ཨམ་ཨང་སཱན་སུ་ཀི་གིས་ མོ་རའི་བུ་དང་གཅིག་ཁར་ བརྒྱུད་འཕྲིན་ཐོག་ལས་ ཁ་སླབ་ནི་གི་ གོ་སྐབས་ཐོབ་ཡོདཔ།

རོའི་ཊརཛ།
ཁྱིམ་བཙོན་ནང་ཡོད་མི་ མ་ཡེན་མར་གྱི་ དབུ་ཁྲིད་བགྲེསཔ་ ཨམ་ཨང་སཱན་སུ་ཀི་དང་ མོ་རའི་བུ་གི་བར་ན་ ལོ་ངོ་ ༥ ལྷགཔ་ཅིག་རྒྱབ་ལས་ ད་རེས་ འགོ་དང་པ་ སྤྱི་ཟླ་ ༡༠ པའི་ཚེས་ ༢༢ ལུ་ བརྒྱུད་འཕྲིན་ཐོག་ལས་ ཁ་སླབ་ནི་གི་ གོ་སྐབས་ཐོབ་ནུག།
ཀིམ་ཨ་རིཛ་གིས་ ལོ་ངོ་མང་རབས་ཅིག་གི་རྒྱབ་ལས་ སྐྱེས་ལོ་ ༨༡ འབད་མི་ ཁོ་རའི་ཨའི་དང་གཅིག་ཁར་ བློ་སླབ་ནི་གི་ གོ་སྐབས་ཐོབ་ཡོདཔ་ལས་ དགའ་བ་བྱུང་་ཡི་ཟེར་ཨིན་པས།
མ་ཡེན་མར་ དམག་སྡེ་གིས་ རྒྱབ་སྐྱོར་འབད་མི་ སྲིད་འཛིན་གྱི་ མགྲིན་ཚབ་ཀྱིས་ བུ་ཨ་རིཛ་གིས་ ལཱོན་ཌཱོན་ལུ་ཡོད་མི་ མ་ཡེན་མར་གྱི་ གཞུང་ཚབ་ཡིག་ཚང་བརྒྱུད་དེ་ ཨའི་སུ་ཀི་དང་གཅིག་ཁར་ བརྒྱུད་འཕྲིན་ཐོག་ལས་ ཁ་སླབ་ཡོདཔ་མ་ཚད་ འདྲ་དཔར་ཚུ་ཡང་ བརྗེ་སོར་འབད་ཡོདཔ་སྦེ་བཤད་ནུག།
འཛམ་གླིང་ཞི་བདེའི་ རྟགས་མ་ཐོབ་མི་ ཨམ་སུ་ཀི་དེ་ མ་ཡེན་མར་ དམག་སྡེ་གིས་ སྤྱི་ལོ་ ༢༠༢༡ སྤྱི་ཟླ་ ༢ པའི་ནང་ བཙག་འཐུ་ལས་གྲུབ་པའི་ གཞུང་སྐྱོང་ནང་ལས་ བཏོན་བཏང་པའི་ཤུལ་ལུ་ བཙན་བཟུང་འབད་དེ་ བཞག་ཡོདཔ་ཨིན་པས།
དེ་བསྒང་ མི་སེར་ཚུ་གིས་ དམག་སྡེའི་གཞུང་ལུ་ མཚོན་ཆ་འབག་སྟེ་ ངོ་རྒོལ་འབད་ཡོདཔ་ལས་ མི་སེར་འབུམ་ ༡ དེ་ཅིག་ལུ་ ཤི་རྐྱེན་བྱུང་ཡོདཔ་མ་ཚད་ མི་ས་ཡ་ལས་བཅད་མི་ཚུ་ཡང་ གནས་སྤོ་སྟེ་ འགྱོ་དགོཔ་ཐོན་ནུག།
ད་རེས་ མོ་ལུ་ ངན་ལྷད་དང་ བཙག་འཐུའི་གཡོ་སྒྱུ་ དེ་ལས་ རྒྱལ་ཁབ་ཀྱི་ གསང་བའི་ཁྲིམས་ལུགས་ལས་འགལ་བའི་ ཉེས་འཛུགས་ཚུ་བཀལ་ཏེ་ ལོ་ངོ་ ༡༨ ཀྱི་ བཙོན་ཁྲིམས་བཀལ་ཡོད་རུང་ མོ་གིས་ ཉེས་འཛུགས་དེ་ཚུ་ག་ར་ ངོས་ལེན་མ་འབད་བར་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།