པདྨ་དབང་འདུས།
སྤྱི་ཟླ་ ༡ པའི་ཚེས་ ༢༧ ལུ་ ལྡོག་ཕྱོགས་འགོ་ཁྲིདཔ་གིས་ དཔལ་འབྱོར་ལྷན་ཐབས་འཆར་གཞིའི་ སྐྱིན་འགྲུལ་ཚུ་དང་འབྲེལ་ཏེ་ རྒྱལ་གཞུང་དངུལ་ལས་དབང་འཛིན་གྱིས་ ཞིབ་དཔྱད་སྙན་ཞུ་དང་ དེ་གི་ཤུལ་མའི་ བདག་སྐྱོང་ཉེས་ཆད་ དང་ལེན་ཚུ་གི་ སྙན་ཞུ་ཚུ་ ཁ་གསལ་སྦེ་དགོ་པའི་སྐོར་ལས་ རྒྱལ་དངུལ་ལས་དབང་འཛིན་གྱི་ སྤྱི་འཛིན་ལུ་ ཡི་གུ་ཅིག་ བཏང་གནང་ཡོདཔ་ཨིན་པས།
ཡི་གུ་དེ་ནང་ འབྲུག་གི་རྩ་ཁྲིམས་ཆེན་མོའི་ རྩ་ཚན་ ༡༠ (༡) པ་དང་ རྩ་ཚན་ ༢༢ (༢) པ་དང་འཁྲིལཝ་ད་ བཀོད་ཁྱབ་དང་ སྒྲིག་གཞི་དབང་འཛིན་གྱི་ ལག་ལེན་ཚུ་ནང་ སྤྱི་ཚོགས་དང་ དམིགས་བསལ་གྱིས་ ལྡོག་ཕྱོགས་ཀྱི་ ཁ་ཐུག་ལས་ འགན་འཁྲི་དང་ དྭངས་གསལ་ བལྟ་རྟོགས་ཚུ་ ངེས་གཏན་བཟོ་དགོ་པའི་ འགན་ཁུར་འཁྲིཝ་ཨིན་ཟེར་བཀོད་ནུག།
རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཚུ་ གཟིགས་འདོད་ཡོད་མི་ཚུ་གིས་ ལོ་ངོ་ ༡ གི་དོན་ལས་ འབྲུག་གི་དངུལ་ཁང་ནང་ རྒྱལ་སྤྱི་གསར་ཤོག་གི་ རྩིས་ཁྲ་ཨང་ ༡༠༠༩༡༥༣༣༤ ཅན་མར་ དངུལ་ཀྲམ་ ༥༠༠ བཙུགས་ཐོག་ལས་ རྒྱུན་མངག་མཛད་གནང་ཟེར་ ཞུ་ནི་དང་། བརྡ་དོན་ཁ་གསལ་གྱི་དོན་ལས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།
