Special News
མི་དབང་མངའ་བདག་རིན་པོ་ཆེ་མཆོག་ རྒྱ་གར་ལུ་ ཆིབས་བསྐྱོད་གནང་ནི།
མི་དབང་མངའ་བདག་རིན་པོ་ཆེ་མཆོག་ རྒྱ་གར་གྱི་སྲིད་འཛིན་ ཌའུ་པ་ཌི་ མུར་མུ་གིས་ མགྲོན་བརྡ་ཞུཝ་བཞིན་དུ་ སྤྱི་ཟླ་ ༤ པའི་ཚེས་ ༣ ལས་ ༥ ཚུན་ རྒྱ་གར་ལུ་ གཟིགས་སྐོར་གནང་ནི་ཨིན་པས།གཟིགས་སྐོར་གྱི་སྐབས་ལུ་ མི་དབང་མངའ་ཞབས་མཆོག་གིས་ རྒྱ་གར་གྱི་བློན་ཆེན་ ན་རེན་ད་ར་ མོ་དི་དང་ རྒྱ་གར་གཞུང་གི་ ཆེ་མཐོའི་འགོ་དཔོན་ཚུ་དང་ཡང་ མཇལ་འཕྲད་མཛད་གནང་ནི་ཨིན་པས།གཟིགས་སྐོར་དེ་ རྒྱ་འབྲུག་རྒྱལ་ཁབ་ ༢ ཀྱི་བར་ན་ མཐུན་ལམ་དམ་ཟབ་ཡོད་པའི་ རྟགས་མཚན་ཅིག་ཨིན་པའི་གུ་ ད་རུང་ ད་ལས་ཕར་ཡང་ རྒྱལ་ཁབ་ ༢ ཀྱི་ མཐུན་ལམ་དེ་ སྔར་བ་ལྷགཔ་སྦེ་ སྲ་བརྟན་བཟོ་ནི་གི་ བརྡ་མཚོན་སྟོནམ་ཨིན་པས།དེ་བསྒང་ མི་དབང་མཆོག་གི་ ཕྱག་ཞུ་སྟེ་ ཕྱི་འབྲེལ་དང་ ཕྱིར་ཚོང་བློན་པོ་ ཌོག་ཊར་རྟ་མགྲིན་རྡོ་རྗེ་དང་ གཞུང་གི་ཆེ་མཐོའི་འགོ་དཔོན་ཚུ་ འགྱོ་ནི་ཨིན་པའི་གནས་གཚུལ།