སྤྱི་ཟླ་ ༤ པའི་ཚེས་ ༢༢ ལུ་ འཛམ་གླིང་སྤྱི་ཚོགས་ཀྱི་ འབྲུག་བཞུགས་སྐུ་ཚབ་ དགོངས་ཞུ་བྱོན་མི་ ཨམ་ཀར་ལ་ ཧེར་ཤི་དེ་ ཁ་བྲལ་ལེགས་སྨོན་གྱི་དོན་ལས་ མི་རྗེ་བློན་ཆེན་མཆོག་གི་ སྐུ་མདུན་ལུ་བཅར་ནུག།
དེ་བསྒང་ མི་རྗེ་བློན་ཆེན་གྱིས་ ཨམ་ཧེར་ཤི་གིས་ ཁྱད་དུ་འཕགས་པའི་ གནས་ཡུན་ནང་ འཛམ་གླིང་སྤྱི་ཚོགས་དང་ འབྲུག་གཞུང་གི་བར་ན་ མཉམ་འབྲེལ་རྩ་བརྟན་བཟོ་ནི་ལུ་ བརྩི་མཐོང་ཅན་གྱི་ ཕན་ཐོགས་བྱུང་མི་ལུ་ བསྟོད་བསྔགས་མཛད་ཡོདཔ་ཨིན་པས།
དེ་མ་ཚད་ འཛམ་གླིང་སྤྱི་ཚོགས་ཀྱིས་ འབྲུག་གི་གོང་འཕེལ་གྱི་ གཙོ་རིམ་ཚུ་ལུ་ འཕྲོ་མཐུད་དེ་ར་ རྒྱབ་སྐྱོར་གནང་མི་ལུ་ཡང་ ངལ་རངས་ཡོད་ལུགས་ཚུ་ གསུངས་ཡོད་པའི་ གནས་ཚུལ་མདོར་བསྡུས།
