World News
ནེ་པཱལ་རྒྱལ་ཁབ་ནང་ ཆུ་རུད་ཀྱིས་ མི་གྲངས་ ༡༧ ལུ་ཤི་རྐྱེན།
ཨེན་ཌི་ཊི་ཝི།སྤྱི་ཟླ་ ༩ པའི་ཚེས་ ༡༧ ལུ་ དབང་འཛིན་འགོ་དཔོན་ཚུ་གིས་ བཤད་དོ་བཟུམ་འབད་བ་ཅིན་ ནེ་པཱལ་གྱི་ ནུབ་ཕྱོགས་ཁ་ཐུག་ལུ་ ཆར་ཆུ་འབོལ་བའི་སྟབས་ཀྱིས་ ས་རུད་ཆད་ཡོདཔ་ལས་ མི་གྲངས་ ༡༧ དེ་ཅིག་ལུ་ ཤི་རྐྱེན་བྱུང་ནུག་ཟེར་ཨིན་པས།དེ་ལས་ མི་གྲངས་ ༡༡ དེ་ཅིག་ལུ་ རྨ་སྐྱོན་བྱུང་མི་ཚུ་ གནམ་གྲུ་ཧེ་ལི་ཀོབ་ཊར་ཐོག་ལས་ ཕྱིར་བཏོན་འབད་དེ་ སྨན་བཅོས་ཀྱི་དོན་ལུ་ སྨན་ཁང་ནང་ བསྐྱལ་ཡོད་རུང་ མི་གྲངས་ ༤ དེ་ཅིག་ བྱང་སྟོར་ཤོར་ཡོདཔ་ཨིན་པས།དེ་འབདཝ་ལས་ ཁྲིམས་སྲུང་འགག་སྡེ་གིས་ བྱང་སྟོར་མི་ཚུ་ འཚོལ་ཞིབ་འབད་དོ་ཟེར་ཨིནམ་ད་ གནོད་སྐྱོན་བྱུང་མི་ ད་རུང་ཡང་ ཡར་སེང་འགྱོ་ནི་ཨིན་པས་ཟེར་ བཀོད་འདུག་པའི་གནས་ཚུལ།