ར་ཤི་ཡའི་ མི་ཛ་ཡེལ་ཅིག་ ཡུ་ཀེ་རེན་དང་ གི་རིཛ་དབུ་ཁྲིད་ ༢ ཀྱི་ སྣུམ་འཁོར་ཚུ་གི་ ཉེ་འདབས་ལུ་གས་ཡོདཔ།
སི་ཨེན་ཨེན། ར་ཤི་ཡ་གིས་ བེ་ལེག་སཱི་ རྒྱ་མཚོ་མཐའ་མའི་ཁྲོམ་ ཨོ་དེ་ས་ལུ་ གནོད་འཚུབ་བཀལཝ་ད་ ཉེན་འཚུབ་ཅན་གྱི་ མི་ཛ་ཡེལ་ཅིག་ ཡུ་ཀེ་རེན་གྱི་སྲིད་འཛིན་ ཟེ་ལེནཛ་ཀི་དང་ གི་རིཛ་གི་བློན་ཆེན་ ཀི་རུ་ཡ་ཀོཛ་ མི་ཙོ་ཏ་ཀིཛ་ ༢ ཡོད་མི་ སྣུམ་འཁོར་གྱི་ སྦོ་ལོགས་ཁར་ གས་ཡོདཔ་ཨིན་པས།དེ་སྦེ་ མི་ཛ་ཡེལ་གས་པའི་ རྐྱེན་ངན་ནང་ མི་གྲངས་ ༥ ལུ་ ཤི་རྐྱེན་དང་ ལེ་ཤ་ཅིག་ལུ་ རྨ་སྐྱོན་ཚུ་ བྱུང་ཡོད་རུང་ ཟེ་ལེནཛ་ཀི་དང་ མི་ཙོ་ཏ་ཀིཛ་ལུ་ གནོད་སྐྱོན་ག་ནི་ཡང་ མ་བྱུང་པས་ཟེར་བཀོད་ནུག།གནད་དོན་དེ་གི་སྐོར་ལས་ ཟེ་ལེནཛ་ཀི་གིས་ ད་རེས་ ཁྱེད་ཀྱིས་མཐོང་དོ་བཟུམ་སྦེ་ ར་ཤི་ཡ་གིས་ མི་ཛ་ཡེལ་ཚུ་གི་ཐོག་ལས་ གནོད་འཚུབ་གར་ལྷོད་བཀལཝ་མས་ཟེར་ཨིན་པས།དེ་མ་ཚད་ ང་བཅས་ཀྱིས་ ང་བཅས་ར་ སྲུང་སྐྱོབ་འབད་དགོཔ་དེ་ ག་ནི་བ་ གལ་ཆེ་བའི་ཁར་ དེ་ཡང་ མཁའ་དབྱིངས་སྲུང་སྐྱོབ་ཀྱི་ རིམ་ལུགས་རྐྱངམ་གཅིག་གི་ཐོག་ལས་ འབད་དགོཔ་ཐོན་པའི་སྐོར་ལས་ གསུངསམ་ཨིན་པས་ཟེར་ བཀོད་འདུག་པའི་གནས་ཚུལ།