མཐའ་ཡས་ལེན་ལུ་ བཙག་འཐུའི་དོན་ལས་ རང་སོའི་སྲིད་ཚོགས་ཚུ་ལུ་ རྒྱབ་སྐྱོར་གྱི་ནན་བསྐུལ།

རོའི་ཊརཛ།
སྤྱི་ཟླ་ ༥ པའི་ཚེས་ ལུ་ འགོ་འདྲེན་འཐབ་ནི་ཨིན་མི་ མཐའ་ཡས་ལེན་གྱི་ སྤྱིར་བཏང་བཙག་འཐུའི་དོན་ལས་ མི་མང་ལེ་ཤ་སྦེ་ སྤུངས་འཛོམས་འབད་སར་ རང་སོའི་བློན་ཆེན་གྱི་ འདེམས་ངོ་ཚུ་ལུ་ རྒྱབ་སྐྱོར་འབད་དགོ་པའི་ ནན་བསྐུལ་འབདཝ་ཨིན་པས།
དེ་ཡང་ དམག་སྡེའི་འགོ་ཁྲིདཔ་གིས་ གཞུང་སྐྱོང་འབད་དེ་ ཧ་ལམ་ ལོ་ངོ་བཅུ་ཕྲག་ ༡ གི་ཤུལ་ལས་ མཐའ་ཡས་ལེན་ རྒྱལ་ཁབ་ནང་ མི་འབོར་ས་ཡ་ ༥༢ དེ་ཅིག་གིས་ ཚོགས་རྒྱན་བསྐྱུར་ནི་ཨིན་པས།
མི་མང་གི་ བསམ་འཆར་ལྟར་དུ་འབད་བ་ཅིན་ སྤྱི་ལོ་ ༢༠༠༡ ལས་ཚུར་ བཙག་འཐུ་ཚུ་ནང་ འཕྲོ་མཐུད་དེ་ར་ གྲུབ་འབྲས་བཏོན་ཚུགས་མི་ ཕིའུ་ཐའེ་གིས་ སྡོད་ཁྲི་མཐོ་ཤོས་ འཐོབ་ནི་བཟུམ་ཅིག་འདུག་ཟེར་ཨིན་པས།
སྲིད་ཚོགས་དེ་གི་ བློན་ཆེན་གྱི་ འདེམས་ངོ་ཚུ་ཡང་ ཐག་སིན་ཤི་ན་ཝ་ཏ་ར་གི་ སྲིངམོ་ཆུང་ཤོས་ པེ་ཏོང་ཏཱན་ ཤི་ན་ཝ་ཏ་ར་དང་ གཞིས་ཁྱིམ་ཚོང་སྒྱུར་ནང་ དབང་ཤུགས་ཡོད་མི་ སེ་རེ་ཐ་ ཐ་བི་སིན་ ༢ ཨིན་པས་ཟེར་ བཀོད་འདུག་པའི་གནས་ཚུལ།