སྤྱི་ཟླ་ ༤ པའི་ཚེས་ ༢༥ ལུ་ རྒྱལ་ཁབ་མཐའ་དབུས་མེད་པར་ ཞི་གཡོགཔ་ ༣༠,༠༠༠ ལྷགཔ་ཅིག་གིས་ བདེ་ཉམས་དང་ གཅིག་མཐུན་ དེ་ལས་ ཞབས་ཏོག་ཚུ་ བརྩི་སྲུང་འབད་ཡོདཔ་ད་ དེ་ཡང་ ཐིམ་ཕུ་ལུ་འབད་བ་ཅིན་ བང་རྒྱུགཔ་ ༥༦༥ འབད་མི་ སྡེ་ཚན་ ༡༡༣ གྱིས་ འགྲན་ཟླ་མེད་པའི་ ངར་ཤུགས་ཀྱི་སྒོ་ལས་ རྒྱང་རིང་བང་རྒྱུག་འགྲན་བསྡུར་ནང་ གྲལ་གཏོགས་འབད་མི་དེ་གིས་ གཅིག་སྒྲིལ་དང་ དཀའ་སྡུག་བཟོད་ཚུགས་པའི་ རྟགས་མཚན་སྟོན་ནུག།
བང་རྒྱུག་འགྲན་བསྡུར་དེ་ནང་ལས་ རྒྱལ་གཞུང་ཞི་གཡོག་ལྷན་ཚོགས་ཀྱིས་ ཨང་དང་པ་དང་ རྒྱལ་ཡོངས་རྩིས་དཔྱད་བཀོད་འཛིན་གྱིས་ ཨང་གཉིས་པ་ དེ་ལས་ ཨང་གསུམ་པ་དེ་ འཇིགས་མེད་རྡོ་རྗེ་དབང་ཕྱུག་ གཙོ་བསྟེན་སྨན་ཁང་གིས་ ཐོན་ཡོདཔ་ད་ བང་རྒྱུག་འགྲན་བསྡུར་དེ་ རྒྱལ་གཞུང་ཞི་གཡོག་ལྷན་ཚོགས་ཀྱིས་ འགོ་འདྲེན་འཐབ་ཡོད་པའི་ གནས་ཚུལ་མདོར་བསྡུས།
རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཁ་གསལ་དང་ ཤེས་ཡོན་ ལམ་སྲོལ་ སྤྲོ་བ་ལ་སོགས་པ་ཚུ་ གློག་རིག་སྒྲིག་བཀོད་ (PDF) ཐོག་ལུ་ གཟིགས་འདོད་ཡོད་མི་ཚུ་གིས་ ལོ་ངོ་ ༡ གི་དོན་ལས་ འབྲུག་གི་དངུལ་ཁང་ནང་ རྒྱལ་སྤྱི་གསར་ཤོག་གི་ རྩིས་ཁྲ་ཨང་ ༡༠༠༩༡༥༣༣༤ ཅན་མར་ དངུལ་ཀྲམ་ ༥༠༠ བཙུགས་ཐོག་ལས་ རྒྱུན་མངག་མཛད་གནང་ཟེར་ ཞུ་ནི་དང་། བརྡ་དོན་ཁ་གསལ་གྱི་དོན་ལས་ གློག་འཕྲིན་ཁ་བྱང་ gyalchi.cir@gmail.com དང་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།
