སྤྱི་ཟླ་ ༨ པའི་ཚེས་ ༣༠ ལུ་ གཞི་རྟེན་མཁོ་ཆས་དང་ སྐྱེལ་འདྲེན་ལྷན་ཁག་འོག་གི་ འབྲུག་བཟོ་བསྐྲུན་དང་ སྐྱེལ་འདྲེན་དབང་འཛིན་གྱིས་ གླ་འཁོར་དང་ སྐྱེལ་འདྲེན་བཱཛ་ཚུ་གི་ གླ་ཆའི་ཚད་གཞི་ཚུ་ གསལ་བསྒྲགས་འབད་ནུག།
དེ་ཡང་ གླ་འཁོར་གྱི་ གླ་ཆ་དེ་ ཀི་ལོ་མི་ཊར་རེ་གུ་ ཕབ་མི་དེ་ སྡོད་ཁྲི་ ༥ རེ་འབད་མི་ གླ་འཁོར་ཚུ་ལུ་ རང་རྐྱངམ་གཅིག་ འགྲོ་འགྲུལ་འབད་བ་ཅིན་ ཀི་ལོ་མི་ཊར་རེར་ གླ་ཆ་དངུལ་ཀྲམ་ ༢༥.༨༡ རེ་ སྤྲོད་དགོཔ་ད་ གལ་སྲིད་ སྡོད་ཁྲི་ ༥ རེ་འབད་མི་ གླ་འཁོར་ཚུ་ནང་ འགྲུལ་པ་ ༤ སྦེ་ ཀི་ལོ་མི་ཊར་ ༡ གི་རིང་ལུ་ འགྱོ་བ་ཅིན་ འགྲུལ་པ་རེ་ལུ་ དངུལ་ཀྲམ་ ༦.༤༥ རེ་ལས་ མི་གནས་ནི་ཨིན་པས།
ཨིན་རུང་ ཁྲོམ་སྡེ་ཚུ་གི་བར་ན་དང་ ཁྲོམ་སྡེ་ནང་འཁོད་ལུ་ གླ་ཆའི་ཚད་གཞི་ཚུ་ མ་འདྲཝ་སྦེ་ཡོད་མི་དེ་ཡང་ ཁྲོམ་སྡེ་ནང་འཁོད་ལུ་ གླ་འཁོར་སྡོད་ཁྲི་ ༥-༦ འབད་མི་ལུ་ ཀི་ལོ་མི་ཊར་རེར་ དངུལ་ཀྲམ་ ༢༥.༨༡ རེ་དང་ གླ་འཁོར་སྡོད་ཁྲི་ ༧-༨ འབད་མི་ལུ་ ཀི་ལོ་མི་ཊར་རེར་ དངུལ་ཀྲམ་ ༢༩.༩༡ རེ་ དེ་ལས་ གླ་འཁོར་སྡོད་ཁྲི་ ༩-༡༢ འབད་མི་ལུ་ ཀི་ལོ་མི་ཊར་རེར་ དངུལ་ཀྲམ་ ༣༥.༣༡ རེ་ གནས་ནི་ཨིནམ་སྦེ་ གསལ་བསྒྲགས་ནང་བཀོད་ནུག།
དེ་ལས་ ཁྲོམ་སྡེ་ཚུ་གི་བར་ན་ཨིན་པ་ཅིན་ གླ་འཁོར་སྡོད་ཁྲི་ ༥-༦ འབད་མི་ལུ་ ཀི་ལོ་མི་ཊར་རེར་ དངུལ་ཀྲམ་ ༢༣.༡༡ རེ་དང་ གླ་འཁོར་སྡོད་ཁྲི་ ༧-༨ འབད་མི་ལུ་ ཀི་ལོ་མི་ཊར་རེར་ དངུལ་ཀྲམ་ ༢༧.༣༠ རེ་ དེ་ལས་ གླ་འཁོར་སྡོད་ཁྲི་ ༩-༡༢ འབད་མི་ལུ་ ཀི་ལོ་མི་ཊར་རེར་ དངུལ་ཀྲམ་ ༣༢.༤༤ རེ་ གནས་ནི་ཨིན་པས།
དེ་བཟུམ་སྦེ་ སྐྱེལ་འདྲེན་བཱཛ་གི་ གླ་རྔན་གྱི་ ཚད་གཞིའི་ཐེད་ཁར་ མི་གྲངས་དེ་ ཀི་ལོ་མི་ཊར་རེ་རེ་ལུ་ ཕབ་སྟེ་ཡོདཔ་ད་ དེ་ཡང་ བཱཛ་གི་དབྱེ་བ་དང་ ལམ་ཐག་རིང་ཐུང་དང་འཁྲིལ་ཏེ་ གནས་ནི་ཨིན་པས།
དབྱེ་ཁག་ ༡ པ་ སྡོད་ཁྲི་ ༡༣ ལས་ ༢༤ གི་བར་ན་ཡོད་མི་ སྐྱེལ་འདྲེན་བཱཛ་ཚུ་ལུ་ ཀི་ལོ་མི་ཊར་ ༠-༩༩ ཚུན་ལུ་ ཀོ་ལོ་མི་ཊར་རེར་ མི་རེར་གླ་ཆ་ དངུལ་ཀྲམ་ ༣.༨༨ རེ་དང་ སྡོད་ཁྲི་ ༢༥ ལས་ལྷག་མི་ སྐྱེལ་འདྲེན་བཱཛ་ཚུ་ལུ་ ཀི་ལོ་མི་ཊར་རེར་ མི་རེར་གླ་ཆ་ དངུལ་ཀྲམ་ ༣.༡༨ རེ་ དལ་ཉམས་ཅན་གྱི་ སྐྱེལ་འདྲེན་བཱཛ་ཚུ་ལུ་ (སྒང་ཏོ་ཅན་གྱི་འཁོར་ལམ་) ཀི་ལོ་མི་ཊར་རེར་ མི་རེར་གླ་ཆ་ དངུལ་ཀྲམ་ ༤.༧༢ རེ་དང་ སྡོད་ཁྲི་ ༥༨ འབད་མི་ སྐྱེལ་འདྲེན་བཱཛ་ཚུ་ལུ་ (ས་ཐང་ནང་གི་འཁོར་ལམ་) ཀི་ལོ་མི་ཊར་རེར་ མི་རེར་གླ་ཆ་ དངུལ་ཀྲམ་ ༢.༡༨ རེ་ཨིན་པས།
དབྱེ་ཁག་ ༢ པ་ སྡོད་ཁྲི་ ༡༣ ལས་ ༢༤ གི་བར་ན་ཡོད་མི་ སྐྱེལ་འདྲེན་བཱཛ་ཚུ་ལུ་ ཀི་ལོ་མི་ཊར་ ༡༠༠-༡༣༣ ཚུན་ལུ་ ཀོ་ལོ་མི་ཊར་རེར་ མི་རེར་གླ་ཆ་ དངུལ་ཀྲམ་ ༣.༥༤ རེ་དང་ སྡོད་ཁྲི་ ༢༥ ལས་ལྷག་མི་ སྐྱེལ་འདྲེན་བཱཛ་ཚུ་ལུ་ ཀི་ལོ་མི་ཊར་རེར་ མི་རེར་གླ་ཆ་ དངུལ་ཀྲམ་ ༢.༩༠ རེ་ དལ་ཉམས་ཅན་གྱི་ སྐྱེལ་འདྲེན་བཱཛ་ཚུ་ལུ་ (སྒང་ཏོ་ཅན་གྱི་འཁོར་ལམ་) ཀི་ལོ་མི་ཊར་རེར་ མི་རེར་གླ་ཆ་ དངུལ་ཀྲམ་ ༣.༢༦ རེ་དང་ སྡོད་ཁྲི་ ༥༨ འབད་མི་ སྐྱེལ་འདྲེན་བཱཛ་ཚུ་ལུ་ (ས་ཐང་ནང་གི་འཁོར་ལམ་) ཀི་ལོ་མི་ཊར་རེར་ མི་རེར་གླ་ཆ་ དངུལ་ཀྲམ་ ༡.༩༨ རེ་ཨིན་པས།
དབྱེ་ཁག་ ༣ པ་ སྡོད་ཁྲི་ ༡༣ ལས་ ༢༤ གི་བར་ན་ཡོད་མི་ སྐྱེལ་འདྲེན་བཱཛ་ཚུ་ལུ་ ཀི་ལོ་མི་ཊར་ ༡༣༤-༡༦༧ ཚུན་ལུ་ ཀོ་ལོ་མི་ཊར་རེར་ མི་རེར་གླ་ཆ་ དངུལ་ཀྲམ་ ༣.༠༨ རེ་དང་ སྡོད་ཁྲི་ ༢༥ ལས་ལྷག་མི་ སྐྱེལ་འདྲེན་བཱཛ་ཚུ་ལུ་ ཀི་ལོ་མི་ཊར་རེར་ མི་རེར་གླ་ཆ་ དངུལ་ཀྲམ་ ༢.༥༢ རེ་ དལ་ཉམས་ཅན་གྱི་ སྐྱེལ་འདྲེན་བཱཛ་ཚུ་ལུ་ (སྒང་ཏོ་ཅན་གྱི་འཁོར་ལམ་) ཀི་ལོ་མི་ཊར་རེར་ མི་རེར་གླ་ཆ་ དངུལ་ཀྲམ་ ༣.༦༥ རེ་དང་ སྡོད་ཁྲི་ ༥༨ འབད་མི་ སྐྱེལ་འདྲེན་བཱཛ་ཚུ་ལུ་ (ས་ཐང་ནང་གི་འཁོར་ལམ་) ཀི་ལོ་མི་ཊར་རེར་ མི་རེར་གླ་ཆ་ དངུལ་ཀྲམ་ ༡.༧༡ རེ་ཨིན་པས།
དབྱེ་ཁག་ ༤ པ་ སྡོད་ཁྲི་ ༡༣ ལས་ ༢༤ གི་བར་ན་ཡོད་མི་ སྐྱེལ་འདྲེན་བཱཛ་ཚུ་ལུ་ ཀི་ལོ་མི་ཊར་ ༡༦༨-༡༩༩ ཚུན་ལུ་ ཀོ་ལོ་མི་ཊར་རེར་ མི་རེར་གླ་ཆ་ དངུལ་ཀྲམ་ ༢.༧༩ རེ་དང་ སྡོད་ཁྲི་ ༢༥ ལས་ལྷག་མི་ སྐྱེལ་འདྲེན་བཱཛ་ཚུ་ལུ་ ཀི་ལོ་མི་ཊར་རེར་ མི་རེར་གླ་ཆ་ དངུལ་ཀྲམ་ ༢.༠༥ རེ་ དལ་ཉམས་ཅན་གྱི་ སྐྱེལ་འདྲེན་བཱཛ་ཚུ་ལུ་ (སྒང་ཏོ་ཅན་གྱི་འཁོར་ལམ་) ཀི་ལོ་མི་ཊར་རེར་ མི་རེར་གླ་ཆ་ དངུལ་ཀྲམ་ ༣.༦༥ རེ་དང་ སྡོད་ཁྲི་ ༥༨ འབད་མི་ སྐྱེལ་འདྲེན་བཱཛ་ཚུ་ལུ་ (ས་ཐང་ནང་གི་འཁོར་ལམ་) ཀི་ལོ་མི་ཊར་རེར་ མི་རེར་གླ་ཆ་ དངུལ་ཀྲམ་ ༡.༣༧ རེ་ཨིན་པས།
དབྱེ་ཁག་ ༥ པ་ སྡོད་ཁྲི་ ༡༣ ལས་ ༢༤ གི་བར་ན་ཡོད་མི་ སྐྱེལ་འདྲེན་བཱཛ་ཚུ་ལུ་ ཀི་ལོ་མི་ཊར་ ༢༠༠ ལས་ལྷག་མི་ལུ་ ཀོ་ལོ་མི་ཊར་རེར་ མི་རེར་གླ་ཆ་ དངུལ་ཀྲམ་ ༢.༥༢ རེ་དང་ སྡོད་ཁྲི་ ༢༥ ལས་ལྷག་མི་ སྐྱེལ་འདྲེན་བཱཛ་ཚུ་ལུ་ ཀི་ལོ་མི་ཊར་རེར་ མི་རེར་གླ་ཆ་ དངུལ་ཀྲམ་ ༢.༢༩ རེ་ དལ་ཉམས་ཅན་གྱི་ སྐྱེལ་འདྲེན་བཱཛ་ཚུ་ལུ་ (སྒང་ཏོ་ཅན་གྱི་འཁོར་ལམ་) ཀི་ལོ་མི་ཊར་རེར་ མི་རེར་གླ་ཆ་ དངུལ་ཀྲམ་ ༢.༨༨ རེ་དང་ སྡོད་ཁྲི་ ༥༨ འབད་མི་ སྐྱེལ་འདྲེན་བཱཛ་ཚུ་ལུ་ (ས་ཐང་ནང་གི་འཁོར་ལམ་) ཀི་ལོ་མི་ཊར་རེར་ མི་རེར་གླ་ཆ་ དངུལ་ཀྲམ་ ༡.༣༧ རེ་ཨིན་པས།
འཁོར་ལམ་ཉེན་སྲུང་དང་ སྐྱེལ་འདྲེན་སྒྲིག་གཞི་ ༢༠༢༡ ཅན་མའི་ དོན་ཚན་ ༢༥༨ པ་ལྟར་དུ་ གླ་འཁོར་གྱི་དེད་གཡོགཔ་ ཡང་ན་ ཇོ་བདག་གིས་ དབང་འཛིན་གྱིས་ ཆེད་དུ་བཀོད་པའི་ གླ་ཆའི་ཚད་གཞི་ལས་ལྷག་པའི་ གླ་ཆ་བཀལ་མི་ཆོག་ཟེར་ཡོདཔ་ད་ གནོད་འགེལ་གྱི་ ཉེས་ཆད་དེ་ཡང་ གླ་ཆ་འཐེབ་ལེན་མི་དང་སྦྲགས་ཏེ་ དངུལ་ཀྲམ་ ༡,༠༠༠ རེ་ ཕོག་ནི་ཨིན་པས།
གླ་ཆའི་ཚད་གཞི་ལུ་ མ་གནས་མི་རེ་ འཐོན་པ་ཅིན་ ཉེ་འདབས་ཀྱི་ འབྲུག་བཟོ་བསྐྲུན་དང་ སྐྱེལ་འདྲེན་དབང་འཛིན་གྱི་ ཡིག་ཚང་ནང་ སྙན་ཞུ་འབད་གནང་ཟེར་ བཀོད་འདུག་པའི་གནས་ཚུལ།
རྒྱལ་ཁབ་ནང་འཁོད་ལུ་ གླ་འཁོར་དང་ སྐྱེལ་འདྲེན་བཱཛ་ཚུ་གི་ གླ་ཆ་བསྒྱུར་བཅོས།
Comments are closed.
Related
འབྲུག་དང་ རྒྱ་གར་བྱང་ཤར་གྱི་བར་ན་ ཚོང་འབྲེལ་དང་ མཐུད་སྦྲེལ་བཙན་ཐབས་ཀྱི་ གོ་བསྡུར་ཞལ་འཛོམས།
པདྨ་དབང་འདུས། འབྲུག་ལུ་ རྒྱ་གར་གཞུང་ཚབ་ཡིག་ཚང་དང་ འབྲུག་དང་ རྒྱལ་ཡོངས་དགའ་སྐྱིད་དཔལ་འཛོམས་ཞིབ་འཇུག་ལྟེ་བ་ ཨེ་ཤི་ཡ་ མཉམ་བསྡོམས་བཅས་ཀྱིས་ ཐིམ་ཕུ་ལུ་སྦེ་ “རྒྱ་འབྲུག་གི་མཐུན་འབྲེལ་: ཚོང་འབྲེལ་དང་ མཐུད་སྦྲེལ་ ཤེས་རིག་ བལྟ་བཤལ་ གསོ་བ་ མཉམ་འབྲེལ་གྱི་མཐོང་ཚུལ་”ཟེར་བའི་ གོ་བསྡུར་ཞལ་འཛོམས་ཅིག་ ཉིནམ་ ༡ གི་རིང་ལུ་ འགོ་འདྲེན་འཐབ་ནུག། གོ་བསྡུར་ཞལ་འཛོམས་དེ་ནང་ ཚོང་འབྲེལ་བཙན་ཐབས་དང་ ལུང་ཕྱོགས་མཐུད་སྦྲེལ་ཡར་དྲག་གཏང་ནི་ ཤེས་རིག་དང་ བལྟ་བཤལ་ གསོ་བ་དང་ འཕྲུལ་རིག་ཚུ་ནང་ མཉམ་འབྲེལ་རྒྱ་སྐྱེད་ཚུ་གི་སྐོར་ལས་ གྲོས་གླེང་ཚུ་འབད་ཡོད་པའི་ནང་གསལ་ དམིགས་བསལ་གྱིས་ འབྲུག་དང་ རྒྱ་གར་བྱང་ཤར་དང་ འབྲུག་གི་བར་ན་ དངོས་གཟུགས་ཅན་གྱི་ མཐུད་སྦྲེལ་དང་ ཚོང་འབྲེལ་ལུ་ལྷན་ཐབས་ དེ་ལས་ ས་མཚམས་ཀྱི་བར་ན་ མཉམ་འབྲེལ་ཚུ་གི་སྒོ་ལས་ དཔལ་འབྱོར་གྱི་འབྲེལ་བ་ གཏིང་གཟབ་བཟོ་ནི་གི་ གོ་སྐབས་ཚུ་ལུ་ གཙོ་བོར་བཟུང་ཡོདཔ་ཨིན་པས། དེ་བསྒང་ ནུབ་བེང་གཱལ་གྱི་ ཚོང་དང་བཟོ་གྲྭ་ཚོགས་སྡེའི་ གཙོ་འཛིན་བགྲེསཔ་ ཨམ་བ་རིཤ་ དཱཛ་གུབ་ཏ་གིས་ འབྲུག་དང་ རྒྱ་གར་གྱི་བར་ན་ ཚོང་འབྲེལ་གྱི་ གོ་སྐབས་དེ་ ཧྲིལ་བུར་སྦེ་ གོང་འཕེལ་མ་འགྱོ་བར་ཡོདཔ་ལས་ […]
འགྲུལ་འཕྲིན་སྤྱོད་གླ་ བརྒྱ་ཆ་ ༥༠ མར་ཕབ་ཀྱི་སྐོར་ལས་ རྒྱབ་སྣོན་གྲོས་དོན་ཅིག་ ལྷན་རྒྱས་གཞུང་ཚོགས་ལུ་ཕུལ་ནི།
པདྨ་དབང་འདུས། སྤྱི་ཟླ་ ༡༠ པའི་ཚེས་ ༩ ལུ་ གནས་ཚུལ་ཞལ་འཛོམས་ཐེངས་ ༣༢ པ་ ཚོགས་པའི་སྐབས་ལུ་ བཟོ་གྲྭ་ཚོང་འབྲེལ་དང་ ལཱ་གཡོག་ལྷན་ཁག་གི་བློན་པོ་ རྣམ་རྒྱལ་རྡོ་རྗེ་གིས་ གསུངས་དོ་བཟུམ་འབད་བ་ཅིན་ གཞུང་གི་བཀའ་རྒྱ་ལྟར་དུ་ འགྲུལ་འཕྲིན་སྤྱོད་གླ་ བརྒྱ་ཆ་ ༥༠ མར་ཕབ་ཀྱི་དོན་ལུ་ ལྷན་ཁག་གི་ཁ་ཐུག་ལས་ འབྲུག་བརྡ་དོན་བརྒྱུད་འབྲེལ་དང་ བརྡ་བརྒྱུད་དབང་འཛིན་ལུ་ དུས་ཅི་ སྤྱི་ཟླ་ ༥ པའི་ནང་ བཀོད་རྒྱ་གནང་ཡི་ཟེར་ཨིན་པས། དེ་མ་ཚད་ འགྲུལ་འཕྲིན་ཞབས་ཏོག་གི་ སྤྱོད་གླ་ཚུ་དང་འབྲེལ་ཏེ་ འཕྲུལ་རིག་དང་ དངུལ་འབྲེལ་གནད་དོན་ཚུ་ཡང་ ཡོངས་རྫོགས་སྦེ་ར་ བསྐྱར་ཞིབ་འབད་དགོ་པའི་ བཀོད་རྒྱ་ཡང་གནང་ནུག། བློན་པོ་གིས་འབད་བ་ཅིན་ བསྐྱར་ཞིབ་དེ་ནང་ ཞབས་ཏོག་གི་ སྤུས་ཚད་དང་ ཉེས་སྤྱོད་འབད་མི་ཚུ་གིས་ སྤྱོད་གླ་བཏབ་ཚུགས་པའི་ཚད་གཞི་ དེ་ལས་ མ་རྩ་གཞི་བཙུགས་ཀྱི་ དགོས་མཁོ་དང་ འགྲུལ་འཕྲིན་ལས་སྡེ་ཚུ་གི་ ཡུན་བརྟན་ཚུ་ཡང་ ཚུད་དེ་ཡོད་ཟེར་ཨིན་པས། གནད་དོན་དེ་གི་སྐོར་ལས་ མཐའ་བཅད་སྙན་ཞུ་དང་ རྒྱབ་སྣོན་གྲོས་འཆར་ཚུ་ སྤྱི་ལོ་ ༢༠༢༦ སྤྱི་ཟླ་ ༡༠ པའི་ཚེས་ […]
འབྲུག་དང་ རྒྱ་གར་བྱང་ཤར་གྱི་བར་ན་ ཚོང་འབྲེལ་དང་ མཐུད་སྦྲེལ་བཙན་ཐབས་ཀྱི་ གོ་བསྡུར་ཞལ་འཛོམས།
པདྨ་དབང་འདུས། འབྲུག་ལུ་ རྒྱ་གར་གཞུང་ཚབ་ཡིག་ཚང་དང་ འབྲུག་དང་ རྒྱལ་ཡོངས་དགའ་སྐྱིད་དཔལ་འཛོམས་ཞིབ་འཇུག་ལྟེ་བ་ ཨེ་ཤི་ཡ་ མཉམ་བསྡོམས་བཅས་ཀྱིས་ ཐིམ་ཕུ་ལུ་སྦེ་ “རྒྱ་འབྲུག་གི་མཐུན་འབྲེལ་: ཚོང་འབྲེལ་དང་ མཐུད་སྦྲེལ་ ཤེས་རིག་ བལྟ་བཤལ་ གསོ་བ་ མཉམ་འབྲེལ་གྱི་མཐོང་ཚུལ་”ཟེར་བའི་ གོ་བསྡུར་ཞལ་འཛོམས་ཅིག་ ཉིནམ་ ༡ གི་རིང་ལུ་ འགོ་འདྲེན་འཐབ་ནུག། གོ་བསྡུར་ཞལ་འཛོམས་དེ་ནང་ ཚོང་འབྲེལ་བཙན་ཐབས་དང་ ལུང་ཕྱོགས་མཐུད་སྦྲེལ་ཡར་དྲག་གཏང་ནི་ ཤེས་རིག་དང་ བལྟ་བཤལ་ གསོ་བ་དང་ འཕྲུལ་རིག་ཚུ་ནང་ མཉམ་འབྲེལ་རྒྱ་སྐྱེད་ཚུ་གི་སྐོར་ལས་ གྲོས་གླེང་ཚུ་འབད་ཡོད་པའི་ནང་གསལ་ དམིགས་བསལ་གྱིས་ འབྲུག་དང་ རྒྱ་གར་བྱང་ཤར་དང་ འབྲུག་གི་བར་ན་ དངོས་གཟུགས་ཅན་གྱི་ མཐུད་སྦྲེལ་དང་ ཚོང་འབྲེལ་ལུ་ལྷན་ཐབས་ དེ་ལས་ ས་མཚམས་ཀྱི་བར་ན་ མཉམ་འབྲེལ་ཚུ་གི་སྒོ་ལས་ དཔལ་འབྱོར་གྱི་འབྲེལ་བ་ གཏིང་གཟབ་བཟོ་ནི་གི་ གོ་སྐབས་ཚུ་ལུ་ གཙོ་བོར་བཟུང་ཡོདཔ་ཨིན་པས། དེ་བསྒང་ ནུབ་བེང་གཱལ་གྱི་ ཚོང་དང་བཟོ་གྲྭ་ཚོགས་སྡེའི་ གཙོ་འཛིན་བགྲེསཔ་ ཨམ་བ་རིཤ་ དཱཛ་གུབ་ཏ་གིས་ འབྲུག་དང་ རྒྱ་གར་གྱི་བར་ན་ ཚོང་འབྲེལ་གྱི་ གོ་སྐབས་དེ་ ཧྲིལ་བུར་སྦེ་ གོང་འཕེལ་མ་འགྱོ་བར་ཡོདཔ་ལས་ […]