Warning: Attempt to read property "display_name" on null in /home/wwwgyalchisarsho/public_html/wp-content/themes/gyalchi_sersho/author.php on line 2

མི་དབང་མངའ་བདག་རིན་པོ་ཆེ་མཆོག་གིས་ ཤྲཱི་ལངྐའི་ བློན་ཆེན་དང་མཇལ་ཕྲད།

སྤྱི་ཟླ་ ༩ པའི་ཚེས་ ༢ ལུ་ མི་དབང་མངའ་བདག་རིན་པོ་ཆེ་མཆོག་གིས་ བཀྲིས་ཆོས་རྫོང་ནང་སྦེ་ ཤྲཱི་ལངྐའི་བློན་ཆེན་ ཌོག་ཊར་ཧ་རི་ནི་ ཨ་མ་ར་སུ་རི་ཡ་དང་ མཇལ་ཕྲད་མཛད་གནང་ནུག། ཌོག་ཊར་ཨ་མ་ར་སུ་རི་ཡ་དེ་ འབྲུག་གཞུང་གིས་ མགྲོན་བརྡ་གནངམ་བཞིན་དུ་ སྤྱི་ཟླ་ ༨ པའི་ཚེས་ ༣༡ ལས་ སྤྱི་ཟླ་ ༩ པའི་ཚེས་ ༤ ཚུན་ལུ་ འགོ་འདྲེན་འཐབ་མི་ རྒྱལ་སྤྱིའི་དྲན་ཚོར་བཟའ་ཆས་རིམ་ལུགས་ཀྱི་ དབུ་ཁྲིད་ཞལ་འཛོམས་ནང་ གྲལ་གཏོགས་གནང་པར་ བྱོན་ཡོདཔ་ཨིན་པས། འབྲུག་དང་ ཤྲཱི་ལངྐའི་བར་ན་ དོན་གཅོད་མཐུན་ལམ་དེ་ སྤྱི་ལོ་ ༡༩༨༧ ལུ་ གཞི་བཙུགས་གནང་ཡོདཔ་ད་ དུས་དེ་ལས་ཚུར་ ནང་པའི་ཆོས་ལུགས་ལུ་ བརྩི་མཐོང་ཤོ་མཚུངས་དང་ ཕན་ཚུན་ལུ་ གུས་ཞབས་དང་ ལེགས་སྨོན་ཚུ་ལུ་ གཞི་བརྟེན་པའི་ མཐུན་ལམ་ལེགས་སྐྱོང་ཐོག་ལུ་ཡོདཔ་ཨིན་པའི་གནས་ཚུལ།