བི་བི་སི།
སྤྱི་ཟླ་ ༡༡ པའི་ཚེས་ ༡༨ ལུ་ ར་ཤི་ཡའི་ སྲུང་སྐྱོབ་ལྷན་ཁག་ལས་ བཤད་དོ་བཟུམ་འབད་བ་ཅིན་ ར་ཤི་ཡ་དམག་སྡེའི་ སྐྱེལ་འདྲེན་གནམ་གྲུ་ཅིག་ སི་བི་རི་ཡ་ལུ་ ཐུག་རྐྱེན་བྱུང་ཡོདཔ་ལས་ གནམ་གྲུ་དེ་ནང་ འཕུར་འགྲུལ་འབད་མི་ འགྲུལ་པ་ ༡༩ པོ་ག་ར་ལུ་ ཤི་རྐྱེན་བྱུང་ནུག་ཟེར་ཨིན་པས།
དེ་ཡང་ གནམ་གྲུ་ཨེན་ ༡༢ འབད་མི་དེ་ དུས་ཚོད་བཀོད་མི་དང་འཁྲིལ་ཏེ་ འཕུར་འགྲུལ་འབད་བའི་སྐབས་ལུ་ ཀེ་མེ་རོ་ཝོ་ ལུང་ཕྱོགས་ཀྱི་ མི་མེད་ལུང་སྟོང་ཅིག་ནང་ ས་ཁར་བུད་ཡོདཔ་སྦེ་ སྲུང་སྐྱོབ་ལྷན་ཁག་ལས་ གསལ་བཤད་འབད་ནུག།
ད་རུང་ སྲུང་སྐྱོབ་ལྷན་ཁག་ལས་ བཤད་དོ་བཟུམ་འབད་བ་ཅིན་ སྤྱི་ཟླ་ ༡༡ པའི་ཚེས་ ༡༧ ལུ་ ཐུག་རྐྱེན་བྱུང་མི་ གནམ་གྲུ་དེ་གི་ འཕྲུལ་ཆས་ལུ་ གནོད་སྐྱོན་བྱུང་ཡོད་པའི་ དོགས་ཟོན་ཡོད་རུང་ ར་ཤི་ཡའི་ དབང་འཛིན་ཚུ་གིས་ ཞིབ་དཔྱད་མཐིལ་ཕྱིན་སྦེ་ར་ ལག་ལེན་འཐབ་པའི་བསྒང་ཡོད་ཟེར་ཨིན་པས།
དེ་སྦེ་ ཐུག་རྐྱེན་བྱུང་པའི་སྐབས་ལུ་ གནམ་གྲུ་དེ་ཁར་ མེ་རྐྱེན་སྦོམ་སྦེ་ར་ བྱུང་ཡོདཔ་ལས་ གློ་བུར་གདོང་ལན་སྡེ་ཚན་གྱིས་ ཚ་ངེར་བཏོན་ཏེ་ མེ་རྐྱེན་དེ་ བསད་ཡོད་པའི་སྐོར་ལས་ ས་གནས་གཞུང་གི་སྤྱི་འཛིན་ ཨིལ་ཡ་སེ་རེ་ཡུག་གིས་ བཤད་ཡོདཔ་སྦེ་བཀོད་ནུག།
དེ་མ་ཚད་ ཁྲིས་སྲུང་འགག་སྡེ་གིས་ གནམ་གྲུ་ཐུག་རྐྱེན་བྱུང་ས་ ཡ་གུ་ནོ་ཡོ་ གཡུས་ཚན་གྱི་ ཉེ་འདབས་ས་ཁོངས་ནང་ མི་ག་ཡང་ འགྱོ་མ་ཆོགཔ་སྦེ་ བཀག་དམ་འབད་བའི་ཁར་ གནམ་གྲུ་ཧེ་ལི་ཀོབ་ཊར་དང་ གསོ་བའི་མཐུན་རྐྱེན་ཚུ་ཡང་ བཏང་ཡོདཔ་སྦེ་ ས་གནས་གཞུང་གི་ སྤྱི་འཛིན་གྱིས་ བཤད་ཡོདཔ་ཨིན་པས།
གནམ་གྲུ་དེ་ ཐུག་རྐྱེན་བྱུང་པའི་སྐབས་ལུ་ འགས་འགྱོ་བའི་སྟབས་ཀྱིས་ མེ་འབར་ཡོད་མི་དེ་ ས་ཐག་རིང་ས་ལས་ར་ འོད་ཆེམ་ཆེམ་སྦེ་ མཐོང་ཡོད་པའི་སྐོར་ལས་ཡང་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།
ར་ཤི་ཡ་དམག་སྡེའི་ གནམ་གྲུ་ཅིག་ལུ་ ཐུག་རྐྱེན་བྱུང་ཡོདཔ་ལས་ གནམ་གྲུ་དེ་ནང་ཡོད་མི་ ༡༩ པོ་ག་ར་ལུ་ཤི་རྐྱེན།

Related

ཨི་རཱན་གྱིས་ བྷ་རེན་ལུ་ཡོད་མི་ ཡུ་ཨེཛ་དམག་སྡེའི་ མངོན་གསལ་འཕྲུལ་ཆས་རིམ་ལུགས་ལུ་ གནོད་འཚུབ་བཀལ་ཡོདཔ།
བི་བི་སི། སྤྱི་ཟླ་ ༡༡ པའི་ཚེས་ ༡༧ ལུ་ ཨི་རཱན་གྱིས་ མཁའ་དམག་འཕྲུལ་ཆས་ ཌྲཱོན་ལག་ལེན་འཐབ་སྟེ་ བྷ་རེན་ལུ་ཡོད་མི་ ཡུ་ཨེཛ་དམག་སྡེའི་ མངོན་གསལ་འཕྲུལ་ཆས་རིམ་ལུགས་ལུ་ གནོད་འཚུབ་བཀལ་ཡོདཔ་མ་ཚད་ ཧོར་མུཛ་མཚོ་གླིང་ནང་ ས་སྣུམ་སྐྱེལ་འདྲེན་འབད་མི་ གྲུ་གཟིངས་ཅིག་གི་ ལས་བྱེདཔ་ཚུ་ཡང་ བྱང་སྟོར་ཤོར་ཡོདཔ་སྦེ་བཀོད་ནུག། དེ་ཡང་ ཨི་རཱན་གྱི་ ཨིཛ་ལཱ་མིག་དམག་སྡེ་གིས་ བྷ་རེན་གྱི་ ཤེག་ཨི་ས་ལུ་ཡོད་མི་ ཡུ་ཨེཛ་གི་ མངོན་གསལ་འཕྲུལ་ཆས་རིམ་ལུགས་ལུ་ དམིགས་གཏད་བསྐྱེད་དེ་ གནོད་འཚུབ་བཀལ་ཡོདཔ་སྦེ་ བཤད་ཡོདཔ་ཨིན་པས། དེ་བསྒང་ བྷ་རེན་ལུ་ཡོད་མི་ ཡུ་ཨེཛ་དམག་སྡེ་ རུ་ཁག་ ༥ པ་གིས་ བཀག་ཆ་འབད་ཡོདཔ་ལས་ མི་ལུ་ཤི་རྐྱེན་དང་ གནོད་སྐྱོན་ཚུ་ བྱུང་ཡོད་པའི་ སྙན་ཞུ་མེདཔ་སྦེ་ གསལ་བཀོད་འབད་ནུག། ཀ་ཊར་གྱིས་ བཤད་དོ་བཟུམ་འབད་བ་ཅིན་ ཧ་ལམ་ཟླཝ་ ༩ དེ་ཅིག་ལང་མི་ དམག་འཁྲུག་དེ་ མཇུག་བསྡུ་ནིའི་དོན་ལས་ ཉིནམ་དེ་ཁར་ དོ་ཧ་ལུ་སྦེ་ ཀ་ཊར་དང་ ཨི་རཱན་གྱི་ འགོ་དཔོན་ཚུ་གི་བར་ན་ གསུང་གྲོས་གནང་ནི་གི་ ལས་རིམ་སྡོད་ཅི་ཟེར་ཨིན་པས། ཨི་རཱན་གྱི་ […]

མ་ནི་ལ་ལུ་ ཤར་ལྷོ་ཨེ་ཤི་ཡའི་ རྒྱལ་ཁམས་ཚོགས་པའི་ དབུ་ཁྲིད་ཞལ་འཛོམས།
རོའི་ཊརཛ། སྤྱི་ཟླ་ ༡༡ པའི་ཚེས་ ༡༥ ལས་ འགོ་བཙུགས་ཏེ་ མ་ནི་ལ་ལུ་ ཤར་ལྷོ་ཨེ་ཤི་ཡའི་ རྒྱལ་ཁམས་ཚོགས་པའི་ དབུ་ཁྲིད་ཞལ་འཛོམས་ འཚོགས་གནང་ནི་ཨིནམ་ད་ ཞལ་འཛོམས་དེ་ཡང་ མི་ཡཱན་མར་ དྲག་པོའི་དམག་སྡེའི་ རྒྱབ་སྐྱོར་ཐོག་གི་ འགོ་ཁྲིདཔ་ཚུ་ ཆེ་མཐོའི་ཞལ་འཛོམས་ཚུ་ནང་ གྲལ་གཏོགས་འབད་ནི་མེདཔ་སྦེ་ ལོ་ངོ་ ༥ གི་རིང་ལུ་ བཀག་དམ་འབད་དེ་ཡོད་མི་དེ་ གུ་ཡངས་གཏང་ནིའི་སྐོར་ལས་ཨིན་པས། མི་ཡཱན་མར་གྱི་ ཁ་ཐུག་ལས་ ཚོགས་པ་དེ་ལུ་ ཨུ་ཚུགས་རྐྱབ་དོ་ཡོདཔ་ད་ མཐའ་ཡས་ལེན་དང་ རྒྱལ་ཁབ་གཞན་དག་པ་ཅིག་གིས་ མི་ཡཱན་མར་ལུ་ ནང་འཁྲུག་ལང་སྟེ་ཡོད་རུང་ མི་ཡཱན་མར་དང་གཅིག་ཁར་ འབྲེལ་བ་འཐབ་ནི་ ཡར་སེང་འབད་ནུག། ཤར་ལྷོ་ཨེ་ཤི་ཡའི་ རྒྱལ་ཁམས་ཚོགས་པའི་ནང་ མི་ཡཱན་མར་གྱི་ དམིགས་བསལ་ངོ་ཚབ་དང་ ཕི་ལི་པིན་གྱི་ ཕྱི་འབྲེལ་དྲུང་ཆེན་ མ་ཐེ་རེ་ས་ ལ་ཛ་རོ་གིས་འབད་བ་ཅིན་ བསྐྱར་ཞིབ་ཟིན་བྲིས་དང་ འདུམ་འགྲིག་ཐོག་ལུ་ཡོད་མི་ དོན་ཚན་ ༥ འབད་མི་ མོས་མཐུན་གྱི་ གནད་དོན་ཁག་དག་པ་ཅིག་ ཤར་ལྷོ་ཨེ་ཤི་ཡ་ རྒྱལ་ཁམས་ཚོགས་པའི་ འགོ་ཁྲིདཔ་ཚུ་ལུ་ གསལ་བཤད་ཕུལ་ནི་ཨིནམ་སྦེ་ བཤདཔ་ཨིནཔ་ཟེར་ […]

ཡུ་ཨེཛ་གི་ གནམ་གྲུ་ཐང་ཚུ་ནང་ གནམ་གྲུ་ ༡༠,༠༠༠ དེ་ཅིག་ ནང་བསྐྱོད་དང་ ཕྱིར་ཐོན་འབད་ནི་ ཆ་མེད་བཏང་ཡོདཔ།
བི་བི་སི། སྤྱི་ཟླ་ ༡༡ པའི་ཚེས་ ༡༣ ལུ་ ཡུ་ཨེཛ་གི་ གནམ་གྲུ་ཐང་ཚུ་ནང་ གནམ་གྲུ་ ༡༠,༠༠༠ དེ་ཅིག་ ནང་བསྐྱོད་དང་ ཕྱིར་ཐོན་ཆ་མེད་བཏང་ཡོདཔ་ད་ དེ་ཡང་ ཌེལ་ཊ་མཁའ་འགྲུལ་དང་ ཨ་མི་རི་ཀཱན་ མཁའ་འགྲུལ་གྱིས་ གནམ་གྲུ་ ༢,༢༠༠ ལྷགཔ་ཅིག་དང་ ཡུ་ནའི་ཊེཌ་ མཁའ་འགྲུལ་གྱིས་ གནམ་གྲུ་ ༡,༨༠༠ དེ་ལས་ ས་འུཐ་ཝེཛ་གིས་གནམ་གྲུ་ ༡,༤༠༠ ཆ་མེད་བཏང་ནུག། ཡུ་ཨེཛ་གི་ སྐྱེལ་འདྲེན་དྲུང་ཆེན་ སི་ཨཱན་ཌ་ཕི་དང་ ནང་འཁོད་ཉེན་སྲུང་དྲུང་ཆེན་ མཱག་ཝེན་མུ་ལིན་ ༢ ཀྱིས་ གནམ་གྲུ་ཚུ་ དེ་སྦེ་ འཕུར་འགྲུལ་ཆ་མེད་བཏང་མི་དེ་ འཕྲུལ་ཆས་ཚུ་གི་ གནད་སྡུད་ཚུ་ ཐང་ཐིགས་གཅིག་སྦེ་ མེད་ནི་དེ་གིས་ཨིན་ཟེར་ བཤད་ཡོདཔ་ཨིན་པས། ཨིན་རུང་ གནམ་གྲུ་ཆ་མེད་ འགོ་བཙུགས་ཏེ་ དུས་ཡུན་ཆུ་ཚོད་ ༥ གི་རྒྱབ་ལས་ རྒྱལ་ཡོངས་ཀྱི་ གནས་ཚད་ཁར་ ནང་འཁོད་འཕུར་འགྲུལ་ཚུ་ སླར་ལོག་འཕུར་ཆོགཔ་སྦེ་ བཟོ་ཡོད་རུང་ འགྲུལ་པ་ལེ་ཤ་ཅིག་ […]

Leave a Reply