ར་ཤི་ཡ་གིས་ ཡུ་ཀེ་རེན་གྱི་ གཞི་རྟེན་མཐུན་རྐྱེན་ཚུ་ལུ་ གནོད་འཚུབ་བཀལ་ཡོདཔ།

རོའི་ཊརཛ།
སྤྱི་ཟླ་ ༡༡ པའི་ཚེས་ ༧ ལུ་ ར་ཤི་ཡ་གིས་ སླབ་དོ་བཟུམ་འབད་བ་ཅིན་ ཡུ་ཀེ་རེན་དམག་སྡེའི་ བཟོ་གྲྭ་ལས་སྡེ་དང་ རྒྱལ་ས་ཀི་ཡིབ་དང་ ཉེ་འདབས་ཀྱི་ ལུང་ཕྱོགས་ཚུ་ནང་ ནུས་ཤུགས་དང་ སྐྱེལ་འདྲེན་གྱི་ གཞི་རྟེན་མཐུན་རྐྱེན་ཚུ་ལུ་ དམིགས་གཏད་བསྐྱེད་དེ་ གནོད་འཚུབ་བཀལ་ཡི་ཟེར་ཨིན་པས།
དེ་ཡང་ ཡུ་ཀེ་རེན་གྱི་ དམག་སྡེའི་དོན་ལུ་ གོ་མཚོན་དང་ དམག་ཆས་ དེ་ལས་ སྣུམ་འཁོར་ཚུ་ སྐྱེལ་འདྲེན་གྱི་དོན་ལུ་ ལག་ལེན་འཐབ་མི་ བྱང་ཁ་ཐུག་གི་ཟམ་དེ་ལུ་ གནོད་འཚུབ་བཀལ་ཡོདཔ་སྦེ་ ར་ཤི་ཡའི་ སྲུང་སྐྱོབ་ལྷན་ཁག་ལས་ གསལ་བཤད་འབད་ནུག།
དེ་བཟུམ་སྦེ་ ཀི་ཡིབ་ལུང་ཕྱོགས་ནང་ཡོད་མི་ གློག་མེ་འཕྲུལ་ཁང་དང་ གློག་མེ་བཀྲམ་སྤེལ་ཁང་ཡན་ལག་ དེ་ལས་ ནུས་ཤུགས་དང་ བཟོ་གྲྭའི་མཐུན་རྐྱེན་ཚུ་ལུ་ཡང་ གནོད་འཚུབ་བཀལ་ཡོདཔ་ཨིན་པས།
དེ་མ་ཚད་ ཞི་ཊོ་མིར་ལུང་ཕྱོགས་ནང་ གློག་མེ་བཀྲམ་སྤེལ་ཁང་ ཡན་ལག་ཅིག་དང་ མཚོ་ནག་ལུ་ དམག་སྡེའི་ཅ་ཆས་དང་ ལག་ལེན་གཉིས་ལྡན་གྱི་ ཅ་ཆས་ཚུ་ སྐྱེལ་འདྲེན་འབད་མི་ གྲུ་གཟིངས་ཅིག་ལུ་ཡང་ གནོད་འཚུབ་བཀལ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།