བི་བི་སི།
སྤྱི་ཟླ་ ༩ པའི་ཚེས་ ༡༧ ལུ་ ནའི་ཇར་གྱི་ ནུབ་ཕྱོགས་གཡུས་ཚན་ཅིག་ནང་ མོ་ཊར་བཱ་ཡེག་གུ་ བཞོན་མི་ཚུ་གིས་ ཀྲོམ་མདའ་རྐྱབ་སྟེ་ མི་གྲངས་ ༢༢ དེ་ཅིག་ དམར་བསད་འབད་ཡོདཔ་ད་ དེ་བསྒང་ མི་མང་ཤོས་ཅིག་ར་ ཡེ་ཤུའི་ཁྲུས་དབང་ཅིག་ནང་ བཅའ་མར་གཏོགས་ཏེ་ སྡོད་ཡོདཔ་ཨིན་པས།
དེ་བསྒང་ ས་གནས་དེ་ཁར་ སྡོད་མི་ཅིག་གིས་ ཕ་རཱནཛ་གི་ གནས་ཚུལ་ལས་སྡེ་ ཨེ་ཨེཕ་པི་ལུ་ མ་ལི་དང་ བཱར་ཀི་ན་ཕ་སོའི་ ས་མཚམས་ལུ་ཡོད་མི་ ཏི་ལ་བེ་རི་ལུང་ཕྱོགས་ཀྱི་ མཛད་སྒོའི་ལས་རིམ་ཅིག་ནང་ གྲལ་གཏོགས་འབད་མི་ ༡༥ དམར་བསད་འབད་བའི་ཤུལ་ལུ་ ས་གནས་གཞན་ཁར་ཡང་ མི་གྲངས་ ༧ དམར་བསད་འབད་ཡོདཔ་སྦེ་བཤད་ནུག།
ནའི་ཇར་དྲག་དམག་གཞུང་གིས་ བཤད་དོ་བཟུམ་འབད་བ་ཅིན་ ལུང་ཕྱོགས་དེ་ནང་ ཇི་ཧ་ཌིཛ་གིས་ གནོད་འཚུབ་བཀལ་མི་ཚུ་ བཀག་མ་ཚུགས་པའི་ དཀའ་ངལ་འབྱུང་དོ་ཡོད་མི་དེ་ཡང་ ཨཱལ་ཀའི་ཌ་དང་ ཨིཛ་ལ་མིག་ གཡིབ་དམག་སྡེ་ཚན་དང་ འབྲེལ་བ་ཡོད་མི་ཚུ་གིས་ འགོ་འདྲེན་འཐབ་མས་ཟེར་ཨིན་པས།
ནའི་ཇར་དབང་འཛིན་ཚུ་གིས་ ས་གནས་དེ་ཁར་ གནོད་འཚུབ་བཀལ་ཡོདཔ་སྦེ་ བཤད་ཡོད་རུང་ ཤི་རྐྱེན་གྱི་ གྱངས་ཁའི་སྐོར་ལས་ ག་ནི་ཡང་ བཤད་མ་བཏུབ་པས་ཟེར་ བཀོད་འདུག་པའི་གནས་ཚུལ།
