པཱ་ཀིཛ་ཏཱན་གྱི་ བློན་ཆེན་བགྲེསཔ་ ཨིམ་རཱན་ཁཱན་གྱི་ རྒྱབ་སྐྱོར་པ་ཚུ་གིས་ ཨིཛ་ལ་མ་བཱད་ལུ་ ངོ་རྒོལ་འགྲེམ་སྟོན།
ཨེ་བི་སི། སྤྱི་ཟླ་ ༡༡ པའི་ཚེས་ ༢༦ ལུ་ པཱ་ཀིཛ་ཏཱན་གྱི་ བློན་ཆེན་བགྲེསཔ་ ཨིམ་རཱན་ཁཱན་གྱི་ རྒྱབ་སྐྱོར་པ་ཚུ་གིས་ བཙོན་ཁང་ནང་ བཙུགས་ཏེ་ཡོད་མི་ བློན་ཆེན་བགྲེསཔ་ ཨིམ་རཱན་ཁཱན་དེ་ གློད་བཀྲོལ་གཏང་དགོཔ་སྦེ་ རྒྱལ་ས་ཨིཛ་ལ་མ་བཱད་ལུ་ ངོ་རྒོལ་འབདཝ་ལས་ མི་གྲངས་ ༦ དེ་ཅིག་ལུ་ ཤི་རྐྱེན་བྱུང་ནུག། ངོ་རྒོལ་འབད་མི་ཚུ་གིས་ སྲུང་སྐྱོབ་དམག་མི་ཚུ་དང་ འཛིང་འཁྲུག་ལང་ཡོདཔ་མ་ཚད་ གཞུང་གིས་ ཀྲོབ་མདའ་རྐྱབ་སྟེ་ ཉེན་བརྡ་འབད་མི་ལུ་ཡང་ སྣང་མེད་བསྐྱུར་ཏེ་ ངོས་ལེན་འབད་མ་བཏུབ་ཨིན་པས། དེ་བསྒང་ ཤི་རྐྱེན་བྱུང་མིའི་གྲས་ཁར་ ཉེན་སྲུང་ལས་བྱེདཔ་ ༤ དང་ ཞི་བའི་མི་སེར་ ༡ ཡོདཔ་ད་ དེ་ཡང་ སྣུམ་འཁོར་ཅིག་གིས་ ཁྲོམ་ལམ་ཁར་ བརྡུངས་པའི་ཤུལ་ལུ་ ཤི་རྐྱེན་བྱུང་ནུག། པཱ་ཀིཛ་ཏཱན་གྱི་བློན་ཆེན་ ཤེ་བྷཛ་ཤ་རིཕ་གིས་ བཤད་དོ་བཟུམ་འབད་བ་ཅིན་ ཁྲིམས་སྲུང་འགག་པ་ཚུ་ལུ་ དམིགས་གཏད་བསྐྱེད་དེ་ གཞུང་མེད་རིང་ལུགས་སྡེ་ཚན་ཅིག་གིས་ གནོདཔ་བཀལ་ནུག་ཟེར་ཨིན་པས། གནོད་འཚུབ་དེ་གི་སྐོར་ལས་ སྡེ་ཚན་ག་གིས་ཡང་ ངོས་ལེན་མ་འབད་མ་བཏུབ་པར་ཡོདཔ་ད་ རྐྱེན་ངན་དེ་ནང་ ཁྲིམས་སྲུང་འགག་སྡེའི་ འགོ་དཔོན་ཅིག་ལུ་ཡང་ […]
