སུ་དཱན་རྒྱལ་ཁབ་ནང་ ངོ་ལོགཔ་དམག་མི་ཚུ་གིས་ མི་གྲངས་ ༡༥༠ དམར་བསད།
སི་ཨེན་ཨེན། སྤྱི་ཟླ་ ༦ པའི་ཚེས་ ༦ ལུ་ སུ་དཱན་རྒྱལ་ཁབ་ནང་ ངོ་ལོགཔ་དམག་མི་ཚུ་གིས་ མི་གྲངས་ ༡༥༠ དམར་བསད་འབད་ཡོདཔ་མ་ཚད་ གཞན་མི་ ༢༠༠ དེ་ཅིག་ལུ་ཡང་ རྨ་སྐྱོན་བྱུང་ནུག།དེ་ཡང་ ངོ་ལོགཔ་དམག་མི་ཚུ་ མཚོན་ཆ་འབག་སྟེ་ སྣུམ་འཁོར་ ༤༠ ལྷགཔ་ཅིག་གི་ནང་སྦེ་ གཡུས་ཚན་ནང་འོང་སྟེ་ ས་གནས་ཀྱི་ ཞི་བའི་མི་སེར་ཚུ་ དམར་བསད་དང་ རྨ་བཏོན་ཁྲག་བཏོན་འབད་མིའི་གྲས་ཁར་ ཨམ་སྲུ་དང་ ཨ་ལོ་ཚུ་ཡང་ ལེ་ཤ་ཅིག་ཡོདཔ་སྦེ་ཨིན་པས།ད་རེས་ སུ་དཱན་གྱི་ དྲག་པོའི་དམག་མི་དང་ ངོ་ལོགཔ་དམག་མི་ཚུ་གི་བར་ན་ ཕྱད་མདའ་རྐྱབ་རྐྱབ་སར་ཡོདཔ་ལས་ མི་སེར་ཚུ་ འདྲོག་བྱེལ་འཐབ་སྟེ་ སྡོད་དོ་ཡོདཔ་ད་ སྤྱི་ལོ་ ༢༠༢༣ སྤྱི་ཟླ་ ༤ པའི་ནང་ལས་ འགོ་བཟུང་སྟེ་ ནང་འཁྲུག་ལང་མི་ལུ་བརྟེན་ཏེ་ མི་སེར་ས་ཡ་ ༧ ལྷགཔ་ཅིག་ རང་སོའི་སྡོད་གནས་ སྤོ་དགོཔ་ཐོན་ནུག།སུ་དཱན་ལུ་ དེ་སྦེ་ ནང་འཁྲུག་ལང་ནི་ འགོ་བཙུགས་པའི་ཤུལ་ལས་ དྲག་པོའི་དམག་སྡེ་དང་ ངོ་ལོགཔ་དམག་སྡེ་གཉིས་ཆ་ར་གིས་ ཞི་བའི་མི་སེར་ཚུ་ གར་ལྷོད་སྦེ་ དམར་བསད་འབད་དོ་ཡོད་པའི་ […]