ནེ་པཱལ་ཀཱཋ་མཱན་ཌུའི་ རཱཤ་ཊིར་ཡ་ས་མ་ཅར་ ས་མི་ཏི་ཟེར་མི་ གནས་ཚུལ་ཅིག་ནང་ བཀོད་དོ་བཟུམ་འབད་བ་ཅིན་ སྤྱི་ཟླ་ ༩ པའི་ཚེས་ ༣༠ ཚུན་ལུ་ ནེ་པཱལ་རྒྱལ་ཁབ་ནང་ ཆུར་ཆུ་ལུ་བརྟེན་པའི་ ས་རུད་དང་ ཆུ་རུད་ཀྱི་ རྐྱེན་ངན་ནང་ མི་གྲངས་ ༡༩༢ དེ་ཅིག་ལུ་ ཤི་རྐྱེན་བྱུང་ཡོདཔ་མ་ཚད་ མི་གྲངས་ ༣༠ དེ་ཅིག་ཡང་ འཚོལ་མ་ཐོབ་པར་ཡོད་ཟེར་ཨིན་པས།
ནང་སྲིད་ལྷན་ཁག་གི་མགྲིན་ཚབ་ རི་ཤི་རམ་ ཏི་ཝ་རི་གིས་ མི་གྲངས་ ༡༩༤ དེ་ཅིག་ལུ་ རྨ་སྐྱོན་བྱུང་ཡོདཔ་ད་ མི་གྲངས་ ༤,༥༠༠ དེ་ཅིག་ ཉེན་སྲུང་ལས་སྡེ་གིས་ སྲོང་སྐྱབས་འབད་ཡོད་པའི་ གསལ་བཤད་འབད་ནུག།
གློ་བུར་གྱི་ ཉེན་སྐྱོབ་ཅ་ཆས་དང་ བཟའ་འཐུང་ཚུ་ རྐྱེན་ངན་བྱུང་སའི་ ས་གོ་ཚུ་ནང་ སྐྱེལ་དོ་ཡོདཔ་མ་ཚད་ སྨན་བཅོས་ཚུ་ཡང་ ལག་ལེན་འཐབ་དོ་ཟེར་ བཀོད་འདུག་པའི་གནས་ཚུལ།
