ནང་སྲིད་ལྷན་ཁག་གི་དྲུང་ཆེན་ བསོད་ནམས་དབང་རྒྱལ་དེ་ ལོག་སྟེ་ར་ ནང་སྲིད་དྲུང་ཆེན་སྦེ་ བསྐོ་བཞག་གནང་ཡོདཔ་ལས་ སྤྱི་ཟླ་ ༡༢ པའི་ཚེས་ ༥ ལུ་ ནང་སྲིད་ལྷན་ཁག་གིས་ མཛད་སྒོའི་རྟེན་འབྲེལ་ཅིག་ འགོ་འདྲེན་འཐབ་ཡོདཔ་ཨིན་པས། རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཚུ་ ཁ་གསལ་སྦེ་ གཟིགས་འདོད་ཡོད་མི་ཚུ་གིས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།
སྤྱི་ཟླ་ ༡༢ པའི་ཚེས་ ༣ ལུ་ རྒྱལ་ཡོངས་ཚོགས་འདུ་གིས་ འབྲུག་གི་སྒོ་ནོར་དཔྱད་ཡིག་ ༢༠༢༥ ཅན་མ་འདི་ ཆ་འཇོག་མཛད་གནང་ཡོདཔ་ཨིན་པས།དེ་ཡང་ མཐའ་འཁོར་དང་ གནམ་གཤིས་འགྱུར་བགྲོད་ ཚོགས་ཆུང་ཁྲི་འཛིན་གྱིས་ དོན་ཚན་གསརཔ་དང་ བསྐྱར་བཟོ་འབད་ཡོད་མི་ཚུ་གི་ སྙན་ཞུ་ཕུལ་ཏེ་ གྲོས་བསྡུར་རྒྱས་ཤིང་རྒྱསཔ་སྦེ་ གནང་ཡོདཔ་ད་ དེ་སྦེ་ ཆ་འཇོག་མ་མཛད་པའི་ཧེ་མར་ ཚོགས་ཆུང་ཁྲི་འཛིན་གྱིས་ ཚོགས་ཁང་གིས་ བཀའ་རྒྱ་དང་འཁྲིལ་ བསྐྱར་ཞིབ་འབད་ཡོད་པའི་ དོན་ཚན་ ༡༠ གྱི་ སྙན་ཞུ་ཚུ་ཕུལ་ནུག། རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཚུ་ ཁ་གསལ་སྦེ་ གཟིགས་འདོད་ཡོད་མི་ཚུ་གིས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།
པདྨ་དབང་འདུས། སྤྱི་ཟླ་ ༡༢ པའི་ཚེས་ ༢ ལུ་ ནིའུ་དིལླིར་ རྒྱ་པཱན་གཞུང་ཚབ་ཀྱི་ ཡིག་ཚང་ནང་སྦེ་ རྒྱ་པཱན་གྱི་དོན་ལུ་ འབྲུག་གི་གཞུང་ཚབ་ ཝི་རྣམ་རྒྱལ་དང་ འབྲུག་གི་དོན་ལུ་ རྒྱ་པཱན་གྱི་གཞུང་ཚབ་ ཀེ་ཨི་ཅི་ཨོ་ནོ་ ༢ ཀྱི་བར་ན་ རྒྱ་པཱན་གྱི་ གནང་སྦྱིན་གྲོགས་རམ་འོག་ལུ་ དཔལ་འབྱོར་དང་ མི་སྡེ་གོང་འཕེལ་ལས་རིམ (གསོ་བའི་ལག་ཆ་) གྱི་ དྲན་ཐོ་ཅིག་ བརྗེ་སོར་འབད་ཡོདཔ་ཨིན་པས། རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཁ་གསལ་སྦེ་ གཟིགས་འདོད་ཡོད་མི་ཚུ་གིས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།
པདྨ་དབང་འདུས། སྤྱི་ཟླ་ ༡༢ པའི་ཚེས་ ༢ ལུ་ མི་རྗེ་བློན་ཆེན་གྱིས་ ཨཱལ་བ་ར་ཀ་ཕོ་བྲང་ནང་སྦེ་ མི་དབང་རྒྱལཔོ་ སུལ་ཏཱན་ ཧའི་ཐཱམ་བིན་ཏ་རིག་མཆོག་གི་ སྐུ་མདུན་ལུ་ བཅར་ཡོདཔ་ཨིན་པས། དེ་བསྒང་ རྒྱལ་ཁབ་ ༢ ཀྱི་བར་ན་ མཉམ་འབྲེལ་ཡར་དྲག་གཏང་ནི་དང་ དཔལ་འབྱོར་གྱི་ ལས་དོན་སྣ་མང་དང་ ཡུན་བརྟན་གོང་འཕེལ་གྱི་དོན་ལུ་ མཐའ་དོན་གཅིག་པའི་ ཁེ་ཕན་ཚུ་ སྒྲུབ་ཐབས་ལུ་དམིགས་ཏེ་ དཔལ་འབྱོར་དང་ ཚོང་འབྲེལ་ལས་སྡེ་ གཙོ་བོ་ཚུ་ནང་ མ་རྩ་གཞི་བཙུགས་ཀྱི་ མཉམ་འབྲེལ་རྒྱ་སྐྱེད་ཚུ་གི་སྐོར་ལས་ གསུང་གྲོས་བྱུང་དུག། མི་རྗེ་བློན་ཆེན་མཆོག་ ཨོ་མཱན་ལུ་ བཞུགས་རིང་གར་ ཕྱི་འབྲེལ་བློན་པོ་དང་ ཚོང་འབྲེལ་བློན་པོ་ ཁྱིམ་བཟོ་བློན་པོ་ དེ་ལས་ རྒྱལ་འཛིན་འཛིན་སྐྱོང་སྤེལ་ཁང་དང་ ཨོ་མཱན་མ་རྩ་གཞི་བཙུགས་དབང་འཛིན་གྱི་ འགོ་དཔོན་ཚུ་དང་ མཇལ་ཕྲད་མཛད་ཡོད་པའི་གནས་ཚུལ།
པདྨ་དབང་འདུས། སྤྱི་ཟླ་ ༡༢ པའི་ཚེས་ ༡ ལུ་ རྒྱལ་ཡོངས་ཆུ་དཔྱད་དང་ གནམ་གཤིས་རིག་པའི་ལྟེ་བ་ལས་ གས་བསྒྲགས་ཅིག་ནང་ བཀོད་དོ་བཟུམ་འབད་བ་ཅིན་ མ་འོངས་པའི་ ཉིནམ་ཚུ་ནང་ འཛམ་གླིང་ནུབ་ཕྱོགས་ཀྱི་ གནམ་གཤིས་ཀྱི་ དཀའ་ངལ་དང་ འཛམ་གླིང་ནུབ་ཕྱོགས་ལས་ ཤར་ཕྱོགས་ཁ་ཐུག་འཕུ་མི་ འཛམ་གླིང་བསྐོར་བའི་ རླུང་མའི་འཕུ་ཤུགས་ ཡར་སེང་གིས འབྲུག་གི་ལུང་ཕྱོགས་ལུ་ ཤན་ཞུགས་ནི་མས་ཟེར་ཨིན་པས། དེ་ཡང་ སྤྱི་ཟླ་ ༡༢ པའི་ཚེས་ ༢ དང་ ༣ ལུ་ འབྲུག་བྱང་ཕྱོགས་དང་ ནུབ་ཕྱོགས་ དབུས་ཕྱོགས་ ཤར་ཕྱོགས་ཚུ་ནང་ རླུང་མ་ཤུགས་ཅན་སྦེ་ འཕུ་ནི་བཟུམ་ཅིག་ཡོདཔ་སྦེ་ སྔོན་བཤད་འབད་ཡོདཔ་ད་ གནད་དོན་དེ་གི་ཐེད་ཁར་ ལྟ་རྟོག་ཚུ་འབད་བཞིན་དུ་ཡོདཔ་ལས་ སྔོན་བཤད་དེ་ལུ་ འགྱུར་བ་སྦོམ་སྦེ་ར་ འཐོན་པ་ཅིན་ དུས་མཐུན་གྱི་ སྙན་ཞུ་ཚུ་ འབད་འོང་ཟེར་བཀོད་ནུག། རྒྱལ་ཡོངས་ཆུ་དཔྱད་དང་ གནམ་གཤིས་རིག་པའི་ལྟེ་བ་གིས་ བཤད་མིའི་ནང་ ནུབ་ཕྱོགས་ཀྱི་ གནམ་གཤིས་ཀྱི་ དཀའ་ངལ་ཟེར་མི་དེ་ མེ་ཌི་ཊེ་རི་ནི་ཡཱན་ཟེར་མི་ ལུང་ཕྱོགས་ནང་ལས་ལངས་མི་ ཆུ་རླུང་གི་ འཚུབ་ཆ་ལུ་བརྟེན་ཏེ་ […]
སྤྱི་ཟླ་ ༡༡ པའི་ཚེས་ ༢༨ ལུ་ འབྲུག་གི་དོན་ལས་ མཐའ་ཡས་ལེན་གྱི་གཞུང་ཚབ་ ཨམ་ཐི་ཊི་པཱོན་ ཅི་ར་ས་ཝ་དི་གིས་ བཀྲ་ཤིས་ཆོས་རྫོང་གི་ གསེར་ཁྲི་བཟང་ནང་སྦེ་ མི་དབང་མངའ་བདག་རིན་པོ་ཆེ་མཆོག་ལུ་ གཞུང་ཚབ་ངོ་སྤྲོད་ཀྱི་ ཡིག་ཆ་ཕུལ་ཡོད་པའི་ གནས་ཚུལ་མདོར་བསྡུས།
པདྨ་དབང་འདུས། སྤྱི་ཟླ་ ༡༡ པའི་ཚེས་ ༢༨ ལུ་ འབྲུག་གི་གསོ་བ་རིག་པ་ གཞི་སྒྱུར་གྱི་ ལས་སྣ་དང་འབྲེལ་ཏེ་ ཀ་ཝ་བྱང་ས་ ནང་པའི་སྨན་ཁང་གི་ སྤྱི་དོན་ཁང་ནང་སྦེ་ ནང་པའི་སྨན་བཅོས་ཞབས་ཏོག་གི་ རྒྱལ་ཡོངས་ལྟེ་བ་དང་ རྒྱལ་ཡོངས་ནང་པའི་ སྨན་བཅོས་ཐབས་བྱུས་དང་ ལག་ལེན་འཆར་གཞི་ ༢༠༢༥-༢༦ ཅན་མའི་ འགོ་འབྱེད་རྟེན་འབྲེལ་དང་གཅིག་ཁར་ གནང་སྦྱིན་ཆིངས་ཡིག་གུ་ མཚན་རྟགས་བཀོད་མི་ཚུ་ ནང་པའི་སྨན་བཅོས་ནང་ འབྱུང་རབས་ཅན་གྱི་ དུས་བསྐལ་ཅིག་ཨིན་པས། ཐབས་བྱུས་དང་ ལག་ལེན་འཆར་གཞི་ ༢༠༢༥-༢༦ ཅན་མ་དེ་གིས་ ཞབས་ཏོག་སྤྲོད་ནི་དང་ ཤེས་ཡོན་སྤེལ་ནི་ ཞིབ་འཚོལ་འབད་ནི་ སྨན་རིགས་ཀྱི་ཐོན་ཁུངས་འཛིན་སྐྱོང་ དེ་ལས་ བདེ་ཉམས་ལུ་ ལས་སྣ་གསར་བཏོད་ཚུ་གི་དོན་ལས་ སྔོན་དཔག་ཅན་གྱི་ ལམ་སྟོན་འབད་ནི་ཨིནམ་ད་ གསོ་བ་རིག་པ་དེ་ འཕྲོ་མཐུད་དེ་ར་ དེང་སང་གི་ གསོ་བའི་སྐྱོང་བཞག་དང་ མཐུན་སྒྲིག་ཐོག་ལས་ ཡར་འཕེལ་བཟོ་ནི་ཨིན་པས། དེ་མ་ཚད་ ནང་པའི་སྨན་བཅོས་ཞབས་ཏོག་གི་ རྒྱལ་ཡོངས་ལྟེ་བ་ འགོ་འབྱེད་འབད་མི་དེ་ ནད་པའི་སྨན་བཅོས་དང་ གསར་བཏོད་ལས་སྣ་ སྦྱོང་བརྡར་ ཉམས་སྲུང་ཚུ་ རྒྱལ་ཡོངས་ལྟེ་བ་ཅིག་གི་ནང་ལས་འབད་ནི་ལུ་ གལ་གནད་ཅན་གྱི་ གཙུག་སྡེ་གཞི་སྒྱུར་ཅིག་ཨིན་པས། […]
སྤྱི་ཟླ་ ༡༡ པའི་ཚེས་ ༢༧ ལུ་ འབྲུག་མཁའ་འགྲུལ་གྱི་ གནམ་གྲུ་གསརཔ་ པི་ལེ་ཊཱཛ་-༢༤ ཟེར་མི་ཅིག་ སྤ་རོ་རྒྱལ་སྤྱི་གནམ་ཐང་ནང་ ལྷོད་ཡོད་མི་དེ་ འབྲུག་རྒྱལ་ཁབ་ཀྱི་ མཁའ་འགྲུལ་ལྕོགས་གྲུབ་ བཙན་ཐབས་དང་ རྒྱལ་ཡོངས་ཀྱི་ གནམ་གྲུའི་གྱངས་ཁ་ ཡར་སེང་དང་འབྲེལ་ཏེ་ གལ་གནད་ཆེ་བའི་ མདུན་བསྐྱོད་ཀྱི་ གནད་དོན་ཅིག་ཨིན་པས།སུ་ཡིད་ཛར་ལེན་ལུ་ བཟོ་བསྐྲུན་འབད་མི་ སྡོད་ཁྲི་ ༨ འབད་མི་ གནམ་གྲུ་དེ་ རྩིས་ནག་མ་བཏང་པའི་ གནམ་ཐང་ཆུང་ཀུ་ཚུ་ནང་ ལག་ལེན་འཐབ་བཏུབ་མ་ཚད་ འཕུར་འགྲུལ་གྱི་ ཁྱད་ཆོས་ཡང་ འབྲུག་གི་སའི་ཆགས་ཚུལ་ལུ་ དམིགས་བསལ་གྱིས་ འོས་འབབ་ཡོདཔ་སྦེ་བཀོད་ནུག།གནམ་གྲུ་དེ་གིས་ དགེ་ལེགས་ཕུག་ དྲན་ཤེས་ཁྲོམ་ཚོགས་དང་ གཞན་ཡང་ གློ་བུར་གྱི་ ལག་ལེན་དང་ ལཱ་འགན་ཚུ་ལུ་ ཆེད་དུ་དམིགས་པའི་ འགྲུལ་བསྐྱོད་ཚུ་བརྩིས་ཏེ་ འོས་འབབ་དང་ལྡན་པའི་ འགྲོ་འགྲུལ་ལུ་ཡང་ རྒྱབ་སྐྱོར་འབད་ནི་ཨིན་པས།གནམ་གྲུ་དེ་ སྤ་རོ་རྒྱལ་སྤྱི་གནམ་ཐང་ནང་ ཆགས་པའི་ཤུལ་ལུ་ རང་ལུགས་ཆིབས་གྲལ་ཐོག་ལས་ བསུ་སྟོན་འབད་བའི་ ལས་རིམ་ནང་ མི་རྗེ་བློན་ཆེན་མཆོག་ དབུ་བཞུགས་ཐོག་ལུ་ འབྲུག་གཞུང་དང་ དགེ་ལེགས་ཕུག་ དྲན་ཤེས་ཁྲོམ་ཚོགས་དང་ འབྲུག་མི་སེར་རྒྱུ་ནོར་གཞི་བཟུང་ལས་སྡེ་ […]
པདྨ་དབང་འདུས། རྒྱལ་གཞུང་འབྲུག་གི་འགག་སྡེའི་ སྨྱོ་རྫས་དང་ སྨན་རྫས་ གནོད་རྫས་སྡེ་ཚན་གྱིས་ སྨྱོ་རྫས་ལག་ལེན་གྱི་སྐོར་ལས་ གསང་བའི་བརྡ་དོན་ ཐོབ་ཡོད་མི་དང་འཁྲིལ་ཏེ་ ཐིམ་ཕུ་ཅང་བང་འབྲུག་ལུ་ ནུབ་མོའི་གསང་ཞིབ་ཅིག་ འགོ་འདྲེན་འཐབ་ནུག། དེ་ཡང་ གསང་ཞིབ་སྐབས་ལུ་ མི་ངོམ་ ༥ འཛིན་བཟུང་འབད་མིའི་གྲས་ལས་ སྨྱོ་རྫས་འབག་མི་ མི་ངོམ་ ༢ དོ་དམ་འོག་ལུ་བཞག་སྟེ་ སྨྱོ་རྫས་སྤྱོད་ཡོད་པའི་ བརྟག་དཔྱད་ནང་ལས་ གྲུབ་འབྲས་ཐོན་མི་ ༣ བར་འཛུལ་གྱི་དོན་ལས་ སྨྱོ་རྫས་ལོག་སྤྱོད་སྨན་བཅོས་ལྟེ་བའི་ནང་ བཏང་ཡོདཔ་ཨིན་པས། རྒྱལ་སྤྱི་གསར་ཤོག་གི་ཐོག་ལས་ རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཁ་གསལ་དང་ ཤེས་ཡོན་ ལམ་སྲོལ་ སྤྲོ་བ་ སྐད་ཡིག་ཤན་སྦྱར་ གསལ་བསྒྲགས་ལ་སོགས་པ་ཚུ་ གློག་རིག་སྒྲིག་བཀོད་ (PDF) ཐོག་ལུ་ གཟིགས་འདོད་ཡོད་མི་ཚུ་གིས་ ལོ་ངོ་ ༡ གི་དོན་ལས་ འབྲུག་གི་དངུལ་ཁང་ནང་ རྒྱལ་སྤྱི་གསར་ཤོག་གི་ རྩིས་ཁྲ་ཨང་ ༡༠༠༩༡༥༣༣༤ ཅན་མར་ དངུལ་ཀྲམ་ ༥༠༠ བཙུགས་གནང་ཐོག་ལས་ རྒྱུན་མངག་མཛད་དེ བཀའ་དྲིན་བསྐྱང་གནང་ཟེར་ ཞུ་ནི་དང་། […]
སྤྱི་ཟླ་ ༡༡ པའི་ཚེས་ ༢༥ ལུ་ མི་དབང་མདག་རིན་པོ་ཆེའི་ཞབས་ལས་ རྒྱལ་ཡོངས་ཚོགས་འདུའི་ ཡོངས་ཁྱབ་དྲུང་ཆེན་དང་ རྒྱལ་གཞུང་དངུལ་ལས་དབང་འཛིན་གྱི་སྤྱི་འཛིན་ ཕྱི་འབྲེལ་དྲུང་ཆེན་ ༣ གསར་བསྐོས་ཐོག་ལུ་ བཀྲ་ཤིས་ལེགས་དར་གནང་ཡི། དེ་ཡང་ གསོ་བའི་ལྷན་ཁག་ སྨན་རིགས་བཀྲམ་སྤེལ་དང་ གསོ་བའི་གཞི་རྟེན་ལས་ཁུངས་ནང་ ཡོངས་ཁྱབ་མདོ་ཆེན་སྦེ་ ཕྱག་ཞུ་མི་ རིན་ཆེན་རྡོ་རྗེ་དེ་ རྒྱལ་ཡོངས་ཚོགས་འདུའི་ ཡོངས་ཁྱབ་དྲུང་ཆེན་སྦེ་ བསྐོ་བཞག་གནང་ནུག། རྒྱལ་གཞུང་དངུལ་ལས་དབང་འཛིན་གྱི་ སྤྱི་འཛིན་གསརཔ་སྦེ་ དབང་འཛིན་དེ་ནང་ར་ སྤྱི་འཛིན་འོགམ་སྦེ་ ཕྱག་ཞུ་མི་ དབྱངས་ཅན་མཚོ་རྒྱལ་དེ་ བསྐོ་བཞག་གནང་ཡོདཔ་ཨིན་པས། ཕྱི་འབྲེལ་དྲུང་ཆེན་དེ་ ནིའུ་ཡོག་ལུ་ འཛམ་གླིང་སྤྱི་ཚོགས་ནང་ འབྲུག་གི་གཏན་འཇགས་སྐུ་ཚབ་ ཡིག་ཚང་ནང་ གཞུང་ཚབ་སྦེ་ ཕྱག་ཞུ་མི་ པདྨ་ལེགས་གྲུབ་རྡོ་རྗེ་དེ་ བསྐོ་བཞག་གནང་ཡོད་པའི་གནས་ཚུལ།
