པདྨ་དབང་འདུས།
སྤྱི་ཟླ་ ༩ པའི་ཚེས་ ༢༣ ལུ་ མི་རྗེ་བློན་ཆེན་གྱིས་ འཛམ་གླིང་སྤྱི་ཚོགས་ ཡོངས་ཁྱབ་ཞལ་འཛོམས་ཀྱི་ ཟུར་དོན་མཛད་སྒོ་སྦེ་ འཛམ་གླིང་སྤྱི་ཚོགས་ ཨ་ལོའི་མ་དངུལ་གྱིས་ འགོ་འདྲེན་འཐབ་མི་ ཨ་ལོ་ཚུ་གི་རྒྱུད་ལུ་ ཞ་རྩི་གིས་ སྐྱོན་ཞུགས་མཇུག་བསྡུ་ཐབས་ལུ་ ཞ་རྩི་མེད་པའི་ མ་འོངས་པའི་དོན་ལས་ མཉམ་འབྲེལ་ཟེར་མི་ དྲོ་མཛར་མཛད་རིམ་ནང་ གསུང་བཤད་ཅིག་གནང་ནུག།
དེ་བསྒང་ ཞ་རྩི་གིས་ སྐྱོན་ཞུགས་རྩ་མེད་གཏང་ཐབས་དེ་ གལ་གནད་ཆེ་བའི་ཁར་ མཛད་སྒོ་དེ་ནང་ རྒྱལ་སྤྱི་གིས་ མ་རྩ་གཞི་བཙུགས་ གསར་བཏོད་འབད་དགོཔ་ལས་ སྒྲིག་བཀོདབཟོ་སྒྲིག་གི་དོན་ལུ་ གཞུང་དང་ གཞུང་མིན་ལས་ཚོགས་ རྒྱལ་སྤྱིའི་མཉམ་འབྲེལ་པ་ གྲོགས་རམ་འབད་མི་ཚུ་ མཉམ་གཅིག་འཛོམས་ཡོདཔ་ཨིན་པས།
མི་རྗེ་བློན་ཆེན་གྱི་ གནད་དོན་དེ་ལུ་ རྒྱལ་ཡོངས་ཀྱིས་ གདོང་ལེན་འཕྲལ་མགྱོགས་འབད་དགོཔ་ཡོད་ལུགས་དང་ རྒྱལ་སྤྱི་གིས་ མཉམ་བསྡོམས་ལག་ལེན་ཚུ་ འབད་དགོ་པའི་ ནན་སྐུལ་མཛད་ནུག།
དེ་ཡང་ མི་རྗེ་བློན་ཆེན་གྱིས་ གསུངས་མིའི་ནང་ སྒྲུབ་བྱེད་དང་ ལག་ལེན་མཉམ་བསྡོམས་ཐོག་ལས་འབད་བ་ཅིན་ རྒྱལ་ཁམས་ཆུང་ཀུ་ཅིག་གིས་ཡང་ དཀའ་ངལ་སྦོམ་ཚུ་ སེལ་ནི་ལུ་ འགོ་ཁྲིད་འབད་ཚུགས་ཟེར་ཨིནམ་ད་ འབྲུག་གིས་ ཟླཝ་དག་པ་ཅིག་ནང་ གནད་དོན་བཙལ་རྙེད་ལས་ ལག་ལེན་ལུ་ སྤོ་བཤུད་འབད་ཚུགས་པ་ཅིན་ ཞ་རྩི་མེད་པའི་ མ་འོངས་པའི་དོན་ལུ་ འཛམ་གླིང་ཡང་ ཁ་སྒྱུར་འབད་ཚུགས་འོང་ཟེར་ཨིན་པས།
དེ་འབདཝ་ལས་ ང་བཅས་ཀྱིས་ རྒྱལ་ཁམས་ག་ར་འབད་རུང་ ཆུང་ཀུ་སྦེ་ བརྩི་ནི་མིན་པའི་ཁར་ ཨ་ལོའི་མ་འོངས་པ་ ག་ཅི་ཨིན་རུང་ སྲུང་སྐྱོབ་འབད་ནི་ལུ་ གལ་གནད་ཆེཝ་མིནམ་སྦེ་ཡང་ བརྩི་ནི་མི་འོང་་ཟེར་ གསུངས་ཡོད་པའི་གནས་ཚུལ།
