དབང་འདུས་ཕོ་བྲང་ རིན་ཆེན་སྒང་གཡུས་ཚན་ནང་ དགྲ་ལྷ་དཔངས་བསྟོད་ལུ་ ལོ་བསྟར་གསོལ་ཁ།
པདྨ་བཟངམོ། རང་ཟླ་ ༡༢ པའི་ཚེས་ ༡༥ ལུ་ དབང་འདུས་རྫོང་ཁག་ ཐད་འཚོ་རྒེད་འོག་ གཡུས་རིན་ཆེན་སྒང་ལུ་ ལོ་བསྟར་འགོ་འདྲེན་འཐབ་སྲོལ་ཡོད་མི་ དགྲ་ལྷ་མཆོད་ཡོདཔ་ད་ དེ་ཡང་ ང་བཅས་ལུ་ རྒྱབ་དང་ དཔུང་གཉེན་དང་ གདོང་གྲོགས་ཚུ་མཛད་མི་ ཆོས་སྐྱོང་སྲུང་མ་ཅིག་ཨིན་པས།དགྲ་ལྷ་ལུ་ ལྷམ་པ་མ་འདྲཝ་ ༩ ཡོདཔ་ད་ གཡུས་ཚན་དེ་ནང་ བརྩི་སྲུང་ཞུ་སྲོལ་ཡོད་མི་ དགྲ་ལྷ་དེ་ གླིང་གེ་སར་རྒྱལ་པོའི་ ལྷ་ཚོགས་ཅིག་ཨིན་མི་ དགྲ་ལྷ་དཔངས་བསྟོད་ཨིན་མས།དགྲ་ལྷ་དེ་ དུས་རབས་ ༡༢ པའི་ནང་ལས་ར་ མཆོད་དོ་ཡོདཔ་ད་ དེ་ཡང་ ཧེ་མར་ གཡུས་ཀྱི་ལྟག་ལུ་ཡོད་མི་ ས་གནས་ཁུག་བྱུག་ལ་ཟེར་སར་ བླམ་ངག་དབང་ཆོས་རྒྱལ་གྱིས་ གདན་ས་བཏབ་གནང་པའི་ཤུལ་ལས་ དགྲ་ལྷ་དེ་ ས་གནས་དེ་ཁར་ མཆོད་ཡོད་རུང་ ཤུལ་ལས་ བླམ་ངག་དབང་ཆོས་རྒྱལ་ཀྱིས་ གཡུས་ཚན་དེ་ཁར་ མཆོད་དགོཔ་སྦེ་ གསུངསམ་བཞིན་དུ་ ད་ལྟོའི་བར་ན་ཡང་ སྤྲོ་བ་དང་ དག་སྣང་ བརྩི་མཐོང་ཚུ་བསྐྱེད་དེ་ བརྩ་སྲུང་ཞུཝ་ཨིན་མས།དགྲ་ལྷ་དེ་ མ་མཆོད་པའི་ཧེ་མར་ ཚེས་ ༡༠ ལུ་ གཡུས་ཀྱི་ལྟག་ལུ་ སྤང་ཅིག་ཡོད་མི་དེ་ཁར་ […]
