World News
རྒྱ་ནག་གི་ ས་འོག་མགྱོགས་ལམ་ཁར་ སྐྱེལ་འདྲེན་བཱཛ་ཅིག་ལུ་ ཐུག་རྐྱེན་བྱུང་སྟེ་ མི་གྲངས་ ༡༤ ལུ་ཤི་རྐྱེན།
ཨེན་ཌི་ཊི་ཝི། སྤྱི་ཟླ་ ༣ པའི་ཚེས་ ༡༩ ལུ་ ཉིན་མའི་ཆུ་ཚོད་ ༢.༣༠ དེ་ཅིག་ཁར་ རྒྱ་ནག་བྱང་ཕྱོགས་ཀྱི་ ས་འོག་མགྱོགས་ལམ་ཁར་ སྐྱེལ་འདྲེན་བཱཛ་ཅིག་ལུ་ ཐུག་རྐྱེན་བྱུངམ་ལས་ མི་གྲངས་ ༡༤ ལུ་ ཤི་རྐྱེན་དང་ གཞན་མི་ ༣༧ ལུ་ རྨ་སྐྱོན་བྱུང་ནུག། དེ་ཡང་ ལམ་འགྲུལཔ་ ༥༡ འབག་སྟེ་ཡོད་མི་ སྐྱེལ་འདྲེན་བཱཛ་དེ་ ས་འོག་མགྱོགས་ལམ་གྱི་ གྱང་རྩིག་གུ་ བརྡུངས་ཡོདཔ་ད་ ཐུག་རྐྱེན་དེ་གི་སྐོར་ལས་ ཁྲིམས་སྲུང་འགག་སྡེ་གིས་ དབྱེ་ཞིབ་འབད་བའི་བསྒང་ཡོད་ཟེར་ཨིན་པས། རྒྱ་ནག་ལུ་ དེ་བཟུམ་མའི་ ཐུག་རྐྱེན་བྱུང་མི་དེ་ ཁྱབ་ཆེ་སུ་ཅིག་ཡོདཔ་ད་ འདས་པའི་ཟླཝ་ནང་ཡང་ ཤར་ཕྱོགས་མངའ་སྡེ་ ཛི་ཡང་ཛི་ལུ་ ཐུག་རྐྱེན་བྱུང་སྟེ་ མི་གྲངས་ ༡༩ ལུ་ ཤི་རྐྱེན་དང་ གཞན་མི་ ༢༠ ལུ་ རྨ་སྐྱོན་བྱུང་ནུག་ཟེར་ བཀོད་འདུག་པའི་གནས་ཚུལ།