པ་ཀིཛ་ཏཱན་གྱི་ བློན་ཆེན་བགྲེསཔ་ལུ་ རྒྱབ་སྐྱོར་འབད་མི་ཚུ་འཛིན་བཟུང་།

རོའི་ཊརཛ།
སྤྱི་ཟླ་ ༡༡ པའི་ཚེས་ ༢༧ ལུ་ ད་རེས་ བཙོན་ཁྲིམས་ནང་ཡོད་མི་ པ་ཀིཛ་ཏཱན་གྱི་ བློན་ཆེན་བགྲེསཔ་ ཨིམ་རཱན་ཁཱན་ལུ་ རྒྱབ་སྐྱོར་འབད་མི་ཚུ་གིས་ ཨིམ་རཱན་ཁཱན་དེ་ བཙོན་ཁྲིམས་ལས་ གློད་གྲོལ་གཏང་དགོཔ་སྦེ་ རྒྱལ་ས་ལུ་ སྤུངས་འཛོམས་འབད་དེ་ ངོ་རྒོལ་འགྲེམ་སྟོན་འབད་ཡོདཔ་ལས་ ངོ་རྒོལ་འགྲེམ་སྟོན་འབད་མི་ ༡,༠༠༠ དེ་ཅིག་ འཛིན་བཟུང་འབད་ཡོདཔ་ཨིན་པས།
དེ་ཡང་ ཨིམ་རཱན་ཁཱན་གྱི་ ཨམ་སྲུ་གིས་ འགོ་ཁྲིད་ཐོག་ལུ་ ངོ་རྒོལ་འགྲེམ་སྟོན་འབད་མི་ཚུ་གིས་ རྒྱལ་ས་ཨིཛ་ལ་མ་བཱད་ལུ་ ཉེན་སྲུང་བཀག་ར་ཚུ་ མེདཔ་བཏང་སྟེ་ སྒྲིག་མེད་པའི་ སྤྱོད་ངན་ཚུ་ བཏོན་པའི་སྐབས་ལུ་ ཁྲིམས་སྲུང་འགག་པ་ཚུ་གིས་ ངོ་རྒོལ་འབད་མི་ཚུ་ ཁ་གཏོར་གཏང་ཐབས་ཚུ་ འགོ་འདྲེན་འཐབ་ནུག།
ཨིམ་རཱན་ཁཱན་གྱི་ རྒྱབ་སྐྱོར་པ་ཚུ་གིས་འབད་བ་ཅིན་ ངོ་རྒོལ་འགྲེམ་སྟོན་འབད་མི་ བརྒྱ་ལས་བཅད་མི་ཚུ་ལུ་ ཀྲོབ་མདའ་ཚུ་ ཕོག་སྟེ་ཡོད་པའི་ སྒྲུབ་བྱེད་ཡོད་ལུགས་ཚུ་ བཤད་པའི་ཁར་ མི་སེར་སྟོང་ཕྲག་ལས་བཅད་དེ་ འཛིན་བཟུང་ཡང་འབད་ཡི་ཟེར་ཨིན་པས།
ཨིན་རུང་ ཨིཛ་ལ་མ་བཱད་ཀྱི་ ཁྲིམས་སྲུང་འགག་སྡེའི་གཙོ་འཛིན་ ཨ་ལི་རིཛ་བི་གིས་ ངོ་རྒོལ་འགྲེམ་སྟོན་འབད་མི་ཚུ་ ཁ་གཏོར་བཏང་པའི་སྐབས་ལུ་ ཀྲོབ་མདའི་ལྡེའུ་ངོ་མ་ཚུ་ ལག་ལེན་མ་འཐབ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།