སྤྱི་ཟླ་ ༡༡ པའི་ཚེས་ ༡༦ ལུ་ མགར་སའི་རྫོང་ཁག་ཁྲིམས་ཁང་དེ་ སྒོ་འབྱེད་རྟེན་འབྲེལ་ བརྩི་སྲུང་འབད་ཡོདཔ་ད་ དེ་ཡང་ མི་དབང་རྒྱལ་སྲསམོ་ བསོད་ནམས་བདེ་ཆེན་དབང་ཕྱུག་མཆོག་གི་ སྐུ་ཚབ་སྦེ་ ཁྲིམས་སྤྱི་ངོ་ཚབ་ ནོར་བུ་ཚེ་རིང་གིས་ གྲལ་གཏོགས་ཐོག་ལས་ སྒོ་འབྱེད་འབད་ནུག།
མི་དབང་རྒྱལ་སྲསམོ་མཆོག་ འབྲུག་རྒྱལ་ཡོངས་ཁྲིམས་དོན་གཙུག་སྡེ་དང་ འཇིགས་མེད་སེངྒེ་དབང་ཕྱུག་ ཁྲིམས་དོན་སློབ་གྲྭ་ དེ་ལས་ འབྲུག་གི་རྒྱབ་མི་ལྷན་ཚོགས་ཀྱི་ ཁྲི་འཛིན་ཨིན་པས།
མགར་སའི་ཁྲིམས་ཁང་ བཟོ་བསྐྲུན་གྱི་ལཱ་དེ་ སྤྱི་ལོ་ ༢༠༡༩ ལས་ འགོ་བཙུགས་ཡོད་རུང་ ནད་ཡམས་ལུ་བརྟེན་ཏེ་ ད་རེས་མ་གཏོགས་ བསྒྲུབས་མ་ཚུགསཔ་ད་ ཁྲིམས་ཁང་བཟོ་བསྐྲུན་གྱི་དོན་ལས་ དངུལ་ཀྲམ་ས་ཡ་ ༣༣ དེ་ཅིག་ ཟད་འགྲོ་གནས་ཡོད་པའི་གནས་ཚུལ།
