བང་ལ་དེཤ་གི་ བློན་ཆེན་བགྲེསཔ་ ཨམ་ཧ་སི་ན་དེ་ འཛིན་བཟུང་འབད་དགོ་པའི་བཀའ་རྒྱ།

བི་བི་སི།
སྤྱི་ཟླ་ ༡༠ པའི་ཚེས་ ༡༧ ལུ་ བང་ལ་དེཤ་གི་ ཁྲིམས་འདུན་ཅིག་ལས་ སྐྱེས་ལོ་ ༧༧ འབད་མི་ བློན་ཆེན་བགྲེསཔ་ ཨམ་ཤེག་ཧ་སི་ན་དང་ བློན་པོ་ཚུ་གིས་གཙོས་པའི་ མི་གྲངས་ ༤༥ དེ་ཅིག་ འཛིན་བཟུང་འབད་དགོ་པའི་ བཀའ་རྒྱ་གནང་ཡོདཔ་ད་ ཨམ་ཧ་སི་ན་དེ་ དུས་ཅི་ མི་མང་གིས་ ངོ་རྒོལ་འབད་དེ་ བློན་ཆེན་གྱི་ གོ་གནས་ལས་ ཕྱིར་དབྱུངས་འབད་ཡོདཔ་ཨིན་པས།
ལོ་ངོ་ ༢༠ ལྷག་པའི་རིང་ལུ་ བང་ལ་དེཤ་གི་ དབུ་ཁྲིད་འབད་མི་ ཨམ་ཧ་སི་ན་གིས་ འགྲོ་བ་མིའི་རྒྱབ་འགལ་ལུ་ ཉེས་འགེལ་འབད་བའི་ ཉེས་འཛུགས་ཐོག་ལུ་ བང་ལ་དེཤ་རྒྱལ་སྤྱི་ཉེས་འགེལ་ཁྲིམས་ཞིབ་ཚོགས་པའི་ནང་ བཅར་དགོཔ་སྦེ་བཀོད་ནུག།
བང་ལ་དེཤ་གི་ གནས་སྐབས་ཀྱི་ གསོ་བ་ལྷན་ཁག་ནང་ལས་ བཤད་དོ་བཟུམ་འབད་བ་ཅིན་ དུས་ཅི་ སྤྱི་ཟླ་ ༨ པའི་ནང་ སློབ་ཕྲུག་ཚུ་གིས་ འགོ་ཁྲིད་འབད་དེ་ ངོ་རྒོལ་འགྲེམ་སྟོན་འབདཝ་ད་ མི་གྲངས་ ༡,༠༠༠ ལྷགཔ་ཅིག་ལུ་ ཤི་རྐྱེན་བྱུང་ཡི་ཟེར་་ཨིན་པས།
དེ་ཡང་ སྤྱི་ལོ་ ༡༩༧༡ ལུ་ རྒྱལ་ཁབ་དེ་ རང་དབང་ཐོབ་པའི་ཤུལ་ལས་ རྨ་བཏོན་ཁྲག་བཏོན་གྱི་ གནས་སྟངས་ནང་ཚབས་ཆེན་ བྱུང་ཡོདཔ་སྦེ་ བཀོད་འདུག་པའི་གནས་ཚུལ།