་ ཡུ་ཨེཛ་ལུ་ མངའ་སྡེ་གཙོ་བོ་ ༧ ཡོདཔ་ལས་ མཐར་ཐུག་གི་ གྲུབ་འབྲས་དེ་ མངའ་སྡེ་དེ་ཚུའི་ནང་ ཚོགས་རྒྱན་བཙུགས་མི་ མི་སེར་གྱི་གྲངས་ཚད་ལུ་ རག་ལས་ནི་ཨིན་པས།
སྤྱི་ཟླ་ ༡༠ པའི་ཚེས་ ༣༡ ལུ་ ཉིན་བསྟར་བསམ་འཆར་ བརྟག་དཔྱད་ནང་ ཌོ་ནཱལ་དང་ཕྱདཔ་ད་ ཨམ་ཀ་མ་ལ་ལུ་ རྒྱབ་སྐྱོར་བརྒྱ་ཆ་ ༡.༤ གིས་ མཐོ་སུ་ཡོདཔ་སྦེ་བཀོད་ནུག།
མ་གཞི་ དེ་སྦེ་ བསམ་འཆར་བསྡུ་ལེན་འབད་མི་ཚུ་ ཏན་ཏན་ཅིག་མེད་མི་དེ་ཡང་ དཔེར་ན་ སྤྱི་ལོ་ ༢༠༢༢ ལུ་ རི་པབ་ལི་ཀཱན་ སྲིད་ཚོགས་ཀྱིས་ རྒྱལ་ཁ་འཐོབ་ནི་ཨིན་པའི་ བརྡ་སྟོན་འབད་ཡོད་རུང་ མཐའ་མཇུག་ལུ་ ཌེ་མོ་ཀེ་རི་ཊིག་གིས་ རྒྱལ་ཁ་ཐོབ་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།
ཡུ་ཨེཛ་རྒྱལ་ཁབ་ནང་ སྤྱི་ཟླ་ ༡༡ པའི་ཚེས་ ༥ ལུ་ སྲིད་འཛིན་བཙག་འཐུ་ འགོ་འདྲེན་འཐབ་ནི།
Comments are closed.
Related
རྒྱ་གར་གྱི་རྒྱལ་ས་ དིལླིའི་ས་ཁོངས་ཚུ་ནང་ ངོ་རྒོལ་འབད་མི་ཚུ་འཛིན་བཟུང་།
རོའི་ཊརཛ། སྤྱི་ཟླ་ ༡༠ པའི་ཚེས་ ༡༠ ལུ་ རྒྱ་གར་གྱི་ བཙག་འཐུ་ལྷན་འཛིན་སྤྱི་ཁྱབ་ དགོངས་ཞུ་འབད་དགོཔ་སྦེ་ ངོ་རྒོལ་འབད་མི་ཚུ་ ཁ་ཕྱལ་བཏང་ཐབས་ལུ་ ཉེན་སྲུང་དམག་མི་ཚུ་གིས་ དིལླིའི་ས་ཁོངས་ཚུ་ནང་ འགྲུལ་སྐྱོད་བཀག་དམ་འབད་བའི་ཁཡ་ ཁྲིམས་སྲུང་འགག་སྡེ་གིས་ ངོ་རྒོལ་འབད་མི་ཚུ་ཡང་ བརྒྱ་ཕྲག་ལས་བཅད་དེ་ འཛིན་བཟུང་འབད་ནུག། དེ་བཟུམ་སྦེ་ ཁྲོམ་སྡེའི་ནང་འཁོད་ལུ་ ཁྲིམས་སྲུང་འགག་པ་དང་ ཞི་བའི་དམག་མི་ སྟོང་ཕྲག་ལས་བཅད་དེ་ བཀྲམ་སྤེལ་འབད་ཡོདཔ་མ་ཚད་ ཚོང་འབྲེལ་ལྟེ་བ་དང་ འགྲུལ་འཕྲིན་ཡོངས་འབྲེལ་གྱི་ ཞབས་ཏོག་ཚུ་ཡང་ མཚམས་བཀག་འབད་ནུག། ངོ་རྒོལ་གྱི་ ས་ཁོངས་ཅིག་ཨིན་མི་ ཇཱན་ཏར་མན་ཏར་ལུ་ མི་སྟོང་ཕྲག་ལས་བཅད་དེ་ འཛོམས་ནི་གི་ འཆར་གཞི་ཡོདཔ་ཨིན་རུང་ ངོ་རྒོལ་འགོ་མ་བཙུགས་པའི་ཧེ་མ་ལས་ ཉེན་སྲུང་དམག་མི་ཚུ་གིས་ སྒོ་བསྡམས་ཡོདཔ་ཨིན་པས། ཨིན་རུང་ ཁྲོམ་སྡེའི་ས་གནས་ ལག་བཟོའི་ཚོང་ཁང་དང་ མ་ཧཱཏ་མ་གཱན་དྷིའི་ དྲན་རྟེན་ཚུ་ནང་ ངོ་རྒོལ་འབདཝ་ཨིན་པས་ཟེར་ བཀོད་འདུག་པའི་གནས་ཚུལ།
འགྲོ་བ་མིའི་དབང་ཆའི་ གཙོ་འཛིན་བགྲེསཔ་ ཨམ་ནཱ་ཝི་པི་ལེ་གིས་ འཛམ་གླིང་ཞི་བདེའི་ གཟེངས་རྟགས་ཐོབ་ཡོདཔ།
བི་བི་སི། སྤྱི་ལོ་ ༢༠༢༦ ལོའི་ འཛམ་གླིང་ཞི་བདེའི་གཟེངས་རྟགས་དེ་ འཛམ་གླིང་སྤྱི་ཚོགས་ འགྲོ་བ་མིའི་དབང་ཆའི་ གཙོ་འཛིན་བགྲེསཔ་དང་ རྒྱལ་སྤྱི་ཁྲིམས་འདུན་གྱི་དྲང་དཔོན་ ཨམ་ནཱ་ཝི་པི་ལེ་ལུ་ གནང་ཡོདཔ་ཨིན་པས། ལྷོ་ཨཕ་རི་ཀའི་ དྲང་དཔོན་དེ་གིས་ ཞི་བདེ་དང་ རྒྱལ་སྤྱིའི་ཁྲིམས་ལུགས་ ཡར་དྲགས་གཏང་ནི་ལུ་ བརྩོན་ཤུགས་བསྐྱེད་ཡོད་པའི་ ངོས་འཛིན་བྱུང་ཡོདཔ་མ་ཚད་ རྒྱལ་སྤྱི་ཁྲིམས་ལུགས་ཀྱི་ སྒྲིག་གཞི་ཡོངས་རྫོགས་ཀྱི་དོན་ལུ་ཡང་ ལམ་སྟོན་འབད་ཡོདཔ་སྦེ་ འཛམ་གླིང་ཞི་བདེའི་ གཟེངས་རྟགས་ཚོགས་ཆུང་གིས་ གསལ་བཤད་འབད་ནུག། སྐྱེས་ལོ་ ༨༥ འབད་མི་ ཨམ་པི་ལེ་གིས་ ལོ་ངོ་བཅུ་ཕྲག་ལས་བཅད་དེ་ རེ་ཝང་ཌ་དང་ མི་ཡེན་མར་ གཱ་ཛ་ཚུ་རྩིས་ཏེ་ འགྲོ་བ་མིའི་ཐོབ་དབང་ལུ་ གནོད་སྐྱོན་རྐྱབ་ཡོད་པའི་ ཉེས་འཛུགས་བཀལ་མི་ཚུ་ལུ་ གཞི་བཞག་སྟེ་ མཐོ་རིམ་གྱི་ལཱ་ཚུ་ནང་ བཅའ་མར་གཏོགས་ཡོདཔ་ཨིན་པས། མོ་གི་ཧེ་མའི་ལཱ་ཚུ་ཡང་ ལྷོ་ཨཕ་རི་ཀ་ལུ་ མི་རིགས་དཀར་ནག་ཕྱེ་མི་ལུ་ རྒྱབ་འགལ་འབད་མི་ རྩོལ་འདོད་ཅན་ཚུ་ལུ་ རྒྱབ་སྐྱོར་འབད་ཡོདཔ་ལས་ སྤྱི་ཟླ་ ༡༠ པའི་ཚེས་ ༨ ལུ་ རྒྱལ་ཁབ་ནང་ ཞི་བདེའི་གཟེངས་རྟགས་ཐོབ་མི་ མི་ངོམ་ ༥ པ་ཨིནམ་སྦེ་བཀོད་ནུག། ནོར་ཝེ་ཇིན་ལས་ […]
ཡུ་ཨེཛ་ལུ་ ར་ཤི་ཡའི་ ས་སྣུམ་ཌི་ཟེལ་ ནང་འདྲེན་འབད་ནི་ཨིན་པའི་ གསལ་བསྒྲགས་འབད་ཡོདཔ།
བི་བི་སི། ཨ་མི་རི་ཀའི་སྲིད་འཛིན་ ཌོ་ནཱལ་ཊཱམ་གྱིས་ ཡུ་ཨེཛ་ལུ་ ར་ཤི་ཡའི་ ས་སྣུམ་ཌི་ཟེལ་ ནང་འདྲེན་འབད་ནི་ཨིན་པའི་ གསལ་བསྒྲགས་འབད་མི་ལུ་ ཡུ་ཀེ་རེན་གྱི་སྲིད་འཛིན་ ཝོ་ལོ་ཌི་མིར་ ཟེ་ལེནཛ་ཀི་གིས་ སྐྱོན་བརྗོད་འབད་ནུག། དེ་མ་ཚད་ སྲིད་འཛི་ཟེ་ལེནཛ་ཀི་གིས་ བཤད་དོ་བཟུམ་འབད་བ་ཅིན་ དེ་སྦེ་ ཕྱད་མདའི་ནང་ མ་རྩ་བཙུགས་མི་དེ་ ར་ཤི་ཡའི་སྲིད་འཛིན་ ཝ་ལ་ཌི་མིར་ པུ་ཊིན་ལུ་ གསོལ་རས་སྦེ་ འོང་ནི་མས་ཟེར་ཨིན་པས། སྲིད་འཛིན་པུ་ཊིན་གྱིས་ ཨ་མི་རི་ཀ་དང་ འཛམ་གླིང་ཚོང་འབྲེལ་ནང་ དེ་འཕྲལ་ལས་ ས་སྣུམ་ཌི་ཟེལ་ ཊཱོན་ ༣༠༠,༠༠༠ དེ་ཅིག་ གཏོན་ནི་ཨིནམ་མ་ཚད་ སྤྱི་ཟླ་ ༡༡ པའི་ནང་ ཊཱོན་ ༥༠༠,༠༠༠ དང་ དེ་གི་ཤུལ་ལས་ ས་ཡ་ ༡ གཏོན་ནི་ཨིན་པའི་ ཁས་བླངས་ཡང་འབད་ནུག།