ར་ཤི་ཡའི་ ཀརཛ་ལུང་ཕྱོགས་ནང་ མཁའ་གནམ་གྲུ་ཆུང་བ་ ཌྲཱོན་ཚུ་གི་ཐོག་ལས་ བྱང་ཀོ་རི་ཡའི་ དམག་མི་ ༡༠༠ དེ་ཅིག་ལུ་ཤི་རྐྱེན།
རོའི་ཊརཛ། སྤྱི་ཟླ་ ༡༢ པའི་ཚེས་ ༡༩ ལུ་ ལྷོ་ཀོ་རི་ཡའི་ གསང་ཞིབ་ལས་སྡེ་གིས་འབད་བ་ཅིན་ ར་ཤི་ཡའི་ བདག་དབང་ལུ་ཡོད་མི་ ལུང་ཕྱོགས་ཀརཛ་ཟེར་སར་ ཡུ་ཀེ་རེན་དང་གཅིག་ཁར་ ཕྱད་མདའ་རྐྱབ་མིའི་ནང་ བྱང་ཀོ་རི་ཡའི་ དམག་མི་ ༡༠༠ དེ་ཅིག་ལུ་ ཤི་རྐྱེན་དང་ ༡,༠༠༠ དེ་ཅིག་ལུ་ རྨ་སྐྱོན་བྱུང་ནུག་ཟེར་ཨིན་པས། དེ་ཡང་ གཙོ་བོ་ར་ བྱང་ཀོ་རི་ཡའི་ དམག་མི་ཚུ་ལུ་ ཌྲཱོན་ཚུ་ལག་ལེན་འཐབ་ནི་ལུ་ ཉམས་མྱོང་མེད་པའི་ཁར་ ཕྱད་མདའ་རྐྱབ་སའི་ ས་ཁོངས་ཀྱི་ ཆགས་ཚུལ་དེ་ཡང་ ཐང་ཆེན་སྦེ་ཡོདཔ་ལས་ དེ་བཟུམ་མའི་ ས་ཁོངས་ནང་ ཕྱད་མདའ་རྐྱབ་ནི་གི་ ཉམས་མྱོང་མེད་ནི་དེ་གིས་ཨིན་པས་ཟེར་ ལྷོ་ཀོ་རི་ཡའི་ སྤྱི་ཚོགས་འཐུས་མི་ཅིག་གིས་ གནས་ཚུལ་བསྡུ་བཀོད་པ་ཚུ་ལུ་ གསལ་བཤད་འབད་ནུག། བྱང་ཀོ་རི་གིས་ ད་རུང་ཡང་ དམག་རྒྱབ་ཚུ་ གཏང་ནིའི་དོན་ལས་ དམག་སྦྱོང་ཚུ་ཡང་ བྱང་ཀོ་རི་ཡའི་དབུ་ཁྲིད་ ཀིམ་ཇོང་ཨཱན་ ཁོ་རང་གིས་ར་ བལྟ་རྟོག་འབད་དོ་ཡོདཔ་སྦེ་ཨིན་པས། བྱང་ཀོ་རི་ཡའི་ དམག་མི་ལེ་ཤ་ཅིག་ལུ་ ཤི་རྐྱེན་བྱུང་མི་དེ་ཡང་ ར་ཤི་ཡ་གིས་ བྱང་ཀོ་རི་ཡའི་ དམག་མི་ཚུ་ རྒྱ་ཆེ་ཏོག་ཏོ་སྦེ་ར་ […]
