ཡུ་རོབ་རྒྱལ་ཚོགས་ཀྱིས་ ཡུ་ཀེ་རེན་ ཞི་བདེའི་དོན་ལས་ རྒྱ་ནག་ལུ་ ཕན་ཐོགས་ཅན་གྱི་ འགན་ཁུར་འབག་དགོ་པའི་ནན་བསྐུལ།
རོའི་ཊརཛ། ཡུ་རོབ་རྒྱལ་ཚོགས་ཀྱི་ ཆེ་མཐོའི་ངོ་ཚབ་ཅིག་དང་ ཡུ་རོབ་དང་ ཨེ་ཤི་ཡའི་ལས་འབྲེལ་ནང་ རྒྱ་ནག་གི་ དམིགས་བསལ་སྐུ་ཚབ་ ལི་ཧུའི་ ༢ ཕྱད་པའི་སྐབས་ལུ་ ཡུ་ཀེ་རེན་ ཞི་བདེའི་དོན་ལས་ ཕན་ཐོགས་ཅན་གྱི་ འགན་ཁུར་འབག་དགོཔ་སྦེ་ ནན་བསྐུལ་ཡང་བསྐྱར་འབད་ཡོདཔ་ད་ ལི་ཧུའི་དེ་གིས་ ཧེ་མ་ ར་ཤི་ལུ་ རྒྱ་ནག་གི་ གཞུང་ཚབ་སྦེ་ཡང་ ལཱ་འབད་ནུག།ཡུ་རོབ་རྒྱལ་ཚོགས་ཀྱིས་ བཤད་དོ་བཟུམ་འབད་བ་ཅིན་ རྒྱ་ནག་དེ་ འཛམ་གླིང་སྤྱི་ཚོགས་ སྲུང་སྐྱོབ་ཚོགས་སྡེའི་ནང་ གཏན་འཇགས་འཐུས་མི་ཅིག་འབདཝ་ལས་ རང་དབང་དང་ ས་ཁོངས་དྲང་བདེན་གྱི་ གཞི་རྩ་ཚུ་ སེམས་ཁར་བཞག་སྟེ་ རྒྱལ་སྤྱི་གིས་ ངོས་འཛིན་གྲུབ་པའི་ ས་མཚམས་ལས་ གནས་ཚིག་ཚུ་ ག་ནི་ཡང་ མ་བཀོད་པར་ ར་ཤི་ཡའི་ དམག་མི་དང་ མཚོན་ཆ་ཚུ་ བཏོན་ནི་གི་ འགན་ཁུར་འབག་དགོ་ཟེར་ཨིན་པས།བདུན་ཕྲག་ཧེ་མའི་ནང་ ལི་ཧུའི་གིས་ ཡུ་རོབ་ལུ་ བལྟ་སྐོར་འབད་ཡོདཔ་བཞིན་དུ་ ཡུ་ཀེ་རེན་གྱི་སྲིད་འཛིན་ ཝོ་ལོ་ཌི་མིར་ ཟེ་ལེནཛ་ཀི་དང་ཡང་ ཕྱད་ཡོདཔ་ད་ སྤྱི་ཟླ་ ༥ པའི་ཚེས་ ༢༦ ལུ་ ལི་ཧུའི་དེ་ ར་ཤི་ཡ་ལུ་ […]