ཌེན་མཱག་གི་ གནམ་ཐང་ལེ་ཤ་ཅིག་ལུ་ མཁའ་དམག་འཕྲུལ་ཆས་ ཌཱོན་ཚུ་གིས་བར་ཆད།

བི་བི་སི།
སྤྱི་ཟླ་ ༩ པའི་ཚེས་ ༢༥ ལུ་ དབང་འཛིན་ཚུ་གིས་ ཌེན་མཱག་གི་ གནམ་ཐང་ལེ་ཤ་ཅིག་གི་ མཁའ་དབྱིངས་ལུ་ མཁའ་དམག་འཕྲུལ་ཆས་ ཌཱོན་ཚུ་གིས་ བར་ཆད་རྐྱབ་ཡོད་མི་དེ་ གཏན་འཁེལ་ཨིན་པའི་ གསལ་སྟོན་འབད་ཡོདཔ་ཨིན་པས།
དེ་ཡང་ བདུན་ཕྲག་ ༡ གི་རིང་ལུ་ ཌེན་མག་གི་ གནམ་ཐང་ལེ་ཤ་ཅིག་ནང་ མཁའ་དམག་འཕྲུལ་ཆས་ ཌཱོན་ཚུ་གིས་ བར་ཆད་རྐྱབ་པ་ལུ་བརྟེན་ཏེ་ གནམ་ཐང་ ༢ པ་དེ་ གནས་སྐབས་ཅིག་གི་དོན་ལས་ སྒོ་བསྡམས་དགོཔ་བྱུང་ནུག།
དེ་ལས་ གཞན་ཡང་ ཨིཛ་བེག་དང་ སཱོན་ཌར་བཱག་ སི་ཀིཌཛ་ཊབ་ ལུང་ཕྱོགས་ཀྱི་ གནམ་ཐང་ཆུང་བ་ ༣ ལུ་ཡང་ མཁའ་དམག་འཕྲུལ་ཆས་ ཌཱོན་ཚུ་གིས་ བར་ཆད་རྐྱབ་ཡོད་རུང་ གནམ་ཐང་དེ་ཚུ་ སྒོ་མ་བསྡམས་པར་ བཞག་ཡོདཔ་ཨིན་པས།
འདས་པའི་བདུན་ཕྲག་ནང་ ཨེཛ་ཊོ་ནི་ཡ་དང་ པོ་ལེན་གྱིས་ ནེ་ཊོའི་འཐུས་མི་གཞན་ཚུ་དང་ གྲོས་བསྟུན་འབད་དགོ་པའི་ ཞུ་བ་འབད་ཡོདཔ་ད་ དེ་ཡང་ ཁོང་གི་མཁའ་དབྱིངས་ལུ་ ར་ཤི་ཡ་གིས་ མཁའ་དམག་འཕྲུལ་ཆས་ ཌཱོན་ཚུ་གི་ཐོག་ལས་ བར་ཆད་རྐྱབ་དོ་ཡོདཔ་སྦེ་བཀོད་ནུག།
ཨིན་རུང་ ར་ཤི་ཡ་གིས་ ཨེཛ་ཊོ་ནི་ཡའི་ མཁའ་དབྱིངས་ལུ་ བར་ཆད་རྐྱབ་ཡོད་པའི་སྐོར་ལས་ ཁས་ལེན་འབད་མ་བཏུབ་མ་ཚད་ པོ་ལེན་གྱིས་ བཙན་འཛུལ་འབད་ཡོདཔ་སྦེ་ བཤད་མི་ལུ་ཡང་ བསམ་འཆར་བཀོད་མ་བཏུབ་ཨིན་པས།
ཁྲིམས་སྲུང་འགག་སྡེ་གིས་ གནམ་ཐང་ནང་ འགྲུལ་པ་ཚུ་དང་ མི་སེར་ཚུ་ལུ་ ཉེན་ཁ་ཡོད་པའི་ ཡིད་ཆེས་མེད་རུང་ མི་མང་ག་ར་ ས་ཁོངས་དེ་དང་ ཐག་རིང་སར་ སྡོད་དགོཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།