སྤྱི་ཟླ་ ༡༡ པའི་ཚེས་ ༡༦ ལུ་ འབྲུག་གི་རྒྱལ་ཡོངས་ཚོགས་སྡེའི་ བཞུགས་རིམ་ ༣ པའི་ནང་ གཞི་རྟེན་མཁོ་ཆས་དང་ སྐྱེལ་འདྲེན་ལྷན་བློན་པོ་གིས་ རྒྱལ་སྤྱི་ཞི་བའི་མཁའ་འགྲུལ་གྱི་ མཐུན་གྲོས་འཕྲི་སྣོན་ ༢༠༢༦ ཅན་མའི་ ངོ་སྤྲོད་ཕུལ་ནུག།
མཐུན་གྲོས་འདི་ སྤྱི་ཚོགས་ ༤ པའི་ རྒྱལ་ཡོངས་ཚོགས་འདུའི་ ཚོགས་ཐེངས་ ༥ པའི་ནང་ ཆ་འཇོག་གྲུབ་སྟེ་ རྒྱལ་ཡོངས་ཚོགས་སྡེ་ལུ་འབྱོར་ཡོདཔ་ད་ ངོ་སྤྲོད་ནང་ བློན་པོ་གིས་ མཐུན་གྲོས་ཀྱི་རྩ་ཚན་ ༥༠ (ཀ) པ་དང་ ༥༦ འཕྲི་སྣོན་མཛད་དགོ་པའི་ རྒྱུ་མཚན་དང་ རྒྱབ་སྣོན་ཆ་འཇོག་འབད་དགོ་པའི་ བདེན་ཁུངས་ཚུ་བཀོད་ཡོདཔ་ཨིན་པས།
དེ་གི་ཤུལ་ལས་ མཐུན་གྲོས་འདི་ གཞུང་སྐྱོང་ལེགས་ལྡན་ཚོགས་ཆུང་གི་ ཁྲི་འཛིན་གྱིས་ མཐུན་གྲོས་ཀྱི་ རྩ་ཚན་ཁག་ ༢ ཆ་འཇོག་གི་དོན་ལུ་ གྲོས་འཆར་ཕུལ་ཡོད་མི་འདི་ ཚོགས་དམངས་ལུ་ གསལ་ཞུ་ཕུལ་ནུག།
དེ་ཡང་ རྩ་ཚན་ ༥༠ (ཀ) པ་འདི་འབད་བ་ཅིན་ ཚོགས་སྡེའི་འཐུས་མི་ཁ་གྲངས་ ༣༦ ལས་ ༤༠ གུ་ ཡར་སེང་འབད་དེ་ཡོད་མི་དང་ རྩ་ཚན་ ༥༦ པ་འདི་འབད་བ་ཅིན་ གནམ་གྲུའི་འགྲུལ་སྐྱོད་ལྷན་ཚོགས་ཀྱི་ འཐུས་མི་ཁ་གྲངས་ ༡༩ ལས་ ༢༡ གུ ཡར་སེང་འབད་དེ་ཡོད་མི་འདི་ཨིན་པས།
གསུང་གྲོས་མཐིན་ཕྱིན་སྦེ་ གནང་པའི་ཤུལ་ལུ་ ཚོགས་དམངས་ཀྱིས་ རྒྱལ་སྤྱི་ཞི་བའི་མཁའ་འགྲུལ་གྱི་ མཐུན་གྲོས་འཕྲི་སྣོན་ ༢༠༢༦ ཅན་མ་གུ་ ཚོགས་ཆུང་གིས་ འཕྲི་སྣོན་མཛད་མི་ལུ་ རྒྱབ་སྐྱོར་གནང་་ཡོདཔ་ད་ མཐུན་གྲོས་འདི་ སྤྱི་ཟླ་ ༡༢ པའི་ཚེས་ ༩ ལུ་ ཆ་འཇོག་གྲུབ་ནི་ཨིན་པའི་གནས་ཚུལ།





Leave a Reply