ཕུན་ཚོགས་དབང་འདུས་དང་
སྐལ་བཟང་ཆོས་སྐྱིད།
སྤྱི་ཟླ་ ༢ པའི་ཚེས་ ༩ ལུ་ ཤེས་རིག་དང་ རིག་རྩས་གོང་འཕེལ་ལྷན་ཁག་ འབྲུག་གི་སློབ་གྲྭའི་ཆོས་རྒྱུགས་དང་ བརྟག་ཞིབ་ཚོགས་སྡེ་གིས་ སྤྱི་ལོ་ ༢༠༢༥ ལོའི་ སློབ་རིམ་ ༡༠ པའི་ ཆོས་རྒྱུགས་ཀྱི་ གྲུབ་འབྲས་ཚུ་ གསལ་བསྒྲགས་འབད་ཡི།
སྤྱི་ལོ་ ༢༠༢༥ སྤྱི་ཟླ་ ༡༢ པའི་ནང་ སློབ་རིམ་བཅུ་པའི་ ཆོས་རྒྱུགས་ཀྱི་དོན་ལས་ གཞུང་གི་སློབ་གྲྭ་ ༡༣༦ དང་ སྒེར་གྱི་སློབ་གྲྭ་ ༡༡ ལས་ སློབ་ཕྲུག་བསྡོམས་ ༡༢,༤༡༤ གིས་ ཐོ་བཀོད་འབད་བའི་གྲས་ལས་ སློབ་ཕྲུག་ ༡༢,༣༡༦ གིས་ ཆོས་རྒྱུགས་ཕུལ་ནུག།
ད་རེས་ གསལ་བསྒྲགས་འབད་མི་ སྤྱིར་བཏང་ཆོས་རྒྱུགས་ཀྱི་ མཐར་འཁྱོལ་གྲུབ་འབྲས་ བརྒྱ་ཆ་ ༨༢.༦༧ ཨིན་མི་དེ་ ཧེ་མའི་ལོ་དང་ཕྱདཔ་ད་ བརྒྱ་ཆ་ ༨.༡༦ ཡར་སེང་སོང་ཡོད་མི་དེ་ཡང་ འདས་པའི་ལོ་ནང་ མཐར་འཁྱོལ་གྲུབ་འབྲས་ བརྒྱ་ཆ་ ༧༤.༥༦ ཨིན་པས།
རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཚུ་ གཟིགས་འདོད་ཡོད་མི་ཚུ་གིས་ ལོ་ངོ་ ༡ གི་དོན་ལས་ འབྲུག་གི་དངུལ་ཁང་ནང་ རྒྱལ་སྤྱི་གསར་ཤོག་གི་ རྩིས་ཁྲ་ཨང་ ༡༠༠༩༡༥༣༣༤ ཅན་མར་ དངུལ་ཀྲམ་ ༥༠༠ བཙུགས་ཐོག་ལས་ རྒྱུན་མངག་མཛད་གནང་ཟེར་ ཞུ་ནི་དང་། བརྡ་དོན་ཁ་གསལ་གྱི་དོན་ལས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།
