ཨིཛ་རེལ་གྱིས་ མཁའ་ཐོག་ལས་ གནོད་འཚུབ་བཀལ་ཏེ་ ག་ཟའི་ཁྲིམས་སྲུང་འགོ་འཛིན་ ༡ དང་ མི་སེར་ ༦༧ དམར་བསད།
རོའི་ཊརཛ། སྤྱི་ཟླ་ ༡ པའི་ཚེས་ ༢ ལུ་ ཨིཛ་རེལ་གྱིས་ ག་ཟ་ལུ་ཡོད་མི་ སྐྱབས་བཅོལ་བའི་ སྡོད་སྒར་ཚུ་གིས་གཙོས་པའི་ ས་ཁོངས་གཞན་ཚུ་ནང་ མཁའ་ཐོག་ལས་ གནོད་འཚུབ་བཀལ་ཏེ་ མི་གྲངས་ ༦༨ དེ་ཅིག་ དམར་བསད་འབད་མིའི་གྲས་ཁར་ ཧ་མཱཛ་གི་ ཁྲིམས་སྲུང་འགོ་འཛིན་ཡང་ཡོདཔ་ཨིན་པས།མ་གཞི་ ཨིཛ་རེལ་གྱིས་ གནོད་འཚུབ་བཀལ་མི་ ཨཱལ་མ་ཝ་སི་ ས་གནས་དེ་ ཞི་བའི་མི་སེར་ཚུ་གི་དོན་ལུ་ འགྲོ་བ་མིའི་ས་ཁོངས་སྦེ་ ངོས་འཛིན་འབད་ཡོདཔ་ད་ ཨིཛ་རེལ་གྱིས་ གནོད་འཚུབ་བཀལ་བའི་སྐབས་ལུ་ ག་ཟའི་ཁྲིམས་སྲུང་འགོ་འཛིན་ ཡོངས་ཁྱབ་མདོ་ཆེན་ མེ་མཱུད་ས་ལ་དང་ ཁོ་གི་ལས་རོགས་ ཧ་སཱམ་ཤ་ཝཱན་ ༢ ས་ཁོངས་དེ་ནང་ཡོད་མི་ སྐྱབས་བཅོལ་བའི་ སྡོད་སྒར་ཚུ་ནང་ ཞིབ་དཔྱད་འབད་དེ་སྡོད་ནུག།ཨིཛ་རེལ་གྱི་ དྲག་པོའི་དམག་སྡེ་གིས་ ལྷོག་ཕྱོགས་ག་ཟ་ལུ་ ཧ་མཱཛ་གིས་ དམག་སྡེ་འགོ་ཁྲིད་འབད་མི་ལུ་བརྟེན་ཏེ་ དམར་བསད་འབད་ཡོདཔ་སྦེ་ བཤད་ཡོད་རུང་ ཡོངས་ཁྱབ་མདོ་ཆེན་དེ་ དམར་བསད་འབད་བའི་སྐོར་ལས་ ག་ནི་ཡང་ བཤད་མ་བཏུབ་ཨིན་པས།དེ་མ་ཚད་ ཁཱན་ཡུ་ནིཛ་ལུ་ཡོད་མི་ ནང་སྲིད་ལྷན་ཁག་གི་ ཡིག་ཚང་ས་ཁོངས་ནང་ མི་གྲངས་ ༦ གིས་གཙོས་པའི་ བྱང་ཕྱོགས་ག་ཟ་དང་ […]
