འབྲུག་གི་སློབ་ཕྲུག་དྲག་ཤོས་ ༤ གིས་ རྒྱལ་སྤྱི་དོ་འགྲན་དང་པ་ ༢༠༢༦ ཅན་མའི་ནང་ གྲལ་གཏོགས་འབད་ནི།
ཤེས་རིག་དང་ རིག་རྩལ་གོང་འཕེལ་ལྷན་ཁག་གི་ གནས་ཚུལ་གསར་བཏོན་དང་འཁྲིལཝ་ད་ ཀོ་རི་ཡའི་ས་གནས་ ཨིན་ཅི་ཡོན་ཟེར་སར་ སྤྱི་ལོ་ ༢༠༢༦ སྤྱི་ཟླ་ ༡༠ པའི་ཚེས་ ༧ ལས་ ༡༠ གྱི་བར་ན་ འགོ་འདྲེན་འཐབ་ནི་ཨིན་མི་ བཅོས་མའི་འཕྲུལ་མི་བཟོ་བཏོན་རིག་པའི་ རྒྱལ་སྤྱི་དོ་འགྲན་དང་པ་ ༢༠༢༦ ཅན་མའི་ནང་ གྲལ་གཏོགས་ཀྱི་དོན་ལས་ གདམ་ཁ་གྲུབ་ཡོདཔ་སྦེ་ཨིན་པས། དེ་ཡང་ འབྲུག་གི་རྒྱལ་ཡོངས་སྡེ་ཚན་དེ་ནང་ རང་འབྱུང་སློབ་གྲྭ་ལྟེ་བ་ལས་ ཚེ་རིང་དབང་མོ་དང་ རྒྱལ་འཛིན་སློབ་རིག་སྤེལ་ཁང་ལས་ བསོད་ནམས་ཚེ་རིང་ དེ་ལས་ མུ་ཏིག་ཐང་ འབྲིང་རིམ་སློབ་གྲྭ་ཆེ་བའི་ནང་ལས་ དབྱངས་ཅན་སྒྲོལ་མ་དང་ ཡོན་ཏན་ཕྲིན་ལས་དོན་གྲུབ་ཚུ་ གདམ་ཁ་གྲུབ་ཡོདཔ་སྦེ་བཀོད་ནུག། གདམ་ཁ་དེ་ཡང་ རྒྱལ་ཡོངས་ཀྱི་ གནས་རིམ་ནང་ ཤེས་ཡོན་དང་ འཕྲུག་རིག་རིག་རྩལ་ གསར་བཏོད་རིག་པ་ སྡེ་ཚན་མཉམ་ལཱ་ ཉོག་སེལ་ལྕོགས་གྲུབ་ཚུ་ནང་ ག་ནི་བ་ཡང་ རྩལ་བཏོན་ཅན་གྱི་ བྱ་སྒོ་ཚུ་གི་སྒོ་ལས་ ལག་ལེན་འཐབ་ཡོདཔ་ཨིན་པས། བཅོས་མའི་འཕྲུལ་མི་བཟོ་བཏོན་གྱི་ ཨོ་ལིམ་པིག་ཟེར་ མིང་གནས་འཛིན་མི་ རྒྱལ་སྤྱི་དོ་འགྲན་དང་པའི་ནང་ འཛམ་གླིང་མཐའ་དབུས་མེད་པའི་ ས་ཁོངས་ཚུ་ལས་ སློབ་ཕྲུག་ཚུ་གིས་ བཅོས་མའི་འཕྲུལ་མི་ བཟོ་བཀོད་དང་ བཟོ་བསྐྲུན་འབད་དེ་ […]
