སྤྱི་ཟླ་ ༤ པའི་ཚེས་ ༢༩ ལུ་ ཕྱི་ འབྲེལ་བློན་པོ་ ཌོག་ཊར་རྟ་མགྲིན་རྡོ་རྗེ་ དང་ རྒྱ་གར་གྱི་ ཕྱི་འབྲེལ་བློན་པོ་ ཌོག་ ཊར་ཨེཛ་ ཇའི་ཤང་ཀར་གྱིས་ རྒྱ་གར་ གྱི་ གྲོགས་རམ་ཐོག་ལས་ མཇུག་བསྡུ་ མི་ ལས་འགུལ་ཁག་ ༣ འགོ་འབྱེད་ འབད་ཡི། ཌོག་ཊར་ཇའི་ཤང་ཀར་དེ་ ཁྱིམ་ ཚང་ཚུ་དང་ ངོ་རྐྱང་སྦེ་ འབྲེལ་འཛིན་ འབད་མིའི་ ལས་རིམ་ཐོག་ལུ་ ཁྱིམ་ མཚེས་རྒྱལ་ཁབ་ཚུ་ནང་ ལྟ་སྐོར་འབད་ བའི་བསྒང་ཨིནམ་ད་ འབྲུག་ལུ་ མ་འོང་ པའི་ཧེ་མར་ སྤྱི་ཟླ་ ༤ པའི་ཚེས་ ༢༨ ལུ་ བང་ལ་དེཤ་ རྒྱལ་ཁབ་ནང་ ལྟ་སྐོར་འབད་ནུག། ཌོག་ཊར་ཨེཛ་ ཇའི་ཤང་ཀར་གྱིས་ ཕྱི་འབྲེལ་བློན་པོའི་ གོ་གནས་ཐོག་ལུ་ འབྲུག་རྒྱལ་ཁབ་ནང་ གཞུང་འབྲེལ་ལྟ་ སྐོར་ལུ་ འགོ་དང་པ་ར་ སྤྱི་ལོ་ ༢༠༡༩ ལོར་ འོང་ཡོདཔ་ཨིན་པས། ད་རེས་ ལྟ་སྐོར་ཐེངས་ ༢ པའི་ ནང་ ཌོག་ཊར་ཇའི་ཤང་ཀར་གྱིས་ ཐིམ་ ཕུ་ཆུ་བར་ཆུ་དང་ འབྱུང་བཞི་ནང་གི་ བཞི་སྦྲེལ་འཁོར་ལམ་དང་ བ་འཇོ་-ཁུ་ རུ་ཐང་གི་ གཞུང་ལམ་ ༢ པ་ དེ་ལས་ བུམ་ཐང་ལུ་ མི་མང་སྐྱེལ་འདྲེན་བཱཛ་ ཐོན་འཛུལ་ཁང་དེ་ གཞུང་འབྲེལ་ཐོག་ ལས་ འགོ་འབྱེད་འབད་ནུག།
དེ་ལས་ མི་དབང་མངའ་བདག་ རིན་པོ་ཆེ་མཆོག་དང་ མི་དབང་འབྲུག་ རྒྱལ་བཞི་པ་མཆོག་གི་ སྐུ་མདུན་ལུ་ བཅར་ཡོདཔ་མ་ཚད་ མི་རྗེ་བློན་ཆེན་ ཌོག་ཊར་བློ་གྲོས་ཚེ་རིང་དང་ཡང་ མཇལ་ཕྲད་ཞུ་ཡི། ཕྱི་འབྲེལ་བློན་པོའི་ ཕྱག་ཞུ་སྟེ་ རྒྱ་ གར་གྱི་ ཕྱི་འབྲེལ་ལྷན་ཁག་ལས་ ཆེ་ མཐོའི་འགོ་དཔོན་ཚུ་ འོང་ཡོདཔ་ད་ ནད་ཡམས་ཀོ་ཝིཌ་-༡༩ ཐོན་ཞིནམ་ ལས་ཚུར་ ད་རེས་ རྒྱལ་ཁབ་ནང་ ཆེ་ མཐོའི་གནས་རིམ་ནང་ལས་ གཞུང་ འབྲེལ་ལྟ་སྐོར་ལུ་ འོང་མི་དེ་ འགོ་དང་ པ་ཨིན་ཟེར་ ཕྱི་འབྲེལ་ལྷན་ཁག་ལས་ གསར་བཏོན་འབད་མི་ གནས་ཚུལ་ནང་ བཀོད་ནུག།
ཕྱི་འབྲེལ་བློན་པོའི་ ལྟ་སྐོར་དེ་ཡང་ འབྲུག་དང་ རྒྱ་གར་གྱི་བར་ན་ སྔོན་དང་ ཕུ་ལས་ ཆེ་མཐོའི་གནས་རིམ་གྱི་ འགོ་ དཔོན་ཚུ་གིས་ དུས་རྒྱུན་དུ་ གཞུང་ འབྲེལ་ལྟ་སྐོར་ བརྗེ་སོར་གྱི་ ལམ་ ལུགས་གཞི་བཙུགས་འབད་མི་དང་ འཁྲིལ་ཏེ་ཨིན་པས། ཕྱི་འབྲེལ་བློན་པོའི་ ལྟ་སྐོར་ལུ་ བརྟེན་ཏེ་ རྒྱ་འབྲུག་རྒྱལ་ཁབ་ ༢ ཀྱི་ བར་ན་ མཛའ་བཤེས་མཐུན་ལམ་དང་ མཉམ་འབྲེལ་དམ་ཟབ་ཡོད་མི་དེ་ ལྷག་ པར་དུ་ རྩ་བརྟན་འགྱོ་བའི་ བློ་གཏད་ ཡོད་ཟེར་ གནས་ཚུལ་གསར་བཏོན་ནང་ བཀོད་འདུག་པའི་གནས་ཚུལ།
