ཨེ་བི་སི།
སྤྱི་ཟླ་ ༥ པའི་ནང་ རྒྱལ་ཡོངས་བཙག་འཐུའི་ནང་ལས་ རྒྱལ་ཁ་ཐོབ་མི་ མཐའ་ཡས་ལེན་གྱི་ མུབ་ཕོར་ཝཱཌ་ སྲིད་ཚོགས་དེ་ ཤུལ་མའི་གཞུང་སྐྱོང་ གཞི་བཙུགས་ཀྱི་གྲངས་སུ་མེདཔ་སྦེ་ ཧེ་མའི་མཐུན་ཕྱོགས་སྲིད་ཚོགས་ཀྱིས་ བཤད་ཡོདཔ་ཨིན་པས།
དེ་ཡང་ པི་ཏ་ ལིམ་ཇ་རོ་ཨེན་རཏ་གིས་ འགོ་ཁྲིད་ཐོག་ལུ་ སྲིད་ཚོགས་ ༨ མཉམ་བསྡོམས་འབད་དེ་ཡོད་མི་ མུབ་ཕོར་ཝཱཌ་ སྲིད་ཚོགས་ཀྱིས་ ཚོགས་ཁང་འོག་མའི་དོན་ལུ་ འཐུས་མི་གྲངས་ ༥༠༠ ལས་ སྡོད་ཁྲི་ ༣༡༢ ཡ་མཚན་ཆེ་བཏོག་ཏོ་སྦེ་ རྒྱལ་ཁ་ཐོབ་ནུག།
ཨིན་རུང་ ཅཱོན་ལ་ནཱན་ སི་རི་ཀེའུ་གིས་ འགོ་ཁྲིད་འབད་དེ་ཡོད་མི་ སྲིད་ཚོགས་མཉམ་བསྡོམས་ཀྱི་ ཕིའུ་ཐའེ་སྲིད་ཚོགས་ཀྱིས་ གནས་ཚུལ་ཞལ་འཛོམས་ཅིག་ནང་ སྲིད་ཚོགས་དེ་གིས་ བཤད་དོ་བཟུམ་འབད་བ་ཅིན་ མུབ་ཕོར་ཝཱཌ་ སྲིད་ཚོགས་ཀྱིས་ རྒྱལ་ཁབ་ནང་ རྒྱལ་བརྒྱུད་ལུ་ བརྙས་བཅོས་འབད་མ་ཆོག་པའི་ ཁྲིམས་ལུགས་བཙན་དྲགས་ཡོད་མི་དེ་ འཕྲི་སྣོན་འབད་ནི་གི་ གྲོས་འཆར་བཀོད་མི་ལུ་ སྲིད་ཚོགས་གཞན་དང་ དྲག་པོའི་དམག་སྡེ་གིས་ བསྐོ་བཞག་གྲུབ་མི་ ཚོགས་ཁང་གོང་མའི་ནང་ལས་ ངོས་ལེན་གྲུབ་མ་ཚུགས་ཟེར་ཨིན་པས།
དེ་འབདཝ་ལས་ སྲིད་ཚོགས་གཞན་དང་ མཉམ་འབྲེལ་ཐོག་ལས་ ཕིའུ་ཐའེ་སྲིད་ཚོགས་ཀྱིས་ གཞུང་སྐྱོང་གཞི་བཙུགས་འབད་ནི་དང་ བློན་ཆེན་གྱི་དོན་ལུ་ གཞིས་ཁྱིམ་གྱི་སྦྱིན་བདག་ སེ་རེ་ཐ་ ཐ་བི་སིན་དེ་ གདམ་འཐུ་འབད་ནུག།
ཧེ་མའི་ཟླཝ་ནང་ འཐུས་མི་ ༢༥༠ འབད་མི་ ཚོགས་ཁང་གོང་མའི་ནང་ བློན་ཆེན་གྱི་དོན་ལུ་ ཚོགས་རྒྱན་བཙུགསཔ་ད་ པི་ཏ་གིས་ ཚོགས་རྒྱན་ ༡༣ ལས་ མ་ཐོབ་པས་ཟེར་ བཀོད་འདུག་པའི་གནས་ཚུལ།
མཐའ་ཡས་ལེན་གྱི་ མུབ་ཕོར་ཝཱཌ་ སྲིད་ཚོགས་དེ་ ཤུལ་མའི་གཞུང་སྐྱོང་ བཙུགས་ནི་སྦེ་ཡོད་མི་ སྲིད་ཚོགས་མཉམ་བསྡོམས་ནང་མེདཔ།
gyalchi · 1 min readComments are closed.
Related
རྒྱ་གར་གྱི་རྒྱལ་ས་ དིལླིའི་ས་ཁོངས་ཚུ་ནང་ ངོ་རྒོལ་འབད་མི་ཚུ་འཛིན་བཟུང་།
རོའི་ཊརཛ། སྤྱི་ཟླ་ ༡༠ པའི་ཚེས་ ༡༠ ལུ་ རྒྱ་གར་གྱི་ བཙག་འཐུ་ལྷན་འཛིན་སྤྱི་ཁྱབ་ དགོངས་ཞུ་འབད་དགོཔ་སྦེ་ ངོ་རྒོལ་འབད་མི་ཚུ་ ཁ་ཕྱལ་བཏང་ཐབས་ལུ་ ཉེན་སྲུང་དམག་མི་ཚུ་གིས་ དིལླིའི་ས་ཁོངས་ཚུ་ནང་ འགྲུལ་སྐྱོད་བཀག་དམ་འབད་བའི་ཁཡ་ ཁྲིམས་སྲུང་འགག་སྡེ་གིས་ ངོ་རྒོལ་འབད་མི་ཚུ་ཡང་ བརྒྱ་ཕྲག་ལས་བཅད་དེ་ འཛིན་བཟུང་འབད་ནུག། དེ་བཟུམ་སྦེ་ ཁྲོམ་སྡེའི་ནང་འཁོད་ལུ་ ཁྲིམས་སྲུང་འགག་པ་དང་ ཞི་བའི་དམག་མི་ སྟོང་ཕྲག་ལས་བཅད་དེ་ བཀྲམ་སྤེལ་འབད་ཡོདཔ་མ་ཚད་ ཚོང་འབྲེལ་ལྟེ་བ་དང་ འགྲུལ་འཕྲིན་ཡོངས་འབྲེལ་གྱི་ ཞབས་ཏོག་ཚུ་ཡང་ མཚམས་བཀག་འབད་ནུག། ངོ་རྒོལ་གྱི་ ས་ཁོངས་ཅིག་ཨིན་མི་ ཇཱན་ཏར་མན་ཏར་ལུ་ མི་སྟོང་ཕྲག་ལས་བཅད་དེ་ འཛོམས་ནི་གི་ འཆར་གཞི་ཡོདཔ་ཨིན་རུང་ ངོ་རྒོལ་འགོ་མ་བཙུགས་པའི་ཧེ་མ་ལས་ ཉེན་སྲུང་དམག་མི་ཚུ་གིས་ སྒོ་བསྡམས་ཡོདཔ་ཨིན་པས། ཨིན་རུང་ ཁྲོམ་སྡེའི་ས་གནས་ ལག་བཟོའི་ཚོང་ཁང་དང་ མ་ཧཱཏ་མ་གཱན་དྷིའི་ དྲན་རྟེན་ཚུ་ནང་ ངོ་རྒོལ་འབདཝ་ཨིན་པས་ཟེར་ བཀོད་འདུག་པའི་གནས་ཚུལ།
འགྲོ་བ་མིའི་དབང་ཆའི་ གཙོ་འཛིན་བགྲེསཔ་ ཨམ་ནཱ་ཝི་པི་ལེ་གིས་ འཛམ་གླིང་ཞི་བདེའི་ གཟེངས་རྟགས་ཐོབ་ཡོདཔ།
བི་བི་སི། སྤྱི་ལོ་ ༢༠༢༦ ལོའི་ འཛམ་གླིང་ཞི་བདེའི་གཟེངས་རྟགས་དེ་ འཛམ་གླིང་སྤྱི་ཚོགས་ འགྲོ་བ་མིའི་དབང་ཆའི་ གཙོ་འཛིན་བགྲེསཔ་དང་ རྒྱལ་སྤྱི་ཁྲིམས་འདུན་གྱི་དྲང་དཔོན་ ཨམ་ནཱ་ཝི་པི་ལེ་ལུ་ གནང་ཡོདཔ་ཨིན་པས། ལྷོ་ཨཕ་རི་ཀའི་ དྲང་དཔོན་དེ་གིས་ ཞི་བདེ་དང་ རྒྱལ་སྤྱིའི་ཁྲིམས་ལུགས་ ཡར་དྲགས་གཏང་ནི་ལུ་ བརྩོན་ཤུགས་བསྐྱེད་ཡོད་པའི་ ངོས་འཛིན་བྱུང་ཡོདཔ་མ་ཚད་ རྒྱལ་སྤྱི་ཁྲིམས་ལུགས་ཀྱི་ སྒྲིག་གཞི་ཡོངས་རྫོགས་ཀྱི་དོན་ལུ་ཡང་ ལམ་སྟོན་འབད་ཡོདཔ་སྦེ་ འཛམ་གླིང་ཞི་བདེའི་ གཟེངས་རྟགས་ཚོགས་ཆུང་གིས་ གསལ་བཤད་འབད་ནུག། སྐྱེས་ལོ་ ༨༥ འབད་མི་ ཨམ་པི་ལེ་གིས་ ལོ་ངོ་བཅུ་ཕྲག་ལས་བཅད་དེ་ རེ་ཝང་ཌ་དང་ མི་ཡེན་མར་ གཱ་ཛ་ཚུ་རྩིས་ཏེ་ འགྲོ་བ་མིའི་ཐོབ་དབང་ལུ་ གནོད་སྐྱོན་རྐྱབ་ཡོད་པའི་ ཉེས་འཛུགས་བཀལ་མི་ཚུ་ལུ་ གཞི་བཞག་སྟེ་ མཐོ་རིམ་གྱི་ལཱ་ཚུ་ནང་ བཅའ་མར་གཏོགས་ཡོདཔ་ཨིན་པས། མོ་གི་ཧེ་མའི་ལཱ་ཚུ་ཡང་ ལྷོ་ཨཕ་རི་ཀ་ལུ་ མི་རིགས་དཀར་ནག་ཕྱེ་མི་ལུ་ རྒྱབ་འགལ་འབད་མི་ རྩོལ་འདོད་ཅན་ཚུ་ལུ་ རྒྱབ་སྐྱོར་འབད་ཡོདཔ་ལས་ སྤྱི་ཟླ་ ༡༠ པའི་ཚེས་ ༨ ལུ་ རྒྱལ་ཁབ་ནང་ ཞི་བདེའི་གཟེངས་རྟགས་ཐོབ་མི་ མི་ངོམ་ ༥ པ་ཨིནམ་སྦེ་བཀོད་ནུག། ནོར་ཝེ་ཇིན་ལས་ […]
ཡུ་ཨེཛ་ལུ་ ར་ཤི་ཡའི་ ས་སྣུམ་ཌི་ཟེལ་ ནང་འདྲེན་འབད་ནི་ཨིན་པའི་ གསལ་བསྒྲགས་འབད་ཡོདཔ།
བི་བི་སི། ཨ་མི་རི་ཀའི་སྲིད་འཛིན་ ཌོ་ནཱལ་ཊཱམ་གྱིས་ ཡུ་ཨེཛ་ལུ་ ར་ཤི་ཡའི་ ས་སྣུམ་ཌི་ཟེལ་ ནང་འདྲེན་འབད་ནི་ཨིན་པའི་ གསལ་བསྒྲགས་འབད་མི་ལུ་ ཡུ་ཀེ་རེན་གྱི་སྲིད་འཛིན་ ཝོ་ལོ་ཌི་མིར་ ཟེ་ལེནཛ་ཀི་གིས་ སྐྱོན་བརྗོད་འབད་ནུག། དེ་མ་ཚད་ སྲིད་འཛི་ཟེ་ལེནཛ་ཀི་གིས་ བཤད་དོ་བཟུམ་འབད་བ་ཅིན་ དེ་སྦེ་ ཕྱད་མདའི་ནང་ མ་རྩ་བཙུགས་མི་དེ་ ར་ཤི་ཡའི་སྲིད་འཛིན་ ཝ་ལ་ཌི་མིར་ པུ་ཊིན་ལུ་ གསོལ་རས་སྦེ་ འོང་ནི་མས་ཟེར་ཨིན་པས། སྲིད་འཛིན་པུ་ཊིན་གྱིས་ ཨ་མི་རི་ཀ་དང་ འཛམ་གླིང་ཚོང་འབྲེལ་ནང་ དེ་འཕྲལ་ལས་ ས་སྣུམ་ཌི་ཟེལ་ ཊཱོན་ ༣༠༠,༠༠༠ དེ་ཅིག་ གཏོན་ནི་ཨིནམ་མ་ཚད་ སྤྱི་ཟླ་ ༡༡ པའི་ནང་ ཊཱོན་ ༥༠༠,༠༠༠ དང་ དེ་གི་ཤུལ་ལས་ ས་ཡ་ ༡ གཏོན་ནི་ཨིན་པའི་ ཁས་བླངས་ཡང་འབད་ནུག།