གཞུང་དབང་ལས་འཛིན་ཚུ་གི་ ལས་གཡོག་པའི་ དངུལ་ཕོགས་བསྐྱར་བཟོ།

སྤྱི་ཟླ་ ༡༠ པའི་ཚེས་ ༢༠ ལུ་ དངུལ་རྩིས་ལྷན་ཁག་གི་ གསལ་བསྒྲགས་ནང་ དངུལ་རྩིས་ལྷན་ཁག་འོག་ལུ་ཡོད་མི་ གཞུང་དབང་ཚོང་འབྲེལ་ལས་འཛིན་ཚུ་གི་ ལས་གཡོག་པའི་ དངུལ་ཕོགས་ཚུ་ བསྐྱར་བཟོའི་དོན་ལས་ གནང་བ་གྲོལ་ཡི་ཟེར་ཨིན་པས།
དེ་ཡང་ དངུལ་ཕོགས་ཀྱི་ ཚད་གཞི་དམའ་མཐའ་གུ་ བརྒྱ་ཆ་ ༤༦ ལས་ བརྒྱ་ཆ་ ༧༤ གི་བར་ན་ ཡར་སེང་ཐོག་ལས་ བསྐྱར་བཟོ་འབད་དགོ་ཟེར་བཀོད་ནུག།
ལས་འཛིན་ཚུ་གི་ གོ་གནས་དང་ ཆེད་དུ་འབྲེལ་བའི་ འཐུས་ཚུ་གི་ཐེད་ཁར་ འབྲེལ་དོན་དང་ ཐོན་ཁུངས་ཀྱི་ ལྡང་ཚད་ཚུ་ སེམས་ཁར་བཞག་སྟེ་ རང་སོའི་བཀོད་ཚོགས་ཚུ་གིས་ བསྐྱར་ཞིབ་འབད་དགོཔ་ད་ འཐུས་ཚུ་གར་ལྷོད་སྤྲོད་ནི་མེདཔ་ བཟོ་ཐབས་ལུ་ དངུལ་རྩིས་ལྷན་ཁག་ལས་ ངོས་ལེན་འགྲུབ་དགོཔ་ཨིན་པས།
གྲུབ་འབྲས་གུ་ གཞི་བརྟེན་ཐོག་ལས་ འགྱུར་ཁྱད་ཅན་གྱི་ སེམས་ཤུགས་མཐུན་རྐྱེན་དེ་ འབྲུག་མི་སེར་རྒྱུ་ནོར་གཞི་བཟུང་ཚད་འཛིན་དང་ ཤོ་མཚུངས་སྦེ་ བརྒྱ་ཆ་ ༢༥ རེ་ འཐོབ་ནི་དང་ བཀོད་ཁྱབ་འགོ་དཔོན་གཙོ་འཛིན་ཚུ་དང་ ཁག་འབག་ཐོག་གི་ ལས་གཡོགཔ་ཚུ་གི་ དངུལ་ཕོགས་དང་ འཐུས་བསྐྱར་བཟོ་ཚུ་གི་ཐེད་ཁར་ཡང་ གཞི་རྟེན་དངུལ་ཕོགས་ལུ་ བསྒྱུར་བཅོས་མ་འབད་བར་ བཀོད་ཚོགས་ཚུ་གིས་ བསྐྱར་བཟོ་འབད་དགོ་ཟེར་བཀོད་ནུག།
དེ་ལས་ བཀོད་ཁྱབ་འགོ་དཔོན་གཙོ་འཛིན་ཚུ་གི་ ཁག་འབག་གི་འཐུས་དེ་ གཞི་རྟེན་དངུལ་ཕོགས་ དམའ་མཐའ་ལས་ བརྒྱ་ཆ་ ༦༠ འོག་རྒྱུ་སྦེ་ གཏན་འཁེལ་བཟོ་དགོཔ་ཨིན་པས།
གཞུང་དབང་འཛིན་ཚུ་གི་ ལས་གཡོགཔ་ཚུ་གི་ དངུལ་ཕོགས་བསྐྱར་བཟོའི་ གནང་བ་དེ་ སྤྱི་ལོ་ ༢༠༢༣ སྤྱི་ཟླ་ ༡༠ པའི་ཚེས་ ༡༧ ལུ་ འཚོགས་གནང་མི་ ལྷན་རྒྱས་གཞུང་ཚོགས་གསུམ་པའི་ ཚོགས་ཐེངས་ ༡༥༥ པའི་ནང་ལས་ གནང་བ་གྲོལ་ཡོད་པའི་གནས་ཚུལ།