སྤྱི་ཟླ་ ༡༠ པའི་ཚེས་ ༡༨ ལུ་ གནས་ཚུལ་གསར་བཏོན་ཅིག་ནང་ བཀོད་དོ་བཟུམ་འབད་བ་ཅིན་ མེ་ག་ཝཱཊ་ ༦༠༠ འབད་མི་ བཀྲིས་གཡང་རྩེ་ འཁོར་ལོ་ཆུ་ གློག་མེ་ལས་འགུལ་གྱི་ ཆུ་མཛོད་གཙོ་བོ་ བཟོ་བསྐྲུན་གྱི་དོན་ལུ་ མི་ཊར་ ༦༨༦ འབད་མི་ གཙང་ཆུ་ཁ་སྒྱུར་གྱི་ ས་དོང་དེ་ མཐར་འཁྱོལ་ཅན་སྦེ་ མཇུག་བསྡུ་ཡི་ཟེར་ཨིན་པས།
དེ་སྦེ་ ས་དོང་ཁ་སྒྱུར་གྱི་ མཇུག་བསྡུའི་རྟེན་འབྲེལ་ནང་ སྐུ་མགྲོན་གཙོ་བོ་སྦེ་ འཁོར་ལོ་ཆུ་ གློག་མེ་ལས་འགུལ་གྱི་ཁྲི་འཛིན་ ནུས་ཤུགས་དང་ རང་བཞིན་ཐོན་སྐྱེད་ལྷན་ཁག་གི་ དྲུང་ཆེན་བྱོན་ནུག།
གཙང་ཆུ་ཁ་སྒྱུར་གྱི་ ས་དོང་དེ་ ཆུ་ཀིའུ་བིག་མི་ཊར་ ༡,༡༡༢ རེ་ བརྒྱུད་སྤེལ་འབད་ནི་གི་ ཤོང་ཚད་ཡོདཔ་ད་ བཟོ་བསྐྲུན་མཇུག་བསྡུ་ནི་ལུ་ ཟླཝ་ ༢༠ དེ་ཅིག་འགོར་ཡོདཔ་ཨིན་པས།
ད་ལས་ཕར་ གཙང་ཆུ་ལས་ ཆུ་འདྲེན་ནི་དང་ ཆུ་མཛོད་གཙོ་བོའི་དོན་ལུ་ གཞི་འགྱམ་བརྐོ་ནི་ཚུ་རྩིས་ཏེ་ ས་འོག་གློག་མེ་འཕྲུལ་ཁང་ བཟོ་བསྐྲུན་འབད་ནི་དང་ ཅབ་ལང་ཆུ་ ཁ་སྒྱུར་གྱི་ལཱ་ཚུ་ འབད་ནི་ཨིནམ་སྦེ་བཀོད་ནུག།
འཁོར་ལོ་ཆུ་ གློག་མེ་ལས་འགུལ་དེ་ འབྲུག་སླར་བྱུང་གློག་མེ་ལས་འཛིན་དང་ རྒྱ་གར་གྱི་ ཊ་ཊ་པ་ཝར་ གློག་མེ་ལས་སྡེ་ ༢ མཉམ་བསྡོམས་ཀྱི་ ལས་སྣ་ཅིག་ཨིནམ་ད་ ལས་འགུལ་དེ་གི་ གནས་གོང་དེ་ཡང་ དངུལ་ཀྲམ་ཐེར་འབུམ་ ༦༩ གི་ ཚོད་རྩིས་ཡོདཔ་ཨིན་པས།
ལས་འགུལ་དེ་ སྤྱི་ལོ་ ༢༠༢༩ ལུ་ མཇུག་བསྡུ་ནི་གི་ འཆར་གཞི་ཡོདཔ་ཨིན་པའི་གནས་ཚུལ།
Leave a Reply