ArchiveAboutContact
World News

ཡུ་ཀེ་རེན་གྱིས་ ཀི་རི་མི་ཡའི་ཟམ་ལུ་ གནོད་འཚུབ་ལན་ཐེངས་ ༣ བཀལ་ཡོདཔ།

gyalchi · 1 min read

བི་བི་སི།
སྤྱི་ཟླ་ ༡༡ པའི་ཚེས་ ༡༩ ལུ་ ར་ཤི་ཡའི་ འགོ་དཔོན་ཅིག་གིས་ བཤད་དོ་བཟུམ་འབད་བ་ཅིན་ ཡུ་ཀེ་རེན་གྱིས་ བདུན་ཕྲག་འདི་ནང་ར་ ཀི་རི་མི་ཡའི་ ཟམ་དེ་ཁར་ ལན་ཐེངས་ ༣ གྱི་རིང་ལུ་ གནོད་འཚུབ་བཀལ་ཡི་ཟེར་ཨིན་པས།
དེ་ཡང་ ར་ཤི་ཡ་གིས་ དབང་བཟུང་འབད་མི་ ཀི་རི་མི་ཡ་དང་ ར་ཤི་ཡའི་བར་ན་ མཐུད་སྦྲེལ་འབད་མི་ ཟམ་དེ་ཁར་ ཡུ་ཀེ་རེན་གྱིས་ གནོད་འཚུབ་བཀལ་བའི་ཤུལ་ལུ་ གནས་སྐབས་ཅིག་གི་དོན་ལས་ འགྲུལ་སྐྱོད་བཀག་ཆ་འབད་དེ་བཞག་ནུག།
དེ་མ་ཚད་ བདུན་ཕྲག་འདི་ནང་ ཧེ་མ་ལས་ར་ ཟམ་དེ་ཁར་ ལན་ཐེངས་ ༢ གནོད་འཚུབ་བཀལ་ཏེ་ གནོད་སྐྱོན་སྦོམ་སྦེ་ར་ བྱུང་པའི་ཁར་ ཟམ་གྱི་ཆ་ཤས་ཅིག་ཡང་ གཙང་ཆུའི་ནང་ བུད་སོངཔ་ལས་ ཉེན་ཁ་ཅན་ཅིག་ལུ་ གྱུར་ཏེ་ཡོད་ཟེར་ཨིན་པས།
ཡུ་ཀེ་རེན་གྱིས་ གལ་གནད་ཆེ་བའི་ གཞི་རྟེན་དེ་ཁར་ དུས་ཡུན་རིངམོ་ཅིག་ལས་ར་ དམིགས་གཏད་བསྐྱེད་དེ་ཡོདཔ་ད་ དེ་ཡང་ ར་ཤི་ཡ་གིས་ དམག་འཁྲུག་ནང་ བཅའ་སྒྲིག་དང་ རྟགས་མཚན་ཅན་གྱི་ རྒྱུ་དངོས་ཅིག་སྦེ་ ངོས་འཛིན་འབད་ནི་དེ་གིས་ཨིན་པས་ཟེར་ བཀོད་འདུག་པའི་གནས་ཚུལ།

Leave a Reply

Your email address will not be published. Required fields are marked *

Related

World News

ར་ཤི་ཡ་དམག་སྡེའི་ གནམ་གྲུ་ཅིག་ལུ་ ཐུག་རྐྱེན་བྱུང་ཡོདཔ་ལས་ གནམ་གྲུ་དེ་ནང་ཡོད་མི་ ༡༩ པོ་ག་ར་ལུ་ཤི་རྐྱེན།

བི་བི་སི། སྤྱི་ཟླ་ ༡༡ པའི་ཚེས་ ༡༨ ལུ་ ར་ཤི་ཡའི་ སྲུང་སྐྱོབ་ལྷན་ཁག་ལས་ བཤད་དོ་བཟུམ་འབད་བ་ཅིན་ ར་ཤི་ཡ་དམག་སྡེའི་ སྐྱེལ་འདྲེན་གནམ་གྲུ་ཅིག་ སི་བི་རི་ཡ་ལུ་ ཐུག་རྐྱེན་བྱུང་ཡོདཔ་ལས་ གནམ་གྲུ་དེ་ནང་ འཕུར་འགྲུལ་འབད་མི་ འགྲུལ་པ་ ༡༩ པོ་ག་ར་ལུ་ ཤི་རྐྱེན་བྱུང་ནུག་ཟེར་ཨིན་པས། དེ་ཡང་ གནམ་གྲུ་ཨེན་ ༡༢ འབད་མི་དེ་ དུས་ཚོད་བཀོད་མི་དང་འཁྲིལ་ཏེ་ འཕུར་འགྲུལ་འབད་བའི་སྐབས་ལུ་ ཀེ་མེ་རོ་ཝོ་ ལུང་ཕྱོགས་ཀྱི་ མི་མེད་ལུང་སྟོང་ཅིག་ནང་ ས་ཁར་བུད་ཡོདཔ་སྦེ་ སྲུང་སྐྱོབ་ལྷན་ཁག་ལས་ གསལ་བཤད་འབད་ནུག། ད་རུང་ སྲུང་སྐྱོབ་ལྷན་ཁག་ལས་ བཤད་དོ་བཟུམ་འབད་བ་ཅིན་ སྤྱི་ཟླ་ ༡༡ པའི་ཚེས་ ༡༧ ལུ་ ཐུག་རྐྱེན་བྱུང་མི་ གནམ་གྲུ་དེ་གི་ འཕྲུལ་ཆས་ལུ་ གནོད་སྐྱོན་བྱུང་ཡོད་པའི་ དོགས་ཟོན་ཡོད་རུང་ ར་ཤི་ཡའི་ དབང་འཛིན་ཚུ་གིས་ ཞིབ་དཔྱད་མཐིལ་ཕྱིན་སྦེ་ར་ ལག་ལེན་འཐབ་པའི་བསྒང་ཡོད་ཟེར་ཨིན་པས། དེ་སྦེ་ ཐུག་རྐྱེན་བྱུང་པའི་སྐབས་ལུ་ གནམ་གྲུ་དེ་ཁར་ མེ་རྐྱེན་སྦོམ་སྦེ་ར་ བྱུང་ཡོདཔ་ལས་ གློ་བུར་གདོང་ལན་སྡེ་ཚན་གྱིས་ ཚ་ངེར་བཏོན་ཏེ་ […]

gyalchi
World News

ཨི་རཱན་གྱིས་ བྷ་རེན་ལུ་ཡོད་མི་ ཡུ་ཨེཛ་དམག་སྡེའི་ མངོན་གསལ་འཕྲུལ་ཆས་རིམ་ལུགས་ལུ་ གནོད་འཚུབ་བཀལ་ཡོདཔ།

བི་བི་སི། སྤྱི་ཟླ་ ༡༡ པའི་ཚེས་ ༡༧ ལུ་ ཨི་རཱན་གྱིས་ མཁའ་དམག་འཕྲུལ་ཆས་ ཌྲཱོན་ལག་ལེན་འཐབ་སྟེ་ བྷ་རེན་ལུ་ཡོད་མི་ ཡུ་ཨེཛ་དམག་སྡེའི་ མངོན་གསལ་འཕྲུལ་ཆས་རིམ་ལུགས་ལུ་ གནོད་འཚུབ་བཀལ་ཡོདཔ་མ་ཚད་ ཧོར་མུཛ་མཚོ་གླིང་ནང་ ས་སྣུམ་སྐྱེལ་འདྲེན་འབད་མི་ གྲུ་གཟིངས་ཅིག་གི་ ལས་བྱེདཔ་ཚུ་ཡང་ བྱང་སྟོར་ཤོར་ཡོདཔ་སྦེ་བཀོད་ནུག། དེ་ཡང་ ཨི་རཱན་གྱི་ ཨིཛ་ལཱ་མིག་དམག་སྡེ་གིས་ བྷ་རེན་གྱི་ ཤེག་ཨི་ས་ལུ་ཡོད་མི་ ཡུ་ཨེཛ་གི་ མངོན་གསལ་འཕྲུལ་ཆས་རིམ་ལུགས་ལུ་ དམིགས་གཏད་བསྐྱེད་དེ་ གནོད་འཚུབ་བཀལ་ཡོདཔ་སྦེ་ བཤད་ཡོདཔ་ཨིན་པས། དེ་བསྒང་ བྷ་རེན་ལུ་ཡོད་མི་ ཡུ་ཨེཛ་དམག་སྡེ་ རུ་ཁག་ ༥ པ་གིས་ བཀག་ཆ་འབད་ཡོདཔ་ལས་ མི་ལུ་ཤི་རྐྱེན་དང་ གནོད་སྐྱོན་ཚུ་ བྱུང་ཡོད་པའི་ སྙན་ཞུ་མེདཔ་སྦེ་ གསལ་བཀོད་འབད་ནུག། ཀ་ཊར་གྱིས་ བཤད་དོ་བཟུམ་འབད་བ་ཅིན་ ཧ་ལམ་ཟླཝ་ ༩ དེ་ཅིག་ལང་མི་ དམག་འཁྲུག་དེ་ མཇུག་བསྡུ་ནིའི་དོན་ལས་ ཉིནམ་དེ་ཁར་ དོ་ཧ་ལུ་སྦེ་ ཀ་ཊར་དང་ ཨི་རཱན་གྱི་ འགོ་དཔོན་ཚུ་གི་བར་ན་ གསུང་གྲོས་གནང་ནི་གི་ ལས་རིམ་སྡོད་ཅི་ཟེར་ཨིན་པས། ཨི་རཱན་གྱི་ […]

gyalchi
World News

མ་ནི་ལ་ལུ་ ཤར་ལྷོ་ཨེ་ཤི་ཡའི་ རྒྱལ་ཁམས་ཚོགས་པའི་ དབུ་ཁྲིད་ཞལ་འཛོམས།

རོའི་ཊརཛ། སྤྱི་ཟླ་ ༡༡ པའི་ཚེས་ ༡༥ ལས་ འགོ་བཙུགས་ཏེ་ མ་ནི་ལ་ལུ་ ཤར་ལྷོ་ཨེ་ཤི་ཡའི་ རྒྱལ་ཁམས་ཚོགས་པའི་ དབུ་ཁྲིད་ཞལ་འཛོམས་ འཚོགས་གནང་ནི་ཨིནམ་ད་ ཞལ་འཛོམས་དེ་ཡང་ མི་ཡཱན་མར་ དྲག་པོའི་དམག་སྡེའི་ རྒྱབ་སྐྱོར་ཐོག་གི་ འགོ་ཁྲིདཔ་ཚུ་ ཆེ་མཐོའི་ཞལ་འཛོམས་ཚུ་ནང་ གྲལ་གཏོགས་འབད་ནི་མེདཔ་སྦེ་ ལོ་ངོ་ ༥ གི་རིང་ལུ་ བཀག་དམ་འབད་དེ་ཡོད་མི་དེ་ གུ་ཡངས་གཏང་ནིའི་སྐོར་ལས་ཨིན་པས། མི་ཡཱན་མར་གྱི་ ཁ་ཐུག་ལས་ ཚོགས་པ་དེ་ལུ་ ཨུ་ཚུགས་རྐྱབ་དོ་ཡོདཔ་ད་ མཐའ་ཡས་ལེན་དང་ རྒྱལ་ཁབ་གཞན་དག་པ་ཅིག་གིས་ མི་ཡཱན་མར་ལུ་ ནང་འཁྲུག་ལང་སྟེ་ཡོད་རུང་ མི་ཡཱན་མར་དང་གཅིག་ཁར་ འབྲེལ་བ་འཐབ་ནི་ ཡར་སེང་འབད་ནུག། ཤར་ལྷོ་ཨེ་ཤི་ཡའི་ རྒྱལ་ཁམས་ཚོགས་པའི་ནང་ མི་ཡཱན་མར་གྱི་ དམིགས་བསལ་ངོ་ཚབ་དང་ ཕི་ལི་པིན་གྱི་ ཕྱི་འབྲེལ་དྲུང་ཆེན་ མ་ཐེ་རེ་ས་ ལ་ཛ་རོ་གིས་འབད་བ་ཅིན་ བསྐྱར་ཞིབ་ཟིན་བྲིས་དང་ འདུམ་འགྲིག་ཐོག་ལུ་ཡོད་མི་ དོན་ཚན་ ༥ འབད་མི་ མོས་མཐུན་གྱི་ གནད་དོན་ཁག་དག་པ་ཅིག་ ཤར་ལྷོ་ཨེ་ཤི་ཡ་ རྒྱལ་ཁམས་ཚོགས་པའི་ འགོ་ཁྲིདཔ་ཚུ་ལུ་ གསལ་བཤད་ཕུལ་ནི་ཨིནམ་སྦེ་ བཤདཔ་ཨིནཔ་ཟེར་ […]

gyalchi
Online now: 7 Today: 1979 Total visitors: 98116
23,741Facebook followers
+100Today
+1,642This month