པཱ་ཀིཛ་ཏཱན་ལུ་ ངོ་རྒོལ་གཡིབ་དམག་སྡེ་ཚན་གྱིས་ རྫས་བམ་འགས་བཅུག་མིའི་ནང་ ཁྲིམས་སྲུང་འགག་པ་ ༣ ལུ་ཤི་རྐྱེན།

ཨེན་ཌི་ཊི་ཝི།
པཱ་ཀིཛ་ཏཱན་ལུ་ ཨའི་ཨེཛ་ཨའི་ཨེཛ་ཟེར་མི་ ངོ་རྒོལ་གཡིབ་དམག་སྡེ་ཚན་གྱིས་ ཁྲིམས་སྲུང་འགག་པ་ཚུ་ལུ་ དམིགས་གཏད་བསྐྱེད་དེ་ རྫས་བམ་འགས་བཅུག་མིའི་ནང ཁྲིམས་སྲུང་འགག་པ་ ༣ ལུ་ ཤི་རྐྱེན་དང་ ལེ་ཤ་ཅིག་ལུ་ རྨ་སྐྱོན་བྱུང་ཡོདཔ་ཨིན་པས།
དེ་ཡང་ སྤྱི་ཟླ་ ༤ པའི་ཚེས་ ༡༥ ལུ་ བཱ་ལོ་ཅིཛ་ཏཱན་མངའ་སྡེའི་ མཱཛ་ཏུང་ཁྲོམ་སྡེའི་ནང་ ཁྲིམས་སྲུང་འགག་པ་ ༤༠ འབག་སྟེ་ འགྲུལ་བསྐྱོད་འབད་མི་ སྣུམ་འཁོར་བཱཛ་དེ་ལུ་ དམིགས་གཏད་བསྐྱེད་དེ་ མོ་ཊར་ས་ཡེ་ཀཱལ་ཅིག་ བཀག་བཞག་ཐོག་ལས་ རྫས་བམ་འགས་བཅུག་ནུག།
པཱ་ཀིཛ་ཏཱན་དང་ ཨཕ་གྷ་ནིཛ་ཏཱན་གྱི་ ཉེན་སྲུང་དམག་མི་ཚུ་ལུ་ ཇི་ཧ་དིཛ་སྡེ་ཚན་གྱི་ ལུང་ཕྱོགས་ཡན་ལག་ ཨའི་ཨེཛ་ཨའི་ཨེཛ་ གཡིབ་དམག་སྡེ་ཚན་གྱིས་ འཕྲལ་འཕྲལ་སྦེ་ར་ གནོདཔ་བཀལ་དོ་ཡོདཔ་སྦེ་ བཤདཔ་ཨིན་པས།
སྤྱི་ལོ་ ༢༠༢༡ ལོར་ ཨཕ་གྷ་ནིཛ་ཏཱན་ལུ་ ཏཱ་ལི་བཱན་གྱིས་ དབང་ཚད་ལོག་ཐོབ་པའི་ཤུལ་ལས་ པཱ་ཀིཛ་ཏཱན་གྱི་ ས་མཚམས་ལུ་ཡོད་མི་ ལུང་ཕྱོགས་ཚུ་ནང་ དྲག་རྒོལ་ཚུ་ ཡར་སེང་འགྱོ་དོ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།